HOSEA 7:13 - AMÜSÜH HÜM CL Bible (BSI)

¹³ Arü are, tümüde arübo I kheaknü tsodo! Arü athsümünim kamshang, tümüde arünü I azhihdo! Inü arü khümkhitpü künkheah, tüshe arünü I azhihde akeangyu asukchoh.

HOSEA 7:13 Iomraidhean Croise

NEHEMIA 1:10

“Atungpuh , harü ha nü wu ato tüsho nü khah sühmüh hode akhümkhitkhi nü yamlarübo nü mihtsürübo ah.

JOB HU H T ANYU 22:17

Arünü Thrünpuh ki tha, “Isa zangrü zojang,” tüsho “Wutobuhnü isa ki tümü thsükhukpü?”

MUNGSHIKHÜN 106:10

Apinü arübo thraneanrü khah chingnü khümkhit, tüsho thiriri khah chingnü arü rhokhit.

ISAIA 30:1

O, azhihrü tsührübo, Atungpuhnü thachoh, shepünü lümkhi thsücho, tüshe I yo yung; shepünü arihcho, tüshe I lümkhi azhihkhi la, neak ching neak yukajakcho;

ISAIA 30:2

shepünü I ki mükeokhide Pharaonü akümkhi ching tsoyukpü, tüsho Ijip alamme ching kurampung yimde ayükipü tsahmusukhea;

ISAIA 31:1

Aha, sherünü arung thsungkheak Ijip ching yükicho tüsho shenü khorabo kheak düthsün angücho, shenü khora-lolungbe kheak kincho tümütüsho arü ahihdo lah tüsho khoraberü kheak kincho tümütüsho arü khide sühmüh lah, tüshe Israel Amüsüh Thrünpuh kheak mükheah yungsho Atungpuh ki mükeokhi!

ISAIA 41:14

Dütre, nü ari Jakob, nü loriloko Israel! Inü nü rungbah, Atungpuhnü thachoh; nü rhokhitbuh ju Amüsüh Israel Thrünpuh lah.

ISAIA 43:1

Tüshe kheakü Atungpuhnü ha thachoh, shepünü nü thrünkhea, O Jakob, shepünü nü kamshihkhea, O Israel: Dütre, tümüde inü nü rhokhit; inü nü mungnü ji, nü I yo.

ISAIA 59:13

thsümünimde, tüsho Atungpuh reanglode, tüsho isa Thrünpuh yankhi chingnü tsoabahde, junode tüsho azhihkhirhimo akeangyubo hankhi tüsho jurü mulong chingnü akhiukkhi lah.

ISAIA 63:8

Tümüde apinü tha, “Tsükjide arübo I mihtsürü, amülim müthsüpü tsührübo”; tüsho api arü khümkhitrü kam.

JEREMIA 14:10

Ha mihtsürü dünkheaknü Atungpuhnü ha thachoh: Tsükjide arünü rümde atsahpü muzhodo, arünü arü jing mutuklo; jumonü Atungpuhnü arü müleangkhi, kheakü apinü arü mülimkhibo lümkhitbah tüsho arü neakbo dünkheak thsümüchibah.

JEREMIA 42:20

junangde nüsa ashepü lakmihpü lah. Tümüde nüsa zangrünü Atungpuh nüsa Thrünpuh kilim I thaa yüshih, “ Isa thsungkheak Atungpuh isa Thrünpuh ki tamkhüntamnüjang, tüsho Atungpuh isa Thrünpuhnü tümüpürü thabanü isa ki thaang tüsho isanü ju rhimobah.”

JEREMIA 51:9

Isanü Babilon thsüngupü mürangdo, tüshe anihbe müthsüngukhuk. Anihbe bahyukang, tüsho isa mihbüm abannü isa nihbuh lomi lim yüanü; tümüde anihbe mahkhapkhi yinmi khiungdo tüsho thüningbo khiungde shuhkihdo.

JEREMIA 7:15

Tüsho inü nüsa keoniorü yankhitkhi nangde Ephraim münü alala, nüsa I mikinü yankhita bahbah.

TÜZHOKHI 5:16

Isa ku kheaknü kuthran ayokhido; isa are, tümüde isanü neak yihbeakdo!

EZEKIEL 16:23

Ayokhe! Nü ayokhe, Wuto Atungpuhnü thachoh. Nünü mihbukmuyuk rhimokhi alala kheak yukrude,

EZEKIEL 18:2

“Bebuhrünü kurungaso asan tsüh, tüsho tsührübo hü mütramlah” de ha müchityu Israel lomi dünkheak thakhi ha amütsan tümü a?

