HOSEA 7:11 - AMÜSÜH HÜM CL Bible (BSI)

¹¹ Ephraim a müthrithrümpü nangde kamdo, makhalah tüsho sulüm müla; arünü Ijip ki jichoh, arünü Asiria lim yüchoh.

HOSEA 7:11 Iomraidhean Croise

2 KIULONG THSÜRÜ 15:19

Asiria kiulongthsüpuh Pulnü lomi azhihde arü; Menahemnü Pul kilim shotoyinchi khahngak 34,000 jih, junangde apinü anihbuh kiulongthsü wu-sühmüh düküngshihde arungpü thsü.

2 KIULONG THSÜRÜ 16:7

Ahaznü Asiria kiulongthsüpuh Tiglath-pileser ki yunithsürübo yüshihde tha, “I nü yamlarü tüsho nü tsührü. Atung, tüsho I yanrü Siria kiulongthsüpuh tüsho Israel kiulongthsüpuh khah chingnü khümkhitang.”

MÜCHITMUDU 15:32

Shepünü adanyukkhi amümürang thsüchonü nihbuh mükhemükimchoh, tüshe shepünü thsülangkhi anichonü anikhitkhi alü thsüchoh.

MÜCHITMUDU 17:16

Makharü khah ching sho lakhi tümü yihnüpü la, tümüde apinü lümlung ngüpü künde müla?

MÜCHITMUDU 6:32

Shepü aliberü kheak müzammüram yihbeakchonü anikhitkhi mülachoh; shepünü jude thsüchonü nihbuh thsümünimchoh.

JEREMIA 2:18

Dale Ijip ching Nile ke yungpü yükhinü nü tümü alü ngücho? Yungsho Asiria ching Euphra ke yungpü yükhinü nü tümü alü ngücho?

JEREMIA 2:36

Küdüküdü she shande, nü limro müthrichoh! Asirianü achih ngüshihkhi nangde Ijipnü nü achih ngüshihbah.

HOSEA 11:11

Arübo wuhnubo nangde ajande Ijip chingnü, tüsho müthrithrümpü nangde Asiria chingnü arübah; tüsho inü arübo arü yam lim yüloshihbah, Atungpuhnü thachoh.

HOSEA 12:1

Ephraimnü apung yimtsühchoh, tüsho nimung amuyung aniakhiuklim pung müshamchoh; arünü akeangyu tüsho athsümünim alü kamshihchoh; arünü Asiria kheak binthrüm thsüchoh, tüsho Ijip lim müdangke hande yüchoh.

HOSEA 12:2

Atungpuhnü Juda azhihde mahkhapyu lah, tüsho api limrobo yande Jakob thsümüchibah, tüsho api rhimobo yande api kilim jihlobah.

HOSEA 14:3

Asirianü isa mükhümkhit; isanü khorabo kheak mübin; isa khahnü athsükhi ki kheaküa, ‘ Isa thrünpuhbo,’ de mütha. Nü kheak mürerünü mihmüthsüm ngüchoh.”

HOSEA 4:11

Müzammüram, yukhu, tüsho yukhu asonü anikhitkhi lude tsodo.

HOSEA 4:6

I mihtsürübo mükheahmudu mülakhinü dükheaka lah; tümütüsho nünü mükheahmudu bahyuk, inü nü I ki amükeamrü thsüpü chingnü bahyukchoh. Tüsho nünü nü Thrünpuh yakzan mihkhinü, inü she nü tsührübo mihbah.

HOSEA 5:13

Küyimki Ephraimnü anihbuh tukthsükhi, tüsho Judanü anihbuh mü ngükhea, judüki Ephraimnü Asiria kilim yü tüsho ato kiulongthsüpuh kilim yüshih, tüshe apinü nü müthsüngukhuk yungsho nü mü mungushih.

HOSEA 5:4

Arü rhimobonü arü Thrünpuh kilim rholode ayüpü mümülü. Tümüde yüliyüra me arü kheak lah, tüsho arünü Atungpuh mümükheah.

HOSEA 8:13

Arünü I kilim laksah-a kingaünkhi jihchoh tüsho arünü shih tsühchoh, tüshe Atungpuhnü jurü müleangkhi. Kheakü apinü arü amülim-rhimo lümkhitbah tüsho arü thsümüchibah; arü Ijip lim yülobah.

HOSEA 9:3

Arübo Atungpuh lomi ching aninga müla; tüshe Ephraim a Ijip lim alode ayübah, tüsho Asiria ching arünü mümüsühkhi tsühyungpü tsühbah.

HOSEA 9:6

Arünü athsümünim chingnü tsokhikhi she, Ijipnü arü bemukhungbah; Memphisnü arü kiuyuka bahbah. Khingphunü arü shotoyinchi kukrukbo mükühbah; ayangbo arü khimyambo ching labah.

OBADIA 1:7

Nü müshiprü alalanü nü mülapyukdo, arünü nü aredungyean yana yüshihdo; nü kheak arihde alarübonü nü azhihde kukdo; nü yikhap tsührübonü nü thsungkheak azheang zojihlah– ju shenü she mümükheah.

MATHI 10:16

“Kheahang, inü nüsa rimre bolung namfimihnubo nangde yüshihchoh. Jumonü phuruto nangde lümlung laang tüsho müthrithrümpü nangde lümlang thsang.