HOSEA 6:1 - AMÜSÜH HÜM CL Bible (BSI)

¹ Arang, isanü Atungpuh kilim rholoanü; tümüde apinü isa thonak, tüshe apinü isa thsüngubah; apinü isa yurijih, tüshe apinü isa mü rümjihbah.

HOSEA 6:1 Iomraidhean Croise

2 KIUTHSÜYUKHEAN 30:6

Jumonü yunithsürübo Israel tüsho Juda alala ching, kiulongthsüpuh tüsho atorübo kilimnü kihümbo lubah, kiulongthsüpuh yukhüm yande yü, “O Israel mihtsürübo, Abraham, Isak, tüsho Israel Thrünpuh, Atungpuh kilim rholoang, junangde nüsa Asiria kiulongthsürübo khah chingnü atsokhit-aningkhi kilim apinü arholobah.

JOB HU H T ANYU 16:9

Apinü abukakhiukde I thothünak tüsho I thraneando; apinü I kheak azhihde ahü mütrüt; I ririnü I azhihde juh-a kheahchoh.

JOB HU H T ANYU 22:23

Nünü Wutobuh kilim rholosho nü lalobah, nünü nü khimyambo chingnü thiyuro mülakhi yihkhita bahsho,

JOB HU H T ANYU 34:29

Trükshih yungsho bümlangzü thsungkheak thsüthsü, küyimki apinü zhikde alabanü shepünü küpkhuk jihkhukba? Api miro ramchoki shepünü api ngükhukba?–

JOB HU H T ANYU 5:18

Tümüde apinü yurijihchoh, tüshe apinü rümjihchoh; apinü shikchoh, tüshe api khahnü thsünguchoh.

MUNGSHIKHÜN 30:7

O Atungpuh , nü tsükhinü I awung adüküng nangde kamshih; tüshe nü miro I kheaknü ajikchoki I trede alakheah.

MUNGSHIKHÜN 6:2

I ki amüthsüm laang, O Atungpuh , tümüde I sühmüh müla; O Atungpuh , I thsüngujang, tümüde I robo thsünü ching lah.

MUNGSHIKHÜN 71:20

Nü, shepünü I ki küpkhukbo ato tüsho achimudo huhkheanü I sühmüh laloshihbah, tüsho alo asükbo chingnü I belode atubah.

T H S AN GYU T H S AN GR ARÜ 3:3

alaksahpü kim khülang, tüsho athsüngupü kim khülang; athokheampü kim khülang, tüsho athsüpü kim khülang;

ISAIA 17:7

Ju nimung mihtsürübonü arü Thrünrü akinashu jihbah, tüsho arü müknü Israel yo Amüsühbuh Khülang kilim kheahbah;

ISAIA 2:3

mihtsürü ahihdo arübah tüsho athabah. “Arang, isanü Atungpuh wung lim, Jakob Thrünpuh yam ching wutuanü; junangde apinü api limrobo isa ki thsangyubah tüsho isanü api jingshubo ching tsahbah.” Tümüde Zion chingnü yakzan, tüsho Jirusalem chingnü Atungpuh yu wukhiukbah.

ISAIA 30:22

Judüki nüsanü shotoyinchinü alüpdokhi sangthsübo tüsho sunanü alüpdokhi sangthsübo müneanbah. Thiyih müneankhi khim nangde nüsanü hiumüzüta bahbah; nüsanü arü ki thabah, “Tsoabahang!”

ISAIA 30:26

Kheaküshe Atungpuhnü api mihtsürü yurikhi rümjihkhi tüsho apinü ashikkhi mübo thsünguchoki nimung khinu ayin ju ani ayin nangde alabah, tüsho ani ayin ju thüne ki ayinatrüm, nimung thüne ayin nangde alabah.

ISAIA 55:7

mihbukmuyuknü arü limro tüsho thiyuro mülarünü arü lümkhi bahyukshang; arünü Atungpuh kilim rholoshang, junangde apinü arü kheak mihmüthsüm labah, tüsho isa Thrünpuh kilim rholoshang, tümüde apinü suhdahde neak bahjihbah.

