HOSEA 9:3 - AMÜSÜH HÜM CL Bible (BSI)

³ Arübo Atungpuh lomi ching aninga müla; tüshe Ephraim a Ijip lim alode ayübah, tüsho Asiria ching arünü mümüsühkhi tsühyungpü tsühbah.

HOSEA 9:3 Iomraidhean Croise

1 KIULONG THSÜRÜ 9:7

judüki inü Israel ju arü jihkhi lo chingnü adükheakshihbah; tüsho inü I mung thsungkheak müsühkhitkhi yam ju inü abahyukbah; tüsho Israel ju mihtsürü alala bolung müchitmudu tüsho münedung kambah.

2 KIULONG THSÜRÜ 17:6

Hoshea kam tukupü ching Asiria kiulongthsüpuhnü Samaria yankhit; apinü Israelrü bebah Asiria ching yü. Apinü arübo Hala, Gozan ching lakhi Habor ayung, tüsho Midia kiutobo ching binshih.

JEREMIA 16:18

Tüsho inü arü mülimkhi tüsho arü neak alü thsüde ajihlobah, tümütüsho arünü athraneanbe sangthsükhi ashemibonü I lomi müneanjihdo, tüsho athraneanbebonü I yamrüplurüp mishihdo.

JEREMIA 2:7

Inü nü suhdahkhi lomi ching sangaso tüsho atsü mungjibo tsühshihpü bedarü. Tüshe küyimki nü yüzahkhea, nünü I lomi müneanabah, tüsho I yamrüplurüp athraneanbe kamshih.

TÜZHOKHI 5:6

Yikhap suhde angüpü isanü Ijip tüsho Asiria kheak arihdo.

EZEKIEL 4:13

Atungpuhnü tha, “Hanangde Israelrünü inü arü yanabahpung trükshih bolung amünean tsühyungpü tsühbah.”

DANIEL 1:8

Tüsho Danielnü kiulongthsü jim tüsho yukhu hode anihbuh mümüneanpü lümalo; jumonü apinü anihbuh mümüneanshihpü akubeatobuh ki keokhi.

HOSEA 11:11

Arübo wuhnubo nangde ajande Ijip chingnü, tüsho müthrithrümpü nangde Asiria chingnü arübah; tüsho inü arübo arü yam lim yüloshihbah, Atungpuhnü thachoh.

HOSEA 11:5

Arübo Ijip lomi lim alode ayübah, tüsho Asiria ju arü kiulongthsürü thsübah, tümütüsho arünü I ki arülopü thsunglo.

HOSEA 7:11

Ephraim a müthrithrümpü nangde kamdo, makhalah tüsho sulüm müla; arünü Ijip ki jichoh, arünü Asiria lim yüchoh.

HOSEA 7:16

Arünü alü mülakhi lim rholochoh; arübo ju müdüküngkhi sanglüh nangde kamdo; arü torübo arü mulo mütsükhi hode nukshangnü akeambah. Tüsho Ijiprünü arü ki münejihbah.

HOSEA 8:13

Arünü I kilim laksah-a kingaünkhi jihchoh tüsho arünü shih tsühchoh, tüshe Atungpuhnü jurü müleangkhi. Kheakü apinü arü amülim-rhimo lümkhitbah tüsho arü thsümüchibah; arü Ijip lim yülobah.

HOSEA 9:6

Arünü athsümünim chingnü tsokhikhi she, Ijipnü arü bemukhungbah; Memphisnü arü kiuyuka bahbah. Khingphunü arü shotoyinchi kukrukbo mükühbah; ayangbo arü khimyambo ching labah.

LEVI 18:28

jude yungsho nüsanü ju müneankhi hode nüsa müngüh larü trük mülümkhita bahkhi nangde, alonü nüsa she mülümkhita bahbah.

LEVI 20:22

Jumonü nüsanü I yakzan thsükhi tüsho I yuzüngbo anide rhimoang, jude thsüsho inü nüsa lashihpü bede ayüpung Kanan lonü nüsa mülümkhita mübah.

LEVI 25:23

Alo ju kamruhroro thsungkheak müyinbeah, tümüde alo ju I yo ah; nüsa I lung jaksorü tüsho tsotsahrü ruk lah.

AMOS 7:17

Jumonü Atungpuhnü ha thachoh: ‘ Nü niube a kiuto ching müzammüramrü kambah, tüsho nü tsührübo le tsührübebo nukshangnü akeambah, tüsho nü lomi ju akea chamabahbah; nü a amüneanrü lomi ching shebah, tüsho tsükjide Israel nihbuh lomi chingnü ramtso ching yübah.’ ”

MIKA 2:10

Asürang tüsho yüang; tümüde ha sühakhim dangpung yung, tümütüsho mümüsühkhinü ha khitode thsümünima lah.

YUNIRÜBO RHIMO 10:14

Tüshe Peternü tha, “Yung, Atungpuh; tümüde tümükhüh amünean yungsho amümüsüh inü küyimkishe mütsühakheah.”

YUZÜNGTHALO 28:63

Tüsho Atungpuhnü nüsa lalimlako tsüshihde tüsho wüh bushihde asühkhi nangde, Atungpuhnü nüsa sheshihde tüsho athsümünim hande arüde asühbah; tüsho nüsanü müküh-a lupü lakhi lomi chingnü nüsa rukkhita bahbah.

YUZÜNGTHALO 28:68

Tüsho Atungpuhnü nüsa ki ha ruk thakhi limro yande sangkung chingnü Ijip lim belobah ayübah, ‘Nüsanü küyimkishe müngülo.’ Tüsho ju ching nüsabo riri ki athrürü tüsho aliberü azhorü thsüde ayinbah, tüshe shenü nüsa muthulo.”

YUZÜNGTHALO 4:26

khihni nüsa azhihde inü thüning tüsho alo jichoh, junangde nüsa Jordan hode ayükhi lomi chingnü shahde adükheakkhambah; nüsa nimungbo mushuhakhin, tüshe shahde adükheakbah.

JIHUSUA 23:15

Tüshe Atungpuh nüsa Thrünpuhnü atsü lümjihbah nüsa kheak dünjikhi nangde Atungpuh nüsa Thrünpuhnü ajihkhi lo atsü chingnü nüsa müdükheakkhamyi khiungde Atungpuhnü nüsa alala kheak athsümünimbe handarübah.