HOSEA 6:5 - AMÜSÜH HÜM CL Bible (BSI)

⁵ Jumonü inü arübo wukihrübo hode lipshaka bahshih, I yubo hode inü arü laksah, tüsho I mahkhapkhi tsün nangde mikhuh yüchoh.

HOSEA 6:5 Iomraidhean Croise

THRÜNTAN 18:25

Thiyuro-lungkirü ju mihbukmuyukrü lungnü alaksahpü nü kheaknü limshuang, jude thsüsho thiyurolungkirü ju mihbukmuyukrü nangde akambah; ju nü kheaknü limshuang! Alomi alala mahkhaprünü alim mürhimobea de?”

1 KIULONG THSÜRÜ 14:6

Tüshe alibe khimdopü ki arüchoki, küyimki Ahijanü ajing khün sokhea, apinü tha, “Azahang, Jeroboam niube; tümüde nünü püpürü thsüpü rük thsücho? Tümütüsho nü thsungkheak I kilim thiyusheak amütsü lah.

1 KIULONG THSÜRÜ 17:1

Kheakü Gilead ching, Tishbirü Elijanü Ahab ki tha, “Inü atankihbuh, Israel Thrünpuh, Atungpuh lale, I yu hode yungsho, arübe kam mahne yungsho mahsam ayinke yungsho tsüng marü.”

1 KIULONG THSÜRÜ 18:17

Küyimki Ahabnü Elija ngükhea, Ahabnü api ki tha, “Israel küpkhuk jihrü ju nü a de?”

1 KIULONG THSÜRÜ 19:17

Sherübo Hazael nukshang kheaknü atsokhibanü, Jehunü alaksahbah; tüsho sherübo Jehu nukshang kheaknü atsokhibanü, Elishanü alaksahbah.

2 KIULONG THSÜRÜ 1:16

tüsho api ki tha, “Atungpuhnü ha thachoh: Tümütüsho nünü Ekron thrünpuh Baal-zebub ki keokhishihpü yunithsürübo yüshih, ju api ki keokhipü Israel ching Thrünpuh mülamonü a de? Jumonü nü yükihkhi yapkiu kheaknü nü maki, tüshe tsükjide nü ashebah.”

2 KIUTHSÜYUKHEAN 21:12

Wukihbuh Elija kilimnü kihüm khülang api kilim arüshihde tha: “Atungpuh , nü buh David Thrünpuhnü ha thachoh: Tümütüsho nünü nü buh Jehoshaphat yungsho Juda kiulongthsüpuh Asa limrobo ching mütsah,

JOB HU H T ANYU 15:30

Api amiting chingnü mutsokhi; motrunü api dübitbo yüngkungbah, tüsho api mün sheaknü api yünde atsobah.

JOB HU H T ANYU 34:10

Jumonü, I ki aniang, nüsa lüm larübo, Thrünpuhnü mihbukmuyuk rhimobah dükhi ju limshuabahang. Tüsho Wutobuhnü amülim mürhimo.

MUNGSHIKHÜN 119:120

Nü trekhinü I shih ajanchoh, tüsho inü nü mahkhapkhibo trelah.

MUNGSHIKHÜN 37:6

Apinü nü alim mütsankhi ayin nangde, tüsho nü alim animuro nangde hande arübah.

ISAIA 11:4

tüshe thiyuro lungkinü apinü zhochihrü mahkhapbah tüsho alomi ching azhihayihrü thsungkheak alungkinü khikzhakbah; apinü api mün tsonü alomi shikbah, tüsho amün sheaknü apinü mihbukmuyuk laksahbah.

ISAIA 58:1

Zhiang, dütuklo! Hulipungpung nangde nü düsheak shuhkihang! I mihtsürübo ki arü azhihkhi dünkheak zhiyukjang, Jakob yamkhün ching arü neakbo dünkheak zhiyukjang.

JEREMIA 1:10

Kheahang, khihni inü nü trükshih tüsho kiulongthsübo kurungkheak arukkhitpü tüsho athomülünpü, athsümünimpü tüsho lahyuka bahpü, athsüpü tüsho akhimpü zojihchoh.”

JEREMIA 1:18

Tüsho kheahang, khihni inü nü kilim chipi ayünkhi kiuto, yinchi dungjing, müwayinchi rhü, lomi alala azhihde– Juda kiulongthsürübo, yakzanshuhrübo, amükeamrübo tüsho lomi mihtsürü azhihde thsüjihdo.

JEREMIA 13:13

Judüki nünü arü ki thabah: Atungpuhnü ha thachoh: Ha lomi ching larü, David kiulongthsübinkiu kheak binrü kiulongthsürübo, amükeamrübo, wukihrübo tüsho Jirusalem ching larü alala inü amüshangshihbah.

