HOSEA 6:6 - AMÜSÜH HÜM CL Bible (BSI)

⁶ Tümüde inü mihmüthsüm lunelah tüsho laksah-a kingaünkhi yung, taka kingaünkhi kheaknü Thrünpuh mükheahkhi lunelah.

HOSEA 6:6 Iomraidhean Croise

1 KIUTHSÜYUKHEAN 28:9

“Tüsho nü, I tsührü Solomon, nü buh Thrünpuh mükheahang, tüsho lümkhi khülang tüsho akünkhi mulongnü api tankihang; tümüde Atungpuhnü sulüm aban yimchoh, lümkhi tüsho lümzülümdo aban mükheahchoh. Nünü api yimsho, api nünü angübah; tüshe nünü api bahyuksho, apinü lünnü nü bahyukbah.

MUNGSHIKHÜN 50:8

Inü nünü laksah-a kingaünkhi yungsho mutukzhakde I miki taka kingaünkhi dünkheak nü müthürüh.

MÜCHITMUDU 21:3

Laksah-a kingaünkhi kheaknü thiyuro-lungki tüsho thiyuro rhimopü ju Atungpuh kilim alü aleangkhikhukbe lah.

T H S AN GYU T H S AN GR ARÜ 5:1

Küyimki nü Thrünpuh yam ching yübanü nü jingdükübo aheangang; makharünü arhimokhi nangde shuhmülanga jihkhi kheaknü a anipü phünide ayükhi atsübe ah; tümütüsho arünü amütsü tümü rhimochonü mümükheah.

ISAIA 1:11

Nüsanü hihdakde laksah-a kingaünkhibo I ki tümü la? Atungpuhnü thachoh; namfimihnupungbo tüsho yimkipkhi shiwühbonü I suhdahde taka kingaündo; inü moshibo yungsho namfimihnunu, yungsho mihnubo thiyih ching masüh.

ISAIA 58:6

Inü mokhitkhi khümkeak ha, thiyuro mülakhi liu trünpü, sangkap liu trünpü, junoa larü zuzude yüshihpü, tüsho sangkap alala yihshakpü yung de?

JEREMIA 22:16

Apinü zhochihrü tüsho müthsümülarü dünkheak mahkhap; ju tsüde alakheah. Ha amütsan I mükheahpü yung de? Atungpuhnü thachoh.

JEREMIA 7:22

Tümüde inü nüsa jipürü Ijip lomi chingnü bekhit nimung taka kingaünkhi tüsho shuhmülanga kingaünkhi dünkheak inü arü ki masuk.

DANIEL 4:27

Jumonü, O kiulongthsüpuh, inü athakhi yanang. Neak yihbeakpü tukloang, tümü alim lanü rhimoang, tüsho zhochihrü ki müthsümang. Junangde nü lalim tsüde alabah.”

HOSEA 14:2

Amushukhi lubahle Atungpuh kilim rholode yüang; api ki thaang, “Amülim alala lude tsoang; atsü küpüanü leangkhiang tüsho isanü alokhikhi nangde isanü nü shianü.

HOSEA 2:20

Inü nü athülünkhi chingnü I niube thsüpü lubah; tüsho nünü Atungpuh mükheahbah.

HOSEA 4:1

Atungpuh yu soang, O Israel mihtsürü; tümüde Atungpuhnü lomi ching larü thürühpü lah. Lomi ching athülünkhi yungsho mihmuzho, tüsho Thrünpuh mükheahkhi müla.

HOSEA 8:13

Arünü I kilim laksah-a kingaünkhi jihchoh tüsho arünü shih tsühchoh, tüshe Atungpuhnü jurü müleangkhi. Kheakü apinü arü amülim-rhimo lümkhitbah tüsho arü thsümüchibah; arü Ijip lim yülobah.

AMOS 5:21

Inü thraneanlah, inü nüsa thüniobo khenochoh, tüsho nüsa arüngako mukhungbo ching inü masüh.

MIKA 6:6

“Tümü lubah inü Atungpuh miki arüba, tüsho achang kheak Thrünpuh miki khukningba? Inü kam khülang bankhi moshi nunubonü taka kingaünpü api miki lubah arüba shi?

MIKA 6:8

O mihtsürü tsührü, tümü atsüanü apinü nü ki huhdo; tüsho Atungpuhnü nüsa kheaknü alunekhi ju thiyuro, tüsho mihmüthsüm muzhopü, tüsho azhihayihde nü Thrünpuh lung tsahpü lah.

MATHI 12:7

Tüshe nüsanü, ‘Inü laksah-a kingaünkhi yungde mihmuzho lunelah,’ dükhi amütsan mükheahkhülaa, nüsanü amülim mülarü mübahyuk.

MATHI 5:7

Mihmüthsümrü asühpü, tümüde arü ki mihmüthsüm huhbah.

MATHI 9:13

Yüang tüsho ha amütsan anikhitang: Inü mihmüthsüm lunelah, tüsho laksah-a kingaünkhi yung. Tümütüsho amüsührü yungde amüneanrü jipü I arükheah.”

MARK 12:33

Tüsho mulong alalanü, anikhitkhi alalanü, me alalanü, tüsho sühmüh alalanü api muzhopü tüsho yamhingrü ki nihbuh nangde muzhopü ju abümnü taka kingaünkhi tüsho laksah-a kingaünkhi kheaknü alübe ah.”

JIHUSUA 5:5

Ijip chingnü akhiukrü alala tsütabah-a lalashe arü limro sunglo ching zübekhi tsührübo a tsütamübahyide alakheah.

1 JOHAN 2:3

Tüsho isanü api yuzüngbo zosho isanü api mükheahpü ha hode amütsanbah.

1 JOHAN 3:6

Api kheak larü sheshe neak müyihbeakchoh; neak yihbeakrü shenü she api müngü yungsho api mümükheah.

1 SAMUEL 15:22

Tüsho Samuelnü tha, “Atungpuh yu anikhi kheaknü taka kingaünkhi tüsho laksah-a kingaünkhi ching Atungpuhnü alü asühcho de? Tsükjide, laksah-a kingaünkhi kheaknü a mihyuanikhi atsübe, tüsho namfimihnu pung müdang kheaknü mihyuanikhi atsübe.