HOSEA 9:10 - AMÜSÜH HÜM CL Bible (BSI)

¹⁰ Sunglo ching kurungasobo nangde, inü Israel ngüdo. Akheahmünchi ching khubaso akhuh asokhi nangde, inü nüsa jipürübo ngüdo. Tüshe arünü Baal-peor ching arü, tüsho achihbe kukruk ki arü nihbuh müsühkhit, tüsho arünü muzhokhi kukruk nangde arübo athraneanbe kam.

HOSEA 9:10 Iomraidhean Croise

1 KIULONG THSÜRÜ 16:31

Nebat tsührü Jeroboam neakbo ching tsahpü ju api thsungkheaknü athülih müdam, apinü Sidonrü kiulongthsüpuh Ethbaal tsührü Jezebel aniube thsüpü lu, tüsho yübah Baal tankih tüsho api kingaün.

2 KIULONG THSÜRÜ 17:11

arü müngüh Atungpuhnü bede atsokhi trükshihnü arhimokhi nangde ju ching arünü achang dangpungbo kheak kingaün jih. Arünü amütsü rhimode Atungpuh bukakhiukshih;

MUNGSHIKHÜN 115:8

Sherünü jurü thsükheanü arü nangde lah; jurü kheak kinrü abannü junangde lah.

MUNGSHIKHÜN 81:12

Jumonü inü arü nihbuh lümkhi ching tsahshihpü arü mulong müküppü jih.

KHÜNBOLUNGKHÜN 3:6

Sunglo chingnü mokhüh chitthulung, arhümthüneabe tüsho jinjinlak münimde, yinzüyindorü yo rhümthüneabe kukruk alala lubah athsükhibo nangde yükihcho ha she a?

ISAIA 28:4

Tüsho ha müretah akheahakham yiuhabahkhi sangbün, küpü amüdanglo dükhün ku kheak lanü, yimlupü müngüh akhuh münkhi khubaso nangde alabah; sherünü ha ngübanü, khah ching arüakede tsühabahchoh.

JEREMIA 11:13

Tümüde nü kiutobo hihkhi nangde nü thrünpuhbo hihde kamdo, O Juda; tüsho Jirusalem kiudunglimrobo hihkhi nangde achihbe Baal kingaünpü kingaün sadambo thsüa lah.

JEREMIA 24:2

Muluk khülang ching akhuh münkhi khubaso nangde, khide atsü lakheah, tüshe püpü muluk ching a mütsühkhukpü thsüde khide amütsü khubaso lakheah.

JEREMIA 3:24

Tüshe isa athunuchokinü isa jipürübonü achihbe rhimokhi hode arü mihnubo, moshibo, arü tsührübo tüsho tsührübebo muyuabahdo.

JEREMIA 3:25

Isanü achih ngükhi ching lunga yapanü, tüsho isanü wüntre mülakhinü isa lüpdoshang; isa le isa jipürübo, isa athunuchokinü khihni khiungde isanü Atungpuh isa Thrünpuh azhihde neak yihbeakdo; tüsho isanü Atungpuh isa Thrünpuh yu manidebahdo.”

JEREMIA 31:2

Atungpuhnü ha thachoh: Mihtsürü sherü nukshang chingnü tsokhidünü sunglo ching mihmüthsüm ngüdo; küyimki Israelnü sühakhim yimkhea,

JEREMIA 5:31

Wukihrübonü akeangyu müchitchoh, tüsho wukihrübonü thiyukhüm jihkhi yande amükeamrübonü yakzan shuhchoh; I mihtsürübonü ha lashihpü muzholah, tüshe akheam arüchoki nüsanü tümü thsüba?

EZEKIEL 20:8

Tüshe arünü I azhih tüsho I ki mani; arü mük ki lakhi athraneanbe mejakbo arünü yihkhita mübah, yungsho arünü Ijip sangthsübo mübahyuk. Jumonü I mulong zhipzhip arü kheak dungkihpü tüsho Ijip ching arü kheak I bukakhiukpü inü tha.

HOSEA 11:1

Küyimki Israel azürü lakhea, inü api muzhokheah, tüsho I tsührü nangde Ijip chingnü jikhit.

HOSEA 13:5

Akung lo, sunglo ching nü kümbuh ju I lakheah.

HOSEA 2:15

Ju chingnü inü alibe ki anihbe kurungasolubo jihbah tüsho Akor Jindükhün ju mulonglam ripit khülang kamshihbah. Ju ching alibenü anihbe athunu kim ching nangde, anihbe Ijip lomi chingnü akhiukchoki kim nangde alabah.

HOSEA 4:14

Inü nü tsührübebonü jilihjikhün ahorichoki, yungsho nü tsühmeakbebonü müzammüramchoki arü müthsümüchi; tümüde athrürübonü jilihjikhünrü lung zangrünü yüchoh, tüsho arüngyam beyaprü lung shuhmülanga jihchoh; hanangde anikhitkhi mülarü mihtsürü athsümünim kamchoh.

HOSEA 4:18

Arünü ayungshu she, mutukzhakde beyapchoh; arü yakzanshuhrübonü achihbe limro muzhochoh.

AMOS 4:5

phaüm yukkhi yikhapnü makshe jihkhi kingaün handarang, mulongkhi kingaün zhiyukang, jurü dünkheak kükheangang; tümüde judürü rhimopü nüsanü muzholah, O Israel mihtsürü! Atungpuh Thrünpuhnü thachoh.

MIKA 7:1

Ayokhe! Tümüde I a muzhu sangaso rho dunglim, kurungaso rho dunglim, atsühpü adüchi müngürü ruk kamdo; I khümkhi thsungkheaknü akhuh münkhi khubaso müla.

WÜHKHE 15:39

Tüsho nüsa kheak hingmüngam müchekhi ju alabah, tüsho ju kheak kheahbahle Atungpuh yukhümbo lümkhitbah, tüsho jurübo rhimobah, tüsho jude athsükhinü nüsa mulong tüsho nüsa müknü abekhi lim müzammüramde nüsanü müyü,

WÜHKHE 18:13

Arü lo ching sangaso akhuhde amünkhi arünü Atungpuh kilim hande arükhi ju nüsa yo thsübah. Nüsa yamkhün ching müsühde alarübonü ju tsühpü kuklah.

ROMRÜ KILIM PAULNÜ ATHRÜTKHI KIHÜM HUHTANYU 6:21

Dale tüsho kheakü nüsanü achihde alakhi rhimokhi chingnü nüsa tümü alü thsüde? Jurübo akheam ju ashekhi lah.

YUZÜNGTHALO 32:10

Apinü api sunglo ching tüsho tümü mülakhi sunglo ching ngü; apinü anihbuh mükamdode, api küm, apinü anihbuh api mükji mukhiuk nangde neakde la.

YUZÜNGTHALO 32:17

Arünü Thrünpuh tsütsü yungde arimri mebo, arünü küyimkishe mümükheahkhi, khihnishido arükhi thrünpuhbo aso, nüsa jipürünü mütrekhi kilim laksah-a kingaün.

YUZÜNGTHALO 4:3

Atungpuhnü Baal Peor ching tümü rhimokheanü nüsa müknü ngüdo; tümüde Atungpuh nüsa Thrünpuhnü Peor ching Baal yanrü nüsa bolungnü mihtsürü alala dükheakshihdo.

MAHKHAPRÜ 6:32

Jumonü ju nimungnü Gideon ju Jerubbaal de ji, tümütüsho Joashnü tha, “Baalnü aküdah thsüde tsungloshang; api kingaün sadam lukkheamdo.”