EZEKIEL 18:25

Tütüshe nünü thachoh, “Atungpuh limro thiyuro yung.” Aniang, O Israel yamkhün: I limro thiyuro yung de? Nü limrobo thiyuro mülakhi yung de?

EZEKIEL 34:6

I yo namfimihnubo hiumüzütabah, arübo müzüngbo tüsho awung achang alala kheak rümde tsah; I yo namfimihnubo shenü müyimde yungsho arü thsungkheak majuakheahde alomi alala kheak hiumüzüt.

HOSEA 11:12

Ephraimnü akeangyu thade tüsho Israelnü mülapmüjinü I mükamdolah; tüshe Juda a Thrünpuhnü mükheahdü lang lah, tüsho Amüsühbuh Khülang ki thiyuro lah.

HOSEA 11:2

Inü küdükhüh api jikheanü judükhüh api I kheaknü tso; arünü Baalbo kilim laksah-a kingaün, tüsho rhümthüneabe sangthsübo kilim jih.

HOSEA 5:7

Arünü akin mülade Atungpuh ki rhimodo; tümüde arünü mihtsüzahkhi tsührübo zübedo. Jumonü kheakü arü le arü lobo nahde thsümünimbah.

HOSEA 7:1

Küyimki inü Israel thsüngupü lümbanü, Ephraimnü athsümünimkhi, tüsho Samarianü mihbukmuyuk rhimokhi akhiuka huhchoh; tümüde arünü mülimde rhimochoh, ahührünü chakashungde yüzahchoh, tüsho khukshikrünü wungdo ahühchoh.

HOSEA 7:3

Arü mihbukmuyuknü arü kiulongthsüpuh, tüsho rük-thsükhinü atorübo asühshihchoh.

HOSEA 9:12

Arünü tsührübo mütrümususu she, sheshe maningyi khiungde inü arü tüzhoshihbah. I arü kheaknü chamachihchoki atsütsü arü are!

HOSEA 9:17

Tümütüsho arünü api ki mani; I Thrünpuhnü arü bahyukbah; trükshih bolung arübo tsotsahrü kambah.

JONA 1:10

Judüki mihtsürübonü alü trede kam, tüsho api ki tha, “Tümü thsükhi nünü ha rhimokhea!” Tümüde api ju Atungpuh mikinü tsokhichoh de mihtsürübonü mükheah, tümütüsho apinü arü ki thaa lakheah.

JONA 1:3

Tüshe Jonanü Atungpuh mikinü Tarshish lim tsopü tsahmusu. Apinü Joppa ching yüki tüsho Tarshish lim yükhi sangkung khülang ngü; jumonü apinü hantsah-trün ju jih tüsho Atungpuh mikinü tsokhide Tarshish lim yüpü sangkung kheak yükih.

MIKA 6:12

Anihbe alarübo athsümünimrü ah; anihbe mihtsürübo akeangyu tharü ah, tüsho arü mulonü mülapmüjide thachoh.

MIKA 6:4

Tümüde inü nüsa Ijip lomi chingnü bekhit, tüsho azhorü yamkhün chingnü nüsa rhokhit; tüsho inü nüsa müngüh Mosa, Aron, tüsho Miriam yüshih.

MATHI 23:37

“O Jirusalem, Jirusalem, shepünü wukihrübo laksah tüsho anihbe kilim yüshihrü lungnü rusahkhea! Thunu dretonü ajipjipbo aghidükeang khüp bemukhungkhi nangde, küdükhüh ki lang inü nü tsührübo bemukhungpü künkhea, tüshe nünü mümulong!

YUZÜNGTHALO 15:15

Nüsa Ijip ching azhorü lakheah de nüsanü lümkhitang, tüsho Atungpuh nüsa Thrünpuhnü rhokhit; jumonü khihni ha inü nüsa ki thiyukhüm jihchoh.

1 JOHAN 1:10

Isanü neak müyihbeak de isanü thasho, isanü api ju akeangyu tharü kamshihchoh, tüsho api yu isa kheak müla.

AMIKHEAKAKHIUKKHI 8:13

Judüki inü kheah, tüsho müleangnü thüning phulung phinde achangnü akhungkhi inü so, “Yunirü püpü mahsamnü hulipungpung mütpü lakhi dünkheak alomi ching larübo Are! Are! Are!”