HOSEA 9:8 - AMÜSÜH HÜM CL Bible (BSI)

⁸ Wukihrü ju Ephraim aheangrü I Thrünpuh lung lah, tütüshe wukihrü limrobo alala ching qimürip lah, tüsho api Thrünpuh yam ching mükthsü lah.

HOSEA 9:8 Iomraidhean Croise

1 KIULONG THSÜRÜ 17:1

Kheakü Gilead ching, Tishbirü Elijanü Ahab ki tha, “Inü atankihbuh, Israel Thrünpuh, Atungpuh lale, I yu hode yungsho, arübe kam mahne yungsho mahsam ayinke yungsho tsüng marü.”

1 KIULONG THSÜRÜ 18:1

Nimung ahihdo dunglim, tsüng marükhi kam mahsampü ching Atungpuh yu Elija kilim arü, “Yüang, nünü Ahab shoruang; inü alomi ching tsüng arüshihbah.”

1 KIULONG THSÜRÜ 18:19

Kheakü jumonü Jezebel dükhüm kheak yimtsührü Baal wukihrü 450 tüsho Ashera wukihrü 400 lung Israel alala Karmel wung kheak I ki bemukhungang.”

1 KIULONG THSÜRÜ 22:11

Kenaana tsührü Zedekianü anihbuh thsungkheak yinchi shihjuhbo thsü tüsho apinü tha, “Atungpuhnü ha thachoh: Siriarü müdükheakyi khiungde nünü harünü akhubah.”

1 KIULONG THSÜRÜ 22:22

Atungpuhnü api ki keokhi, ‘ Küde thsah?’ Apinü alo, ‘Inü awukhiukbah tüsho anihbuh wukihrübo mün ching akeangyu tharü me thsübah.’ Judüki Atungpuhnü tha, ‘Nünü api mulomülapbah, tüsho nünü api bephülapbah; wukhiukang tüsho ju rhimoang.’

1 KIULONG THSÜRÜ 22:28

Mikaianü tha, “Mürangkhüh nü mungtsü ching alode arüsho, Atungpuhnü I hode masukkheah.” Tüsho apinü tha, “Nüsa mihtsürü alalanü aniang.”

1 KIULONG THSÜRÜ 22:6

Judüki Israel kiulongthsüpuhnü wukihrübo 400 bande bemukhung, tüsho arü ki tha, “Inü Ramoth-gilead bede keochihpü yüba shi, dashi I müyüba?” Arünü tha, “Wutuang; tümüde Atungpuhnü ju kiulongthsüpuh khah ching jihbah.”

2 KIULONG THSÜRÜ 13:21

Mihtsürü ju kiuyuka bahde alachoki, thiriri khunung khülang ngü tüsho ashemi ju Elisha kiuyuk ching jipa bah; pang junü Elisha robo kheak qiu akede, api arhang kamlode asürü tüsho ajingnü zhip.

2 KIULONG THSÜRÜ 2:14

Apinü Elija kheaknü ayokhikhi khimniuniu lubah ke rhapde tha, “Elija Thrünpuh, Atungpuh kükheak la?” Küyimki apinü ke rhapkhea, ke ju azüabah, tüsho Elishanü hode yü.

2 KIULONG THSÜRÜ 2:21

Judüki apinü kenü ching yü tüsho ju ching thimi bah, tüsho tha, “Atungpuhnü ha thachoh, Inü ha ke thsüngudo; kheakünü rünbah ha chingnü ashekhi yungsho alo mütsüde müla.”

2 KIULONG THSÜRÜ 4:41

Apinü tha, “Ayikangkang anükhüh lude arang.” Apinü ju phüh ching kamyuk, tüsho tha, “Mihtsürübo ki ahiuhang tüsho arübo tsühshang.” Tüsho phüh ching athsümünimbe tümü mülade alakheah.

2 KIULONG THSÜRÜ 4:43

Tüsho api yamlabuhnü tha, “Inü küde thsah ha mihtsürü 100 müngüh zojihpü?” Jumonü apinü thalo, “Ju mihtsürübo kilim jihang tüsho arübo tsühshang, tümüde Atungpuhnü ha thachoh, ‘ Arünü atsühbah tüsho khürü aningbah.’”

2 KIULONG THSÜRÜ 5:14

Jumonü apinü yüki tüsho Thrünpuh mihtsürü yu yande Jordan ching thüne ki yüzah; azürü nunu shihtsü nangde api shihtsü thsüngu tüsho api müsühde kam.

2 KIULONG THSÜRÜ 5:27

Jumonü Naaman apham ju nü tüsho nü tsühsoniuso kheak lünnü ayükihbah.” Jumonü anihbuh kheak phürüm nangde müyedo apham akhiukbah api mikinü tso.

2 KIULONG THSÜRÜ 7:19

wühkenobuhnü Thrünpuh mihtsürü ki tha, “Atungpuhnü thüning ching ayinripit thsüthsü she, hadürü dünjiba de?” Tüsho apinü alo, “Nünü ju nü mükbonü angübah, tüshe nünü jurü mütsüh.”

2 KIULONG THSÜRÜ 7:2

Judüki kiulongthsüpuh miki arüde alakhi wühkenobuhnü Thrünpuh mihtsürü ki tha, “Atungpuhnü yinmi ching ayinripit thsüthsü she, hadürü dünjikhukba de?” Tüshe apinü tha, “Nünü ju nü müknü angübah, tüshe nünü jurü mütsüh.”

