HOSEA 7:7 - AMÜSÜH HÜM CL Bible (BSI)

⁷ Arü alala mokin nangde lamlamlah, tüsho arünü arü yakzanshuhrübo aniuabahchoh. Arü kiulongthsürü alala lungabahdo; arü shenü she I ki müji.

HOSEA 7:7 Iomraidhean Croise

1 KIULONG THSÜRÜ 15:28

Junangde Juda kiulongthsüpuh Asa kam mahsampü ching Baashanü Nadab laksah, tüsho api khah müthri.

1 KIULONG THSÜRÜ 16:18

Küyimki kiuto yankhi Omrinü angükhea, apinü kiulongthsüpuh yam ching alungbe chipi ching yüzah; apinü kiulongthsüpuh ju anihbuh bede monü takabah, tüsho sheabah–

1 KIULONG THSÜRÜ 16:22

Tüshe Omri yanrü mihtsürübonü Ginath tsührü, Tibni yanrü mihtsürü kukabah; jumonü Tibni sheabah tüsho Omri kiulongthsürü kam.

2 KIULONG THSÜRÜ 10:14

Apinü tha, “Arübo arhangnü luang.” Arünü arübo arhangnü lu, tüsho arü 42 Beth-eked ching shingkung kinü laksah; apinü arü sheshe maningshih.

2 KIULONG THSÜRÜ 10:7

Küyimki kihüm arü khiungkhea, arünü kiulongthsüpuh tsührübo 70 laksah; arünü arü kubo muluk ching yuk tüsho api kilim Jezreel ching mühah.

2 KIULONG THSÜRÜ 15:10

Jabesh tsührü Shallumnü api azhihde rük thsü, tüsho mihtsürü bolungnü kinga lungshihbah api laksah, tüsho api müthri kiulongthsü.

2 KIULONG THSÜRÜ 15:14

Judüki Gadi tsührü Menahem ju Tirza chingnü Samaria lim atu; apinü Jabesh tsührü Shallum Samaria ching kinga sheshih; apinü anihbuh müthri kiulongthsü.

2 KIULONG THSÜRÜ 15:25

Api yo wühkenobuh, Remalia tsührü Pekanü Gileadrü 50 bebah api azhihde rük thsü, tüsho Samaria ching api lung Argob le Arieh bede kiulongthsüpuh yam alungbe chipi chingnü zündo; apinü anihbuh laksah, tüsho api müthri kiulongthsü.

2 KIULONG THSÜRÜ 15:30

Judüki Ela tsührü Hosheanü Remalia tsührü Peka azhihde rük thsü, tüsho api laksah; Uzzia tsührü Jotham kam mukupü ching apinü anihbuh müthri kiulongthsü.

2 KIULONG THSÜRÜ 9:24

Jehunü sühmüh alalanü sanglüh hünkih, tüsho Joram ngam dükeak kip; junangde hühzonü api mulong chinkhit; tüsho nihbuh khora-lolungbe ching api keamabah.

2 KIULONG THSÜRÜ 9:33

Apinü tha, “Alibe jipkhiang.” Jumonü arünü alibe jipkhia bah; anihbe thiyih khürü rhü kheak tüsho anihbe kheak jungkhi khorabo kheak rhakkih.

JOB HU H T ANYU 36:13

Thrünpuh mümükheahrünü mulong ching bukakhiukkhi zomukhungchoh; apinü arü rhükchoki arünü arung thsungkheak müzhi.

MUNGSHIKHÜN 14:4

Amütsü rhimorü alala mükheahmudu müla shi, sherübonü yikhap tsühkhi nangde I mihtsürü tsühabahcho, tüsho Atungpuh ki müjicho?

ISAIA 43:22

Tütüshe nünü I ki müji, O Jakob; tüshe nünü I khia lakheah, O Israel!

ISAIA 64:4

Ahokhi lünbo ching shenü muso, she nükhünnü musokhit, api aleangrü thsungkheak shepünü rhimocho, nü hobah she müknü tümü Thrünpuh müngü.

ISAIA 64:6

Isa alala mümüsührü nangde kamdo, tüsho isa thiyurolungki rhimo alala amüneankhi khim nangde lah. Isa alala sangyü nangde kamshihchoh, tüsho isa amülimnü apung nangde isa yünde tsochoh.

ISAIA 64:7

Nü mung jirü she müla, yungsho nü ramlopü mürangrü müla; tümüde nünü nü miro isa kheaknü jikabah, tüsho isa neak dünkheaknü isa bahyuk.

ISAIA 9:13

Mihtsürübonü arü shikbuh api kilim manguh, yungsho Wuto Atungpuh müyim.

EZEKIEL 22:30

Tüsho chipi thsülopü tüsho lomi thsung thsüde chipi keamkhi ching zhippü arü bolung inü khürü yim, junangde inü ju müthsümünim; tüshe inü sheshe müyimkhit.

DANIEL 9:13

Mosa yakzan ching thrüta lakhi nangde ha thsümütsü alala isa kheak arüdo, tütüshe isa neakbo chingnü rholode tüsho nü thiyuro anide isanü Atungpuh isa Thrünpuhnü amulongkhi müyim.

HOSEA 13:10

Kheakü nü khümkhitpü thsüde nü kiulongthsürü küching la? Nü kiutobo kürü ching nü yakzanshuhrü la, shepü ki nünü tha, “ I kilim kiulongthsürü tüsho yakzanshuhrü jihang?”

HOSEA 5:15

Arünü arü mülimkhi muhuhyi khiungde, inü I mihtsürü bahyukbah. Tüsho arünü I miro yimbah; arü thsünükhi ching arünü mushude I yimbah.

HOSEA 7:10

Israel bukmükekhinü api azhihkhi huhchoh; tütüshe arünü ha alala thsungkheak Atungpuh arü Thrünpuh kilim murholo, yungsho api müyim.

HOSEA 7:14

Arünü mulong chingnü I ki müzhi, tüshe arünü yapkiu kheak tüzhochoh; arünü hi tüsho yukhu thsungkheak nihbuh zangrü tsütchoh; arünü I azhihchoh.

HOSEA 8:4

Arünü kiulongthsürübo modo, tüshe I hode yung; arünü yakzanshuhrü modo, tüshe inü mükheahde yung. Arünü arü nihbuh thsümünimpü shotoyinchi tüsho sunanü sangthsübo thsüdo.

MIKA 2:1

Sherünü arü yapkiu kheaknü mihbukmuyuk tüsho amütsü rhimo lümkhi thsüchonü ayokhe! Küyimki yinkhibanü, arünü ju asahchoh, tümütüsho ju arü wu ching lah.