HOSEA 6:7 - AMÜSÜH HÜM CL Bible (BSI)

⁷ Tüshe Adam ching arünü tangzüng lakmih; ju ching arünü akin mülade I ki rhimo.

HOSEA 6:7 Iomraidhean Croise

THRÜNTAN 3:11

Tüsho apinü tha, “Nü bünkeang ah de shepünü nü ki thakhea? Inü nü ki dütsüh de athakhi sangaso nünü atsühkhea shi?”

THRÜNTAN 3:6

Junangde alibenü sangaso ju atsühpü atsü, mük ki reangkeambe khülang tüsho lümlung ngüpü sangdung ngü, alibenü ju sangaso lu tüsho tsüh. Alibenü ayamkhünbuh kilim she jih tüsho apinü tsüh.

2 KIULONG THSÜRÜ 17:15

Arünü api yakzanbo, apinü arü jipürü kheak tangzüngkhi, tüsho arü kilim dühdükhiyu jihkhi bahyuk. Arünü sangthsübo dunglim yü tüsho amülim kamabah; arünü arhimokhi yande dürhimo de Atungpuhnü athakhi arü mühi trükshihbo dunglim yan.

JOB HU H T ANYU 31:33

Adam nangde inü alakmihkhibo rama lasho, I amülimbo I khüh ching rama lasho,

ISAIA 24:16

Alomi akheam chingnü isanü mungshikhünbo, Thiyuro-labuh Khülang müretahkhi shikhün isanü sochoh. Tüshe inü thachoh, I mülatsan, I mülatsan, I are! Mülapmüjirünü mülapmüjichoh, atsütsü mülapmüjirünü khide mülapmüjide rhimodo.

ISAIA 24:5

Mihtsürübonü alomi müneando; tümüde arünü yakzanbo lakmihdo, thiyuzüngbo thsümünimdo, akheam mülakhi tangzüng yihshakdo.

ISAIA 48:8

Nünü küyimkishe musoakheah, nünü küyimkishe mümükheahkheah, adüsonü nü nükhün mükhimshuh. Tümüde nünü khide akinashu mülade arhimobah de inü mükheah, tüsho nuyam chingnü nü a azhihrü de ajikheah.

JEREMIA 3:7

Tüsho inü lüm, “Ha alala rhimoshu alibenü I kilim alodarübah”; tüshe alibenü malodarü, tüsho dükde mülakhi anihbe achi Judanü ju ngü.

JEREMIA 31:32

Ha inü arü jipürü Ijip lomi chingnü khah kheaknü thokhitchoki tangzüng nangde yung, tümüde I arü aputungrü thsüthsü she, arünü I tangzüng thsümünim, Atungpuhnü thachoh.

JEREMIA 34:18

Tüsho sherünü I tangzüng thsümünimde tüsho I miki tangzüngkhibo muzonü, arünü moshi nunu mahne thsüde khapshakbah adükeak ching tsahhokhi nangde inü arü ki rhimobah:

JEREMIA 5:11

Tümüde Israel yamkhün tüsho Juda yamkhünnü I ki alala mülapyukdo, Atungpuhnü thachoh.

JEREMIA 9:6

Junokhi kheak junokhi, mülapmüji kheak mülapmüji! Arünü I mükheahpü thsunglochoh, Atungpuhnü thachoh.

HOSEA 5:7

Arünü akin mülade Atungpuh ki rhimodo; tümüde arünü mihtsüzahkhi tsührübo zübedo. Jumonü kheakü arü le arü lobo nahde thsümünimbah.

HOSEA 8:1

Nü münküp kheak hulipungpung dünkihang! Müleang nangde Atungpuh yam kumung khülang lah, tümütüsho arünü I tangzüng thsümünimdo, tüsho I yakzan lakmihdo.

ROMRÜ KILIM PAULNÜ ATHRÜTKHI KIHÜM HUHTANYU 5:14

Tütüshe Adam kheaknü Mosa khiungde, Adamnü Thrünpuh yukhüm manide arhimochoki nangde neak müyihbeakrü mihtsürü alala kurungkheak she yakzan shuh.

YUZÜNGTHALO 31:20

Küyimki arübo inü arü jipürü kheak thiyuchihchimkhi, niuhke tüsho mukhuke bukkhi lo ching bede ayübanü, tüsho arünü bukthsüde tsühbah shih kihbanü; judüki arünü püpürü thrünpuhbo kilim anguhde yübah atankihbah; tüsho arünü I bahyukbah tüsho tangzüngkhi thsümünimbah.

IBRI 8:9

inü Ijip lomi chingnü arü khah kheaknü bekhitkhi nimung arü jipürü ki tangzüngkhi nangde yung; tümüde arünü I tangzüng ching müladebah, jumonü inü arü ki manijih, Atungpuhnü thachoh.