HOSEA 7:15 - AMÜSÜH HÜM CL Bible (BSI)

¹⁵ Inü arü bemusu tüsho düküngde kamshih, tütüshe arünü I ki amütsü thsüde azhihchoh.

HOSEA 7:15 Iomraidhean Croise

2 KIULONG THSÜRÜ 13:23

Tüshe Atungpuhnü arü ki müthsüm tüsho muzho; Abraham, Isak tüsho Jakob thsülimnü apinü arü kilim rholo, tüsho arü müdükheakshih; yungsho api mikinü khihni khiungde arü yana mübah.

2 KIULONG THSÜRÜ 13:5

Jumonü Atungpuhnü Israel kilim akhümkhitrü khülang jih, junangde arü Siriarü khah chingnü tsokhit; tüsho akhuhlim nangde Israel mihtsürü nihbuh yambo ching la.

JOB HU H T ANYU 5:17

Thrünpuhnü thsülangjihrü küdükhüh asühpü; jumonü Wuto yakli mükhemükim düthsü.

MUNGSHIKHÜN 140:2

sherünü arü mulong ching amütsü lümkhi thsücho; arünü mutukzhakde thirithsüpü rukhüh mukhungchoh.

MUNGSHIKHÜN 2:1

Tümüde trükshihbonü bukakhiukcho, tüsho mihtsürübonü akeangkeang rük asahcho?

MUNGSHIKHÜN 62:3

Nüsa alalanü shahwün keamkhi kheaknü alü sühmüh mülakhi mihtsürü külokhüh müshamba?

MUNGSHIKHÜN 94:12

Mihtsürü shepü ki nünü khuhlanga huhchonü, O Atungpuh , tüsho nü yakzan chingnü thsangyuchonü müngühmühi;

MÜCHITMUDU 3:11

I tsah-a, Atungpuhnü adanyukkhi mükhemükim düthsü tüsho apinü athürühkhi bukdakhiuk,

JEREMIA 17:9

Mulong ju alala kheaknü mülapmüjikhi lah tüsho athsüngupü münchi holah, shepünü ju anikhitkhukba?

HOSEA 13:9

Inü nü thsümüchibah, O Israel; shenü nü rungkhiba?

NAHUM 1:9

Tümüde nünü Atungpuh azhihcho? Apinü akheam thsüshihbah; azhihrü sheshe mahne kipü masürü.

YUNIRÜBO RHIMO 4:25

Nünü nü yamlarü isa jipürü David mün hode Amüsüh Menü asuk: ‘Tümü thsükhi trükshihbonü mulong zhipzhipkhea, tüsho mihtsürübonü akeangkeang lümkhi thsükhea?

ROMRÜ KILIM PAULNÜ ATHRÜTKHI KIHÜM HUHTANYU 1:21

tümüde arünü Thrünpuh mükheah-a lalashe api Thrünpuh ah de wüntre müjih yungsho makshe müjih, tüshe arünü alümkhi ching zhazhade kam tüsho arü makhakhi mulong mitingabah.

2 KORINT 10:5

Thrünpuh mükheahmudu lim atsangachih tüsho lülüshishi limkhudo aban isanü thsümünimchoh, tüsho lümkhi aban Khrista yu anipü ramde arüchoh.

IBRI 12:5

Nüsa ki tsührübo jide atuthsukyu thakhi nüsanü mihdü de? “I tsah-a, Atungpuhnü adanyukkhi süpsüpde dülüm, yungsho apinü nü thsümüchichoki mulong dünini.

AMIKHEAKAKHIUKKHI 3:19

Sherü ki inü muzholanü, inü thürühchoh tüsho thsümüchichoh; jumonü künsahde laang tüsho mulong müthriang.