HOSEA 7:14 - AMÜSÜH HÜM CL Bible (BSI)

¹⁴ Arünü mulong chingnü I ki müzhi, tüshe arünü yapkiu kheak tüzhochoh; arünü hi tüsho yukhu thsungkheak nihbuh zangrü tsütchoh; arünü I azhihchoh.

HOSEA 7:14 Iomraidhean Croise

ABEKHIT 32:6

Ashidopü arünü mükikde asürübah taka kingaünbo, mungtsü kingaünbo jih; mihtsürübonü atsühpü tüsho ayungpü bin tüsho milimyulimnü apheande wusu.

ISAIA 29:13

Atungpuhnü tha: Tümütüsho harü mihtsürünü arü münnü phünide arüchoh tüsho arü münküpnü I wüntrechoh, tüshe arü mulong a I kheaknü limshulah, tüsho arü kingaünkhi ju mihtsürü yukhüm lümkangyunü anikhitkhi lah;

ISAIA 52:5

Kheakü jumonü I ha ching tümü la, Atungpuhnü tha, amütsan mülade I mihtsürü bede atsokhea? Arü yakzanshuhrübonü keangrümünechoh, tüsho mutukzhakde nimungroro I mung mükhemükim thsüchoh.

ISAIA 65:14

I yamlarübo mulong asühkhinü khün thsübah, tüshe nüsa mulong rozhakkhinü atripbah, tüsho me thsünükhinü atüzhobah.

JEREMIA 12:2

Nünü arü khimkheah, tüsho arü aying chinyuk; arü asürü tüsho sangaso aso; nü a arü münbo thüninde lah tütüshe arü mulong kheaknü limshulah.

JEREMIA 3:10

Tütüshe dükde mülakhi anihbe achi Judanü mulong athrünkhinü I kilim malodarü, tüshe rüklimnü lang ah, Atungpuhnü thachoh.

TÜZHOKHI 2:18

Atungpuh ki achangnü zhiang! O Zion tsührübe chipi! Ayung nangde chike animung tüsho are bukkhishang! Nü sühakhim dulu, nü tripkhi dütuklo!

HOSEA 13:16

Samarianü anihbe mülimkhi hanbah, tümütüsho anihbenü Atungpuh azhihdo; arü nukshangnü akeambah, arü tsührü aninibo adütre kamde khapthünakbah tüsho arü mihlakhi liberübo chakphukbah.

HOSEA 13:6

Küyimki inü arü yimkipkheanü, arü reangkeam tüsho arü mulong kükheangde kam; jumonü arünü I mihabah.

HOSEA 13:9

Inü nü thsümüchibah, O Israel; shenü nü rungkhiba?

HOSEA 3:1

Atungpuhnü I ki thalo, “ Yüang, Israel mihtsürünü püpü thrünpuhbo tüsho akungkhi yikhap kilim rhololo she Atungpuhnü arü muzhokhi nangde amuzhorü larü tüsho müzammüram liberü nü yamkhünbe ki muzholoang.”

HOSEA 8:2

Israelnü I ki zhichoh, “ I Thrünpuh, isa Israelnü nü mükheahlah!”

AMOS 2:8

arünü kingaün sadam aban ki thiyuchihchimde alukhi khimmih kheak zuhyuka yapchoh; tüsho arünü azhekhi shonü yukhu thuloa arü thrünpuh yam ching yungchoh.

AMOS 8:3

Arüngyam khünbo ju nimung ching mitripkhi kambah,” Atungpuh Thrünpuhnü thachoh; “ashe mibo ahihdo labah, dangpung aban zhikrangkhündo alabah!”

MIKA 2:11

Khürünü akeangyu thade arüsho, “ Inü nüsa ki suhdahkhi yukhu tüsho ayungbe dünkheak müchitbah,” api ju ha mihtsürü thsungkheak wukihrü lakhi labah!

ZEKARIA 7:5

Lomi mihtsürü alala tüsho amükeamrübo ki thaang: Nüsanü ha kam nerü khinu phüngü tüsho thüne ching khümkeak thsükhi tüsho tüzhokhi ju I thsungkheak lakhea de?

ROMRÜ KILIM PAULNÜ ATHRÜTKHI KIHÜM HUHTANYU 16:18

Tümüde hadürü mihtsürübonü isa Atungpuh Khrista mütankihchoh, tüshe arü buk thsungkheak ah, tüsho arü yu atsü tüsho atsankhinü amülim mülarü mihtsürü mulongbo thsungyukchoh.

FILIPI 3:19

Arü akheam ju athsümünim, arü thrünpuh ju buk, tüsho arü müretah ju arü achihbe, alomi kukrukbo kheak lümkhi zolah.

JAKOB 4:3

Nüsanü kheangchoh tüshe müngü, tümütüsho nüsanü nüsa shihkünkhi ching bahpü amülimnü kheangchoh.

JAKOB 5:1

Nüsa alarübo kheakü aniang, nüsa kheak thsümütsü arüpü lakhi dünkheak tripang tüsho tüzhoang.

MAHKHAPRÜ 9:27

Tüsho arünü thulu ching yübah kurungasolubo chingnü kurungasobo rho tüsho yukhu thsübah thünio la, tüsho arü thrünpuh yam ching yüzahbah tsühyungde Abimelek athruaji.