HOSEA 9:6 - AMÜSÜH HÜM CL Bible (BSI)

⁶ Arünü athsümünim chingnü tsokhikhi she, Ijipnü arü bemukhungbah; Memphisnü arü kiuyuka bahbah. Khingphunü arü shotoyinchi kukrukbo mükühbah; ayangbo arü khimyambo ching labah.

HOSEA 9:6 Iomraidhean Croise

2 KIULONG THSÜRÜ 13:7

Jumonü Jehoahaz lung aningkhi bonungrü ju khoraberü 50, khoralolungbe 10 tüsho jingnü atsahrü mihtsürü 10,000 lang alakheah; tümüde Siria kiulongthsüpuhnü arübo thsümünim tüsho arübo hinitpung ching asungthulung nangde kamshih.

MUNGSHIKHÜN 107:34

aso asokhi lo ju akukruk lo kamshih, ju ching larü mihbukmuyukkhi hode alakheah.

MÜCHITMUDU 24:31

alala ching ayangbo mukhuh-a lakheah; alo ju thrümthrukbenü mi tüsho lung-mutrungkhi thsümünima lakheah.

ISAIA 11:11

Ju nimung Asiria, Ijip, Pathros, Ethiopia, Elam, Shinar, Hamath, tüsho keto kekunglo chingnü aninga larü khümkhitpü mahne kipü Atungpuhnü akhah chungbah.

ISAIA 19:13

Zoan yakzanshuhrübo makharü kamdo, tüsho Memphis yakzanshuhrübo mülapyuka lah; sherübo trükshih yo amühit lungbo lakheanü arünü Ijip bephülapdo.

ISAIA 27:12

Ju nimung Atungpuhnü Euphra ke bukpung kheaknü Ijip Ayung khiungde anitbah, tüsho nüsa khülang khülangnü bemukhungbah, O Israel mihtsürü.

ISAIA 32:13

Tümüde I mihtsürü lo ching ayangbo tüsho khingphubo mukhuhbah; asühachihkhi kiuto ching asühkhi yamkhün alala thsungkheak tripang.

ISAIA 34:13

Chipibo kheak ayang mukhuhbah, tüsho khingphu le thurukmüthsübo chipibo ching labah. Ju shirungbo mungpung tüsho kewühtopü lapung kambah.

ISAIA 5:6

Inü ju akeangkeang kamshihbah; ju mümupung yungsho müphünnak, tüsho khingphu le ayangrungnü achindobah; inü amo ki she ju kheak tsüng marüpü thiyukhüm jihbah.

ISAIA 7:23

Ju nimung kurungaso 1000 lapung, shotoyinchi 1000 dünkhi ju, khingphu tüsho ayangrungnü chakdoabahbah.

JEREMIA 2:16

Ju lang yung, Memphis tüsho Tapanhes mihtsürübonü nü kuro yihrüpdo.

JEREMIA 42:22

Tsüde mükheahang, junangde nüsanü küching yünela tüsho alapü künlanü ju dangpung ching nukshang, khümzung, tüsho arüm-tukthsünü nüsa shebah.

JEREMIA 44:1

Jihudarü Ijip lomi ching larü, Migdol ching, Tapanhes ching, Memphis tüsho Pathros ching larü alala thsungkheak Jeremia kilim thiyu arü,

JEREMIA 44:12

Ijip lomi ching lapü lümkihbah ayürü Juda aningkhi inü lude atsobah, tüsho arü mihbüm abannü adükheakbah; Ijip lomi ching arübo keambah; nukshang tüsho khümzungnü arübo dükheakbah; anikhühnü ato khiungde, arübo nukshang tüsho khümzungnü ashebah; tüsho arübo athruaji tüsho atrebe, muthrumünean tüsho münedung kambah.

JEREMIA 44:13

Inü Jirusalem thsümüchikhi nangde, Ijip lomi ching larü nukshang, khümzung tüsho arümtukthsünü thsümüchibah,

JEREMIA 46:14

Ijip ching thaang, tüsho Migdol ching zhiyukjang; Memphis tüsho Tapanhes ching zhiyukjang; Thaang, “ Nüsa zhippung mükühang tüsho thsakhamang, tümüde nüsa mükamde nukshangnü amuyubah.”

JEREMIA 46:19

Ramtso thsungkheaknü hah thsang, nüsa Ijip ching larübo! Tümüde Memphis ju abahkhi, athsümünim, mihtsürü mülade akambah.

EZEKIEL 30:13

Atungpuh Thrünpuhnü ha thachoh: Inü sangthsübo thsümünimbah tüsho Memphis ching mejakbo kheamshihbah; Ijip lomi ching yakzanshuhrü mülalo; junangde inü Ijip lomi ching atrepü yukjihbah.

EZEKIEL 30:16

Inü Ijip kheak mo takkihbah; Pelusium ju thsünü ato ching labah; Thebes lakashungbah tüsho animung Memphisnü azhih-rithsü shorubah.

HOSEA 10:8

Israel neak Aven achang dangpungbo thsümünimbah. Ayang tüsho khingphubo arü kingaün sadambo kheak mukhuhbah. Arünü müzüngbo ki, Isa lüpdoang, tüsho awungbo ki, Isa kheak keamkihang, de athabah.

HOSEA 11:11

Arübo wuhnubo nangde ajande Ijip chingnü, tüsho müthrithrümpü nangde Asiria chingnü arübah; tüsho inü arübo arü yam lim yüloshihbah, Atungpuhnü thachoh.

HOSEA 2:6

Jumonü inü anihbe limro ayangbonü arhamdobah; tüsho anihbe ki rhünü akhiungdobah, junangde anihbe limro müngükhuk.

HOSEA 7:11

Ephraim a müthrithrümpü nangde kamdo, makhalah tüsho sulüm müla; arünü Ijip ki jichoh, arünü Asiria lim yüchoh.

HOSEA 7:13

Arü are, tümüde arübo I kheaknü tsodo! Arü athsümünim kamshang, tümüde arünü I azhihdo! Inü arü khümkhitpü künkheah, tüshe arünü I azhihde akeangyu asukchoh.

HOSEA 7:16

Arünü alü mülakhi lim rholochoh; arübo ju müdüküngkhi sanglüh nangde kamdo; arü torübo arü mulo mütsükhi hode nukshangnü akeambah. Tüsho Ijiprünü arü ki münejihbah.

HOSEA 8:13

Arünü I kilim laksah-a kingaünkhi jihchoh tüsho arünü shih tsühchoh, tüshe Atungpuhnü jurü müleangkhi. Kheakü apinü arü amülim-rhimo lümkhitbah tüsho arü thsümüchibah; arü Ijip lim yülobah.

HOSEA 9:3

Arübo Atungpuh lomi ching aninga müla; tüshe Ephraim a Ijip lim alode ayübah, tüsho Asiria ching arünü mümüsühkhi tsühyungpü tsühbah.

LEVI 26:33

Inü nüsa trükshih bolung müzütshihbah tüsho nüsa azhihde nukshang thokhitbah; nüsa lo zhikabahbah tüsho kiutobo akeangkeang kambah.

ZEPHANIA 1:11

Mortar ching larü tüzhochoh, tümüde shothsümolorü alala dükheakdo; shotoyinchi adünrü alala mülatsan.

1 SAMUEL 13:6

Küyimki Israelrünü ju ngükhea, arübo lümthsünü ching lakheah (tümüde thirithsürübo ju müküpdakde alakheah), mihtsürübonü arü zangrü lungkhün, alokhün, lungtobo tüsho akukarukbo ching jikabah.