HOSEA 9:15 - AMÜSÜH HÜM CL Bible (BSI)

¹⁵ Arü amütsü alala Gilgal ching tankih; ju ching inü arü thraneande kam. Tümütüsho arü mihbukmuyuk rhimobo hode inü arübo I yam chingnü ayankhitbah. Inü kheaküa arü mümuzho; arü torübo alala azhihrü ah.

HOSEA 9:15 Iomraidhean Croise

MUNGSHIKHÜN 78:60

junangde apinü Shilo ching arüngkhimyam, arü bolung zokhi khimyam bahyuk,

ISAIA 1:23

Nü yo yakzanshuhrübo azhihrü tüsho ahührü müyamrübo lah. Mihbüm abannü buknim muzhochoh tüsho thsambahbo dunglim alihchoh. Arünü mürerü mutsunglo, tüsho khimoberü dünkheak arü miki marü.

JEREMIA 11:15

Inü amuzhokhi mihtsürünü amütsü rhimochoki, arübo I arüngyam ching tümü alim la? Thiyuchihchim tüsho shiwüh kingaünkhinü thsümütsü zhipdobah de arünü lümcho shi? Junü arü asühshihba de?

JEREMIA 12:8

I yamrüplurüp I ki murung ching kekhüzü nangde kamabahdo; anihbenü I azhihde anihbe düsheak shuhkihdo jumonü inü anihbe thraneankheah.

JEREMIA 15:1

Judüki Atungpuhnü I ki tha: Mosa tüsho Samuel I miki zhipzhip she, I mulong ha mihtsürü kilim murholo. I mikinü arü wukhiukshang, tüsho arübo tsoshang!

JEREMIA 3:8

Akin mülakhi, Israel, müzammüramkhi hode abahkhi yukhüm jihbah alibe inü atsoshihkhi anihbenü ngü; tütüshe dükde mülakhi anihbe achi Judanü mütre, tüshe anihbe she yü tüsho müzammüram rhimo.

JEREMIA 5:5

I atorü kilim yübah tüsho arü ki asukanü; tsükjide arünü Atungpuh limro, arü Thrünpuh yakzan mükheahlah.” Tüshe arü rukhühnü sangkaplak yihshakdo, arü rhükkhi rukshakdo.

EZEKIEL 22:27

Ju ching lakhi atorübo ju shiwüh thonakbe, thiyih bukpü, thiyuro mülakhi alü ngüpü rhangdungbo thsümünimkhi rimrebo nangde lah.

EZEKIEL 23:18

Küyimki alibenü amikheak akhiukde müzammüramkhea tüsho bünkeang kamkhea, inü achi kheaknü rholokhi nangde anihbe kheaknü inü müküntsande rholo.

HOSEA 1:6

Alibe mübünkeanglode kam tüsho tsührü aliberü khülang zübejih. Judüki Atungpuhnü api ki tha, “Alibe mung Lo-ruhama de jiang, tümüde kheaküa inü Israel yamkhün mümuzho yungsho arü neak mübahjih.

HOSEA 1:9

Atungpuhnü tha, “Api mung Lo-ammi jiang, tümüde nüsa I mihtsürü yung tüsho I nüsa Thrünpuh yung.”

HOSEA 12:11

Gilead ching mülimkhi lah, arübo tsükjide akeangkeang kambah, Gilgal ching arünü moshipungbonü kingaün, jumonü arü kingaün sadambo ju thulu wochakkhi ching lungrhung nangde alabah.

HOSEA 12:2

Atungpuhnü Juda azhihde mahkhapyu lah, tüsho api limrobo yande Jakob thsümüchibah, tüsho api rhimobo yande api kilim jihlobah.

HOSEA 3:4

Hanangde Israel mihtsürünü kim ashang kiulongthsürü yungsho limberü mülade, shuhmülanga kingaünkhi yungsho amüsüh lung dungjingbo mülade, sangthsübo yungsho müchitpü mejakbo mülade alabah.

HOSEA 4:15

Nünü yüliyüra ahoriri she, O Israel, Juda amülim dükamshih. Gilgal ching düyüzah, yungsho Beth-aven ching duwutu, tüsho “Atungpuh lale,” de thiyuchihchim düthsü.

