HOSEA 9:4 - AMÜSÜH HÜM CL Bible (BSI)

⁴ Arünü yukhu kingaün Atungpuh ki mubuk tüsho arünü laksah-a kingaünkhinü api masühshih. Hadürü kingaünbo ju mitriprü jimpung nangde alabah; ha tsührü alala müneanbah; tümüde arü yikhap ju arü khümkhi thsungkheak lang alabah; ha Atungpuh yam ching lude marü.

HOSEA 9:4 Iomraidhean Croise

ABEKHIT 29:40

Namfimihnunu akhuhbe lung wheat yikangkang atsüdak khahngak 1 ching oliv müdangke pungdüchi 1 yukbah jihang. Yukhu pungdüchi 1 kingaünde dunga bahang.

ABEKHIT 40:23

tüsho Atungpuhnü thiyukhüm jihkhi yande apinü ju kheak yikhap akhinashu thsüde Atungpuh miki zo.

ISAIA 57:6

Yungzü kelungbo bolung nü shihcham lah; arübo nü shihcham; arü kheak nünü yukhu dungkih, nünü hi kingaün handarü. Harü kheak inü asühba de?

ISAIA 66:3

Sherünü moshipung laksahchonü mihtsürü laksahrü ruk; sherünü namfimihnununü kingaünchonü, khihnu hung yihshakrü ruk; sherünü hi kingaün jihchonü, kheaknu thiyih jihrü ruk; sherünü mümihpü jinjinlak jihchonü, sangthsü ki tamkhüntamnükhi ruk ah. Harünü arü nihbuh limrobo mokhitdo, tüsho arü athraneanbebo ching arü menü asühchoh;

JEREMIA 16:7

Ashekhi mitriprü shukheamde ajihpü shenü yikhap müyihnak; yungsho shenü arü buhrü yungsho berü thsungkheak shukheamkhi pung muduh.

JEREMIA 6:20

Sheba chingnü jinjinlak arükhi yungsho limshu lomi ching niungyidung I ki tümü yihnüpü la? Nüsanü taka kingaünkhibo müleangkhi, yungsho nüsanü shuhmülanga jihkhibonü I asühbe yung.

EZEKIEL 24:17

Mükhihde düsüknimang; asherü thsungkheak midütrip. Nü kuhingbe hingang, tüsho nü jingbo ching jingkhümpübo yukang; nü münküp achangbe düyihdo yungsho mahmi-jimpung dütsüh.

EZEKIEL 24:22

Tüsho inü rhimokhi nangde nüsanü arhimobah; nüsanü nüsa münküp achangbe düyihdo yungsho mahmi-jimpung dütsüh.

DANIEL 1:8

Tüsho Danielnü kiulongthsü jim tüsho yukhu hode anihbuh mümüneanpü lümalo; jumonü apinü anihbuh mümüneanshihpü akubeatobuh ki keokhi.

HOSEA 3:4

Hanangde Israel mihtsürünü kim ashang kiulongthsürü yungsho limberü mülade, shuhmülanga kingaünkhi yungsho amüsüh lung dungjingbo mülade, sangthsübo yungsho müchitpü mejakbo mülade alabah.

HOSEA 7:16

Arünü alü mülakhi lim rholochoh; arübo ju müdüküngkhi sanglüh nangde kamdo; arü torübo arü mulo mütsükhi hode nukshangnü akeambah. Tüsho Ijiprünü arü ki münejihbah.

HOSEA 8:13

Arünü I kilim laksah-a kingaünkhi jihchoh tüsho arünü shih tsühchoh, tüshe Atungpuhnü jurü müleangkhi. Kheakü apinü arü amülim-rhimo lümkhitbah tüsho arü thsümüchibah; arü Ijip lim yülobah.

