HOSEA 5:6 - AMÜSÜH HÜM CL Bible (BSI)

⁶ Arü mihnu tüsho moshi boto lung arünü arü Thrünpuh yimde ayübah, tüshe arünü api müyimkhit; arü kheaknü api tsoabahdo.

HOSEA 5:6 Iomraidhean Croise

ABEKHIT 10:9

Tüsho Mosanü alo, “Isa azürü tüsho azorü alala tsobah; isa tsührübo le tsührübebo, mihnu le moshi boto bebah atsobah, tümütüsho isanü Atungpuh kilim thüniopü lah.”

MÜCHITMUDU 1:28

“Judüki arünü I ki jibah, tüshe inü malojih; arünü I düshihde ayimbah, tüshe arünü I müngü.

MÜCHITMUDU 15:8

Mihbukmuyuknü laksah-a kingaünkhi ju Atungpuh kilim athraneanbe lah, tüshe alungkirü tamkhüntamnü ju api asühpü lah.

MÜCHITMUDU 21:27

Mihbukmuyuknü shuhmülanga jihkhi ju athraneanbe; mihbukmuyuk lümkhi thsüde apinü hande arükhi a küdükhüh she alaba!

KHÜNBOLUNGKHÜN 5:6

Inü I tsübuh ki khimshuhjih, tüshe I tsübuhnü rholo tüsho tsoabah. Apinü asukchoki I mulongnü api kilim wukhiuk. Inü api yim, tüshe api müngü; inü api ji, tüshe apinü tümü malo.

ISAIA 66:3

Sherünü moshipung laksahchonü mihtsürü laksahrü ruk; sherünü namfimihnununü kingaünchonü, khihnu hung yihshakrü ruk; sherünü hi kingaün jihchonü, kheaknu thiyih jihrü ruk; sherünü mümihpü jinjinlak jihchonü, sangthsü ki tamkhüntamnükhi ruk ah. Harünü arü nihbuh limrobo mokhitdo, tüsho arü athraneanbebo ching arü menü asühchoh;

JEREMIA 11:11

Jumonü, Atungpuhnü ha thachoh, lungdode inü arü kheak arünü mutsokhikhukpü thsüde thsümütsü handarübah; arünü I ki zhizhi she inü arü ki mani.

JEREMIA 11:14

Jumonü, ha mihtsürübo thsungkheak dümushu, yungsho arü thsung thsüde düzhi yungsho dütamkhüntamnü, tümüde arü küpkhuk kim ching arünü I jikhi inü mani.

JEREMIA 14:12

Arünü khümkeak thsüthsü she, arünü azhikhi inü muso, tüsho arünü taka kingaünkhi tüsho hi kingaün jihjih she, inü arü müleangkhi; tüshe nukshangnü, khümzungnü, tüsho arüm-tukthsünü arü sheshihbah.

JEREMIA 7:4

Harü mülapyukbe yubo ching dükin: “Ha Atungpuh arüngyam, Atungpuh arüngyam, Atungpuh arüngyam.”

TÜZHOKHI 3:44

nünü amonü nü hingdo, junangde tamkhüntamnükhi muhokhuk.

EZEKIEL 8:18

Jumonü inü bukakhiukde arü ki rhimobah; inü arü ki muzhode mükheah yungsho arü maningshih. Arünü I nükhün ching zhizhi she, inü arü ki mani.”

EZEKIEL 8:6

Apinü I ki tha, “Mihtsürü tsührü, Israel yamkhünnü I arüngyam chingnü limshude yanabahde athraneanbe ato rhimokhi nünü ngüchonah? Tütüshe nünü kheaküshe athraneanbebo atobe ngübah.”

HOSEA 8:13

Arünü I kilim laksah-a kingaünkhi jihchoh tüsho arünü shih tsühchoh, tüshe Atungpuhnü jurü müleangkhi. Kheakü apinü arü amülim-rhimo lümkhitbah tüsho arü thsümüchibah; arü Ijip lim yülobah.

AMOS 8:12

Arünü keto chingnü keto khiungde, tüsho dukulimnü aniakhiuklim khiungde arümbah; arünü yüla arüla de Atungpuh yu yimde ashanbah, tüshe arünü ju müngü.

MIKA 3:4

Judüki arünü Atungpuh ki zhibah, tüshe apinü arü ki malojih; ju kim ching apinü amiro arü kheaknü ajikbah, tümütüsho arünü mihbukmuyukde rhimodo.

MALAKI 1:10

O, nüsa khürünü arüngyam ripitbo rihkhülaa, junangde nüsanü akeangkeang ching I kingaün sadam kheak mo mütakkih! Inü nüsa kheak asühkhi müla, Wuto Atungpuhnü thachoh, tüsho inü nüsa khah chingnü kingaün müleangkhi.

LUKNÜ ATHRÜTKHI THIYUSHEAK-ATSÜ HUHTANYU 5:16

Tüshe apinü azhikpung ching yü tüsho tamkhüntamnü.

JOHAN 7:34

Nüsanü I yimbah tüshe I müngü, tüsho I küching lanü nüsanü marükhuk.”