HOSEA 4:9

Tüsho mihtsürübo nangde amükeamrübo she alabah; inü arü limrobo thsungkheak arü thsümüchibah, tüsho arü rhimobo dün jihlobah.

HOSEA 7:2

Tüshe inü arü mihbukmuyuk alala lümkhitlah de arünü mülüm. Kheakü arü rhimobonü arü mükamdolah, arü I miki lah.

HOSEA 9:17

Tümütüsho arünü api ki mani; I Thrünpuhnü arü bahyukbah; trükshih bolung arübo tsotsahrü kambah.

HOSEA 9:3

Arübo Atungpuh lomi ching aninga müla; tüshe Ephraim a Ijip lim alode ayübah, tüsho Asiria ching arünü mümüsühkhi tsühyungpü tsühbah.

LEVI 26:30

Achang dangpungbo kheak lakhi nüsa kingaün sadambo inü thsümünimjihbah, arhümthüneabe kingaün sadambo keamshihbah, tüsho nüsa ashemibo rhangdung mülakhi nüsa sangthsübo kheak jipkih-a bahbah; tüsho I menü nüsa thraneanbah.

AMOS 4:4

Bethel lim yüang tüsho neak yihbeakang; Gilgal lim yüang tüsho neak alü kamshang; yapsu aban nüsanü laksah-a kingaünkhibo lubah arang, nimung asampü aban ching thürü shihcham lubah arang;

AMOS 5:27

jumonü inü nüsa Damaska hode ramtso ching bede ayübah, Wuto mung lakhi Thrünpuh, Atungpuhnü thachoh.

AMOS 5:5

tüshe Bethel düyim, tüsho Gilgal ching düyüzah yungsho Beersheba hode düyü; tümüde tsükjide Gilgal ramtso ching yübah, tüsho Bethel tümü mülade akambah.

MIKA 3:11

Yakzanshuhrübonü buknim dün mahkhapchoh, amükeamrübonü adün mo thsangyuchoh, wukihrübonü sho mo müchitchoh; tütüshe arünü Atungpuh kheak angükihchoh tüsho thachoh, “Tsükjide Atungpuh isa lung lah! Isa kheak athsümünim marü.”

MIKA 6:5

O I mihtsürü, Moab kiulongthsüpuh Balaknü tümü rük thsükheanü kheakü lümkhitang, Beor tsührü Balaamnü api ki tümü alokhea, tüsho Shittim chingnü Gilgal khiungde tümü dünjikhea, junangde nüsanü Atungpuh akhümkhit rhimobo mükheahbah.”

ZEPHANIA 3:3

Ju ching atorübo ju ahukkhi kekhüzübo lah; mahkhaprübo ju are tsahbe rimrebo, junangde yapsu khiungde tümü maningshih.

ZEKARIA 11:8

Khinu khülang ching inü namfimihnu neakrü mahsam yankhita bahchoh, tümüde arü kheak inü marümkhukde kamdo, tüsho arünü she I mükheahne.

YUNIRÜBO RHIMO 4:27

Tümütüsho ha kiuto ching nünü mujude-müsühkhitkhi, amüsüh nü yamlarü Jisu azhihde khiungkerü tüsho Israel mihtsürü lungnü Herod tüsho Pontia Pilat ane chido mukhung,

YUNIRÜBO RHIMO 5:21

Küyimki arünü ju sokheanü yapsu mükikde arüngyam ching yüzahbah thsangyu. Tüshe achangbe amükeambuh tüsho api lung larü arübah kiuthsübinkiu lung Israelrü azothsürü bede rukhüh mukhung, tüsho arü bedarüpü rihyam ching yüshih.

JIHUSUA 10:43

Jushu a Jihusua tüsho api lung Israelrü athrünkhi Gilgal binkheampung ching alodarü.

1 SAMUEL 7:16

Apinü kam atukde Bethel, Gilgal, tüsho Mizpa ching mühide yü; tüsho apinü harü dangpung alala ching Israel mahkhap.