JOEL 1:13

Shungliukhim phuyuang tüsho tüzhoang, nüsa amükeamrübo; tüzhoang, nüsa kingaün sadam kheak tankihrübo. Arang, shungliukhim chingnü tsüngre hoshang, nüsa I Thrünpuh tankihrübo! Hi kingaün tüsho ayungbe kingaün nüsa Thrünpuh yam chingnü tukloa lah.

JOEL 1:9

Hi kingaün tüsho ayungbe kingaün Atungpuh yam chingnü tuklodo. Atungpuh tankihrü, amükeamrübonü tüzhochoh.

JOEL 2:14

Khükia Atungpuh nüsa Thrünpuhnü api lümkhi müthribah tüsho suhdahde nüsa ki hi müngühjihbah. Junangde nüsanü hi tüsho yukhu api ki jihbah.

LEVI 17:11

Tümüde shih ju thiyih ching lah; tüsho kingaün sadam kheak nüsa rhangdung dünthsükhipü inü nüsa kilim jihdo; tümüde thiyihnü nüsa rhangdung thsungkheak dünthsükhichoh.

LEVI 21:17

Aron ki thaang: Nü tsührü tsührübo mütsümüyangrü shenü she arü lün amuyung ching arü Thrünpuh tsühyungpü jihpü marü.

LEVI 21:21

Amükeambuh Aron tsührübo mütsümüyangrübo sheshe Atungpuh kilim monü taka kingaünpü marü. Api mütsümüyang; apinü nihbuh Thrünpuh tsühyungpü jihpü phünide marübeah.

LEVI 21:6

Arünü nihbuh Thrünpuh mung mümüneanbeah. Tümüde arünü arü Thrünpuh tsühyungpü Atungpuh kilim monü taka kingaün jih; jumonü arübo amüsüh labeah.

LEVI 21:8

Jumonü arübo amüsüh ah de khejang, tümüde arünü nüsa Thrünpuh tsühyungpü jihchoh; arübo nüsa kilim amüsüh labah, tümüde I Atungpuh ; I nü müsühkhitjihbuh, amüsüh ah.

AMOS 5:22

Nüsanü I kilim taka kingaünkhi tüsho hi kingaün jihjih she, inü jurü müleangkhi; tüsho nüsa mungtsü kingaün amüdangkhi shiwühbo kheak inü akheah she mükheah.

MALAKI 2:13

Tüsho nüsanü ha she rhimochoh: Nüsanü tripde tüsho ashede chikebonü Atungpuh kingaün sadam lüpdochoh, tümütüsho apinü kheaküa nüsa khah kheaknü kingaün mükheahne yungsho nüsa khah kheaknü lunede müleangkhi.

WÜHKHE 19:11

Shepünü ashemi kheak qiubanü api nimung thüne mümüsühkhi labah.

WÜHKHE 28:2

Israel mihtsürübo kilim thiyukhüm jihang, tüsho arü ki thaang, I ki kingaünbe, I tsühyungbe monü taka kingaünde I kilim arhümthüneabebo akhukhitkhi kim ching kingaünpü nüsanü kümkangang.

WÜHKHE 4:7

Arünü Atungpuh kilim jihkhi yikhap zopung dükhüm kheak biyi khim phukihbah tüsho ju kheak phüh-thulung, athüneabe yukkhi phurusük, kingaünbe phurusük, tüsho ayungbe kingaün thsungkheaknü keluhbo de azobah. Tüsho ju kheak yikhap judü lang akihshihbeah.

JOHAN 6:51

I ju yinmi chingnü akikhi rhangdung tsühyungbe. Khürünü ha tsühyungbe tsühsho api lünnü alabah, tüsho inü alomi rhangdung thsungkheak jihpü lakhi yikhap ju I shih.”

YUZÜNGTHALO 26:14

Inü ju I tüzhode alachoki kim ching mütsüh, yungsho mümüsühkhi rhimo thsungkheak inü müyihkhit, yungsho asherü kilim müjih. Inü Atungpuh I Thrünpuh yu anido, tüsho nünü I ki thiyukhüm jihkhi yande rhimodo.