JEREMIA 3:22

Rholoang, O akin mülakhi tsührübo, inü nüsa akin mülakhi chingnü thsüngujihbah. “He, isa nü kilim arüchoh; tümüde nü a Atungpuh isa Thrünpuh.

JEREMIA 30:12

Tümüde Atungpuhnü ha thachoh: Nü mü müthsüngukhukbe lah, nü yurikhi mungukhukbe lah.

JEREMIA 30:17

Tümüde inü nü shihphü tsüloshihbah, tüsho nü mübo inü athsüngubah, Atungpuhnü thachoh, tümütüsho arünü nüsa ki ayankhitkhi de jido: “Ha Zion; shenü anihbe thsungkheak mükümchoh!”

JEREMIA 33:5

Kaldearübo keochihpü arüchoh tüsho I bukakhiukde alaksahkhi ashemibonü arü mibah, tümüde arü mihbukmuyuk hode ha kiuto chingnü I miro jikabahdo.

JEREMIA 33:6

Tütüshe inü shihphü jihlobah tüsho thsüngubah; inü arü thsüngubah tüsho lalim atsü tüsho kurampung suhdahde inü arü ki huhbah.

JEREMIA 50:4

Atungpuhnü thachoh, ju nimung ching, ju kim ching, Israel mihtsürü tüsho Juda mihtsürü rukhüh arübah; arünü Atungpuh arü Thrünpuh yimde tripde arübah.

JEREMIA 50:5

Arünü Zion limro keokhibah, tüsho ju lim arü miro anguhbah tüsho arünü küyimkishe mümihbe akheam müla tangzüng hode A TU N GPU H kilim arübah tüsho arihbah.

TÜZHOKHI 3:11

apinü I limro chingnü yanyukabah tüsho adütre kamde sükthünak; apinü I zhikrangkhündo kamshih;

HOSEA 11:10

Arünü kekhüzü nangde arungkhi Atungpuh dunglim yübah; küyimki apinü arungbanü, api tsührübo aniyüzahlimnü ajande arübah.

HOSEA 12:6

Nüsanü nüsa Thrünpuh kilim rholoang, amuzho tüsho thiyuro kheak düngde ramrihang, tüsho arümde nüsa Thrünpuhnü arhimopü aleangang.

HOSEA 14:1

O Israel, Atungpuh nü Thrünpuh kilim rholoang, tümütüsho nü mülimkhinü nü angakdo.

HOSEA 14:4

“ Inü arü akin-mülakhi thsüngubah; inü akeangnü arü muzhobah, tümüde I bukakhiukkhi arü kheaknü tsodo.

HOSEA 3:5

Ju dunglim Israelrünü rholobah tüsho Atungpuh arü Thrünpuh, tüsho arü kiulongthsüpuh David yimbah; akheam nimungbo ching arünü Atungpuh trede api müngühmühi lim arübah.

LEVI 14:48

Tüshe thüyam mujulobah dunglim, amükeambuhnü arünü kheahbahle tukthsü ju thüyam ching mubuloa lasho, amükeambuhnü thüyam ju müsühlah de athabah, tümüde tukthsü shahde wukhiukabahdo.

ZEPHANIA 2:1

Rukhüh mukhungang, mukhungang, O machihkhi trükshih,

YUZÜNGTHALO 32:39

Kheakü kheahang I, I lang, Thrünpuh ah, tüsho I hobah tümü thrünpuh müla; inü laksahchoh tüsho inü rhangdung lashihchoh; inü yurijihchoh tüsho inü ngushihchoh; tüsho I khah chingnü abekhitkhukpü thsüde sheshe müla.

1 SAMUEL 2:6

Atungpuhnü laksahchoh tüsho rhangdung lashihchoh; apinü Ashe-lomi ching beyukchoh tüsho asürüloshihchoh.

1 SAMUEL 7:3

Judüki Samuelnü Israel yamkhün alala ki tha, “Nüsa mulong athrünkhinü nüsa Atungpuh kilim rholochosho, dale khiungkerü thrünpuhbo tüsho Astar sangthsübo dükheabahang. Nüsa mulong A TUN GPU H kilim anguhang, tüsho api lang tankihang, tüsho nüsa Filistiarü khah chingnü abekhitbah.”