HOSEA 6:8 - AMÜSÜH HÜM CL Bible (BSI)

⁸ Gilead ju amütsü-rhimorü kiuto khülang, mihlaksahrünü milah.

HOSEA 6:8 Iomraidhean Croise

2 SAMUEL 20:8

Küyimki arübo Gibeon ching lakhi lung ato ki lakhea, Amasanü arü shorupü arü. Kheakü Joab ju bonungrü khimmih yih tüsho ju kheak nukshang zahkhi nuktrüp bede pangrümbe achim kheak rümkih; api mikhuhlim yüde lachoki ju chinkhit.

2 SAMUEL 3:27

Küyimki Abner Hebron lim alodarükhea, Joabnü api ki mükhingde athapü ripit limro lim bebah yü, tüsho ju ching apinü abuk ching düchip. Jumonü api Joab akhiung Asahel thiyih bukkhi dünkheaknü api she.

1 KIULONG THSÜRÜ 2:5

“Kheaküshe Zeruia tsührü Joabnü I ki tümü rhimokhea, apinü Israel bonungrü limthorü mahne, Ner tsührü Abner, tüsho Jether tsührü Amasa laksah. Apinü mungtsü kim ching thirithsü thiyih bukshih, tüsho thirithsü thiyih api chim mükamde pangrümbe kheak yihkih.

MUNGSHIKHÜN 10:8

Apinü kiulongbo phünide jika binchoh; ajik dangpungbo ching apinü amülim mülarü mihkhukchoh; api mük müthsümülarü kheak ramde kheahkihlah.

MUNGSHIKHÜN 141:4

Amütsü rhimorünü mihbukmuyuk rhimokhi ching berungshihpü thsüde amütsü lim I mulong danguhshih; inü arü jimpung dütsühshih.

MUNGSHIKHÜN 59:2

amütsü rhimorü kheaknü I bekhitang, tüsho thiyih bukpü mihtsürü kheaknü I khümkhitang.

ISAIA 59:6

Arü azheangliubonü khim nangde müthsükhuk; arünü athsükhinü arü muphudori. Arü rhimobo ju amülim rhimobo lah, tüsho thiyih bukkhi rhimobo arü khah ching lah.

JEREMIA 11:19

Tüshe I a azhihayihkhi namfimihnunu alaksahpü bede yükhi ruk lakheah. Tüsho ha I azhihkhi ah de inü mümükheah, junangde arünü amütsü lümkhi thsüde tha, “ Isanü sangaso kihde sangdung kiushakanü, isanü api rhangdung lomi chingnü lipkhianü, junangde api mung kheaküa mülümkhit!”

HOSEA 12:11

Gilead ching mülimkhi lah, arübo tsükjide akeangkeang kambah, Gilgal ching arünü moshipungbonü kingaün, jumonü arü kingaün sadambo ju thulu wochakkhi ching lungrhung nangde alabah.

HOSEA 12:12

Jakob nü Aram lomi ching tsode yü, ju ching Israelnü niuberü thsungkheak tankih, tüsho niuberü thsungkheak apinü namfimihnu neakde la.

HOSEA 4:2

Thiyuchihchim, akeangyu, mihlaksah, ahühkhi tüsho müzammüram akhiukdo; thiyih bukkhinü thiyih bukkhi yankihlah.

HOSEA 5:1

Ha soang, O amükeamrübo! Aniang, O Israel yamkhün! Aniang, O kiulongthsüpuh yamkhün! Tümüde mahkhappü ju nü yo lah; tümüde nü ju Mizpa ching qimürip khülang lakheah, tüsho Tabor kheak jipkihkhi keang khülang lakheah,

MIKA 7:2

Athülünkhi alomi chingnü kheamabahdo tüsho alungki larü sheshe müla; arü alalanü thiyih bukpü aleangde binchoh, tüsho arünü keang lubah jimachihchoh.

YUNIRÜBO RHIMO 25:3

limro ching jimde binbah api laksahpü mihtsürü ju Jirusalem lim yüshihpü tha.

JIHUSUA 21:38

Gad trük chingnü kiuto 4 arünü alukhi: Gilead ching yo Ramoth (tsoyukpung kiuto bolung khülang ah), Mahanaim,