HOSEA 8:14 - AMÜSÜH HÜM CL Bible (BSI)

¹⁴ Israelnü api Thrünrü mihdo, tüsho kiulongthsürü-yambo thsüa lah; tüsho Judanü kiuto ahihdo chipi ayündo; tüshe inü arü kiutobo kheak mo thsahkihbah, tüsho hanü api chipibo takabahbah.

HOSEA 8:14 Iomraidhean Croise

1 KIULONG THSÜRÜ 12:31

Apinü awung achangbo kheak thüyambo she thsü, tüsho Levirü yungde, mihtsürü alala bolungnü amükeamrü zojih.

1 KIULONG THSÜRÜ 16:31

Nebat tsührü Jeroboam neakbo ching tsahpü ju api thsungkheaknü athülih müdam, apinü Sidonrü kiulongthsüpuh Ethbaal tsührü Jezebel aniube thsüpü lu, tüsho yübah Baal tankih tüsho api kingaün.

2 KIULONG THSÜRÜ 18:13

Kiulongthsüpuh Hezekia kam thürükheak phüyipü ching, Asiria kiulongthsüpuh Sennakeribnü chipi thsükhi Juda kiutobo alala azhihde atu tüsho yanabah.

2 KIUTHSÜYUKHEAN 26:10

Apinü sunglo ching aheangsadam thsü tüsho kekungbo ahihdo kiu, tümüde Shephela tüsho adükhün ane chido ching moshibo hihde alakheah, tüsho api yo thulu-thsürü le kurungasolu wochakrü awungbo ching tüsho atsü lobo ching lakheah, tümütüsho apinü alo muzhode alakheah.

2 KIUTHSÜYUKHEAN 27:4

Kheaküshe apinü Juda awung lomi ching kiutobo thsü, tüsho murung ching chipibo tüsho aheangsadambo thsü.

MUNGSHIKHÜN 106:21

Arünü arü khümkhitrü Thrünpuh mih, shepünü Ijip ching ato rhimokhea,

MUNGSHIKHÜN 95:6

O arang, isanü kingaünanü tüsho mükhümanü; isanü Atungpuh isa Thrünrü miki khukninganü.

ISAIA 17:10

Tümüde nüsanü nüsa khümkhitbuh Thrünpuh mihabahdo, tüsho nüsa tsoyukpung Lung mülümkhit; jumonü, nüsanü sangdung atsü khimkhim she tüsho khiungke lim yo kurungasobo khimkhim she,

ISAIA 29:23

Tümüde küyimki apinü api lung inü ajihkhi tsührübo ngübanü, arünü I mung müsühkhitbah; arünü Jakob yo Amüsühbuh Khülang müsühkhitbah, tüsho Israel Thrünpuh wüntrekhi ching zhipbah.

ISAIA 42:13

Atungpuhnü bonungrü nangde mikhuhlim yüchoh, thirithsü khülang nangde api bukakhiukkhi rhumusuchoh. Apinü zhichoh, apinü achangnü ahochoh, apinü anihbuh riribo azhihde Wuto huhchoh.

ISAIA 42:25

Jumonü apinü arü kheak api bukakhiukkhi thirithsü dungkih. Hanü arü motru ching hingdo tütüshe arünü manikhit; hanü arü aniuabah, tüshe arünü mulong ching muzo.

ISAIA 43:21

mihtsürü sherü I thsungkheak kamshihkhea, junangde arünü I mung shikhi khipkhitbah.

ISAIA 9:10

“ Lotaklungbo lungdo, tüshe isanü akheankhi lungbonü athsübah; sangzhinasodung kiukheamdo, tüshe isanü jurü müthri cedarbo yukbah.”

ISAIA 9:9

tüsho mihtsürü alalanü ju mükheahbah– Ephraim tüsho Samaria ching larü–tüshe kükheangde tüsho mulong zhipzhipde arünü thachoh:

JEREMIA 17:27

Tüshe nüsanü amunimung müsühde azopü tüsho amunimung Jirusalem chipiripitbo ching hah mühanyukpü I ki manisho, ha chipiripitbo ching inü mo takkihbah; hanü Jirusalem dangpung aniuabahbah tüsho shenü müzünmütkhuk.

JEREMIA 2:32

Anünürü khülangnü anihbe zülu yungsho arhangrü khülangnü anihbe thüniokhimmih mihba de? Tütüshe I mihtsürünü mükhebinbe nimungbo I mihabahdo.

JEREMIA 23:27

Arü jipürünü I mihbah Baal kilim rholokhi nangde I mihtsürübonü arü milim kheankhinü I mung mihshihpü arünü lümchoh.

JEREMIA 3:21

Awung mujukbo kheak düsheak sochoh, ha Israel tsührübonü mushude atripkhi lah, tümütüsho arünü arü limro tsahphülapdo, arünü Atungpuh arü Thrünpuh mihabahdo:

JEREMIA 5:17

Arünü nüsa yimlukhi tüsho tsühyungbe tsühabahbah; arünü nüsa tsührübo le tsührübebo tsühabahbah; arünü nüsa mihnu boto tüsho moshibo tsühabahbah; arünü nüsa kurungasobo le khubaso tsühabahbah; arü nukshangnü nüsanü mulonglamde chipi ayünkhi kiutobo thsümünimbah.

EZEKIEL 23:35

Jumonü Atungpuh Thrünpuhnü ha thachoh: Tümütüsho nünü I mihdo tüsho I nü dunglim nima bah, jumonü nü makhamaleak rhimo tüsho müzammüram dün thsünübah.

HOSEA 13:6

Küyimki inü arü yimkipkheanü, arü reangkeam tüsho arü mulong kükheangde kam; jumonü arünü I mihabah.

HOSEA 2:13

Inü Baal thünio nimungbo thsungkheak alibe thsümüchibah, küdüki alibenü arü kheak rhümthüneabe jihkhea tüsho yingkhüm le mürelungnü anihbe züt thsükhea, tüsho anihbe muzhorü dunglim yü, tüsho I mihkhea, Atungpuhnü thachoh.

HOSEA 4:6

I mihtsürübo mükheahmudu mülakhinü dükheaka lah; tümütüsho nünü mükheahmudu bahyuk, inü nü I ki amükeamrü thsüpü chingnü bahyukchoh. Tüsho nünü nü Thrünpuh yakzan mihkhinü, inü she nü tsührübo mihbah.

AMOS 1:10

Jumonü inü Tair chipibo aniuabahshihpü mo yüshihbah.

AMOS 1:12

Jumonü inü Teman kheak mo khülang yüshihbah tüsho junü Bozra chipibo aniuabahbah.

AMOS 1:14

Jumonü inü keochih nimung ahode, chinthrüm apung nimung Rabba chipi aniuabahshihpü mo yüshihbah;

AMOS 1:4

Jumonü inü Hazael yam kheak mo khülang yüshihbah, tüsho hanü Ben-hadad chipi aniuabahbah.

AMOS 2:5

Jumonü inü Juda kheak mo khülang yüshihbah, tüsho junü Jirusalem chipi aniubah.

EFISIA 2:10

Tümüde isa ju Thrünpuhnü amüngühnü jurü ching isa tsahshihpü thsakhamjihkhi rhimo atsübo thsungkheak Jisu Khrista ching thrünkhi api rhimo ah.

YUZÜNGTHALO 32:18

Nüsanü nüsa mütrübuh lung bahyuk; nüsanü nüsa zübebuh Thrünpuh mihabah.