JEREMIA 23:29

Atungpuhnü thachoh, I yu mo nangde yung de, tüsho lungto adütre kamde kingnakbe yümlung nangde yung de?

JEREMIA 5:14

Jumonü Atungpuh Wuto Thrünpuhnü ha thachoh: Tümütüsho arünü ha yu asuk, inü kheakü I yu nüsa mün ching mo, tüsho ha mihtsürü ju sang kamshihchoh, tüsho monü arü aniuabahbah.

EZEKIEL 11:4

Jumonü arü azhihde müchitang; müchitang, mihtsürü tsührü.”

EZEKIEL 3:9

Inü nü kingkang ju lung amüküp nangde, lungji kheaknü amüküpbe kamshihbah. Arü azhih yamkhün thsüa lalashe arü ki dütre yungsho arü hode dümüyinsah.”

EZEKIEL 32:18

Mihtsürü tsührü, Ijip mihbo kurungkheak tüzhoang, tüsho wulakhi trükshihbo kilim Ashe-lomi ching yüzahshang.

EZEKIEL 43:3

Inü angükhi michih ju apinü kiuto thsümünimpü arüchoki inü Kebar Ayung ki ngükhi michih nangde alakheah; tüsho inü I miro mükhüm.

ZEPHANIA 3:5

Ju ching lakhi Atungpuh ju thiyuro-lungki; apinü amülim mürhimo. Yapsu aban apinü mahkhapchoh, anipdokhün mülakphah; tüshe thiyuro mülakhinü achihbe tümü mümükheah.

YUNIRÜBO RHIMO 7:31

Mosanü ju kheahbah müyinsah; apinü akheahpü thüninde ayülichoki Atungpuh düsheak arü,

ROMRÜ KILIM PAULNÜ ATHRÜTKHI KIHÜM HUHTANYU 2:5

Tüshe nü nihnihkhi tüsho nü mulong müküpkhinü Thrünpuh bukakhiukkhi, api thiyuro-lungki mahkhap amikheak akhiuk nimung thsungkheak nü azhihde bukakhiukkhi zomukhungchoh.

EFISIA 6:17

Akhümkhit kuthran luang, tüsho küpü Thrünpuh yu lanü, Me nukshang luang.

IBRI 4:12

Tümüde Thrünpuh yu ju arhang tüsho adukathri, khülim khülim ahüyuk nukshang kheaknü ayukbe, rhangdung le me chamnakkhi tüsho amüchinbo le khiuk khiungde achinkhitkhi, tüsho lümkhibo le mulong ching lümkhibo mütsankhitbe lah.

AMIKHEAKAKHIUKKHI 1:16

api khah tsülim apinü chining thüne shuh, amün chingnü nukshang khülang khülim khülim ahüyuk akhiuk, tüsho api miro ju ani müzhakde athsahkhi nangde alakheah.

AMIKHEAKAKHIUKKHI 2:16

Jumonü mulong müthriang. Jude yungsho, I nü kilim arübah tüsho I mün chingnü akhiukkhi nukshangnü arü azhihde thirithsübah.

AMIKHEAKAKHIUKKHI 9:15

Jumonü ha kimkhü, nimung, khinu, tüsho kam ching mihtsürü shihcham mahsam ching khülang laksahpü thsakhama zokhi yunirü phüyi ju dükhe.

AMIKHEAKAKHIUKKHI 9:21

yungsho arü mihkhukkhibo yungsho arü wurükbo yungsho arü müzammüram yungsho arü ahühkhibo chingnü mümüthrilo.

1 SAMUEL 13:13

Samuelnü Saul ki tha, “Nünü bünkeangbünrude rhimodo; apinü nü kilim thiyukhüm jihkhi Atungpuh nü Thrünpuh yukhüm nünü manidebahdo. Atungpuhnü nü kiulongthsü Israel kurungkheak lünnü alashihpü thsükheah,

1 SAMUEL 15:22

Tüsho Samuelnü tha, “Atungpuh yu anikhi kheaknü taka kingaünkhi tüsho laksah-a kingaünkhi ching Atungpuhnü alü asühcho de? Tsükjide, laksah-a kingaünkhi kheaknü a mihyuanikhi atsübe, tüsho namfimihnu pung müdang kheaknü mihyuanikhi atsübe.

1 SAMUEL 15:32

Judüki Samuelnü tha, “ Amalekrü kiulongthsüpuh Agag ha ching I ki bebah arang.” Tüsho Agagnü trede ajande api ki arü. Agagnü tha, “ Tsükjide ha khühde ashepü lah.”

1 SAMUEL 15:33

Tüshe Samuelnü tha, “Nü nukshangnü aliberübo aniungyüh kamshihdo, jumonü aliberü bolung nü be a aniungyüh labah.” Tüsho Samuelnü Agag ju Gilgal ching Atungpuh miki adütre kamde khapthünak.