MUNGSHIKHÜN 124:7

Isa mebo ju wuhnu-thsürübo qimürip chingnü wuhnu khülang nangde tsokhitdo; qimürip zhakdo tüsho isa tsokhitdo.

T H S AN GYU T H S AN GR ARÜ 9:12

Tümüde thsümütsü kim shenü mümüchitkhuk. Keang ching thüngüh phuhkhi nangde, tüsho qimürip ching wuhnu phuhkhi nangde, zukleangnü arü kheak keamchoh, thsümütsü kim ching mihtsürübo phuhchoh.

KHÜNBOLUNGKHÜN 3:3

Kiuto aheangde atsahrünü I ngü. Inü arü ki keokhi, “Nüsanü I tsübuh ngünah?”

ISAIA 62:6

Nü rhübo kheak, O Jirusalem, inü aheangrü zojihlah; nimungroro tüsho tsüngreroro arünü zhikde müla. Nüsa sherü Atungpuh ki lümkhitloshihbanü zhikde düla,

JEREMIA 11:19

Tüshe I a azhihayihkhi namfimihnunu alaksahpü bede yükhi ruk lakheah. Tüsho ha I azhihkhi ah de inü mümükheah, junangde arünü amütsü lümkhi thsüde tha, “ Isanü sangaso kihde sangdung kiushakanü, isanü api rhangdung lomi chingnü lipkhianü, junangde api mung kheaküa mülümkhit!”

JEREMIA 14:13

Judüki inü tha: “Ah, Atungpuh T H RÜ NPU H ! Ha ching wukihrübonü arü ki thachoh, ‘ Nüsanü nukshang müngü, yungsho nüsa khümzung müla, tüshe ha dangpung thiyuro mungtsü inü nüsa kilim jihbah.’ ”

JEREMIA 23:13

Samaria ching wukihrü bolung inü amukhiukbe ngüdo: Arünü Baal hode müchit tüsho I mihtsürü Israel bephülapde tso.

JEREMIA 31:6

Tümüde judüki nimung khülang aheangrünü Ephraim lomi wung ching jikhi labah: “Arang, isanü Atungpuh isa Thrünpuh kilim Zion ching wutuanü.”

JEREMIA 6:14

Arünü I mihtsürü mü anükhüh lang ngushihdo, ju ching mungtsü mülalaa, “Mungtsü, mungtsü,” de tha.

JEREMIA 6:17

Kheaküshe inü nüsa thsungkheak aheangrübo zojihlah: “Hulipungpung düsheak aniang!” Tüshe arünü tha, “ Isanü mani.”

TÜZHOKHI 2:14

Wukihrübonü nü thsungkheak akeangyu tüsho mülapyukkhi michihbo ngüdo; arünü nü kuhibo ngülopü thsüde nü mülimkhi mülahkhit, tüshe nü thsungkheaknü akeangyu tüsho bemüchihpü müchityu ngüdo.

TÜZHOKHI 4:13

Ha anihbe wukihrü neakbo tüsho anihbe amükeamrü mülimkhibo, thiyuro-lungkirü thiyih bukshihkhi hode alakheah.

EZEKIEL 3:17

“Mihtsürü tsührü, inü nü Israel yamkhün thsungkheak aheangrü khülang kamshihdo; jumonü inü asukkhi yu aniang tüsho I kilimnü arü ki dühdükhi yu jihang.

EZEKIEL 33:7

Jumonü, mihtsürü tsührü, Inü nü Israel yamkhün thsungkheak aheangrü khülang kamshihdo; inü nü kilim jihkhi kurhangyu arü kilim yüshang.

HOSEA 5:1

Ha soang, O amükeamrübo! Aniang, O Israel yamkhün! Aniang, O kiulongthsüpuh yamkhün! Tümüde mahkhappü ju nü yo lah; tümüde nü ju Mizpa ching qimürip khülang lakheah, tüsho Tabor kheak jipkihkhi keang khülang lakheah,

HOSEA 9:7

Thsümüchi nimungbo arüdo, royimpü nimungbo arüdo; Israelnü zhichoh, “ Wukihrü amülim ah, me lakhi mihtsürü makharü ah!” Tümütüsho nü mülimkhi tokhinü, nü mükthsü tode lah.

HOSEA 9:9

Arünü Gibea nimungbo ching nangde arü zangrü sükde thsümünimdo; apinü arü amülim-rhimobo lümkhitbah, apinü arü neakbo dün thsümüchibah.

MIKA 7:4

Arü bolung atsüdakbe ju khingphu nangde lah, arü bolung khide alungki ju ayangrung lah. Arü aheangrü nimungbo arü thsümüchipü arüdo; kheakü arü yingyingpü khah ki lah.

JOHAN 15:24

Shenü she mürhimokhi inü arü bolung mürhimokhülaa, arü neak mülade alabah; tüshe kheakü arünü ngüdo tüsho I le I Buh chido thraneando.

ROMRÜ KILIM PAULNÜ ATHRÜTKHI KIHÜM HUHTANYU 3:7

Tüshe I arükchih hode api müretah alü kamshihsho, tümü thsükhi kheakü khiungde I aneakrü nangde bahyuka la le?

IBRI 13:17

Nüsa limberübo ki mihyuaniang tüsho arü yukhüm yanang; tümüde arünü me mütsanmüküh-a jihpü thsüde nüsa me kurungkheak aheangchoh. Arünü mulong tukthsüde yungde asühde rhimoshang, tümüde ju nüsa thsungkheak alü mülade akambah.