HOSEA 5:5 - AMÜSÜH HÜM CL Bible (BSI)

⁵ Israel lülüshishikhinü arü azhihkhi huhchoh; api mülimkhi ching Ephraim jing mükhechoh; arü lung Juda she jing mükhechoh.

HOSEA 5:5 Iomraidhean Croise

MÜCHITMUDU 11:21

Mihbukmuyuk a müthsümüchidüa müyü de mütsanang, tüshe thiyuro-lungkirü a atsokhitbah.

MÜCHITMUDU 11:5

Mungchih mülakhi thiyurolungkinü api limro lungkide abebah, tüshe mihbukmuyuk a nihbuh mihbukmuyuknü akeambah.

MÜCHITMUDU 14:32

Mihbukmuyuk ju nihbuh amütsü rhimo ching yana bah-a lah, tüshe thiyuro-lungkirü a api ashepü ching she tsoyukpung lah.

MÜCHITMUDU 24:16

tümüde thiyurolungki mihtsürü thüne ki lungpü kuklah, tüsho asürülobah, tüshe mihbukmuyuk a thsümütsünü akeambah.

MÜCHITMUDU 30:13

Mihtsürü khürü mükjibo khide müzhingde, khenoabahde kheahchoh.

ISAIA 3:8

Tümüde Jirusalem jing mükhedo tüsho Juda angakdo, tümütüsho arü yu thakhi tüsho arü rhimobonü Atungpuh azhihkhi lah, api müretahkhi arün thsüshihdo.

ISAIA 3:9

Arü miro kheak kheahkhinü arü azhihkhi thiyumütsan huhchoh; arünü arü neak Sodom nangde zhiyukchoh, arünü ju müram. Arübo ayokhe! Tümüde arünü amütsü rhimo arü kheak handarüdo.

ISAIA 44:9

Sangthsü thsürü alala tümü müla, tüsho arü asühkhi kukrukbo alü müla; arü thiyumütsanbo müngü yungsho mümükheah. Jumonü arübo achih ngüshihbah.

ISAIA 59:12

Tümüde isanü athsümünimkhibo nü miki hihde lah, tüsho isa neakbonü isa azhihde thiyumütsan jihchoh. Isanü athsümünimkhibo atsütsü isa kheak lah, tüsho isanü isa mülimkhibo mükheahlah:

JEREMIA 14:7

Isa mülimkhibonü isa azhihde thiyumütsan thsüthsü she, O Atungpuh , nü mung chingnü rhimoang; tümüde isa ashitlokhi tode lah tüsho isanü nü azhihde neak yihbeakdo.

JEREMIA 2:19

Nü mihbukmuyuk hode nü thsümüchibah, tüsho nü sühmüzahkhinü nü abahkhi kambah. Nünü Atungpuh nü Thrünpuh bahyukpü ju amütsü tüsho akhüh de mükheahang tüsho kheahang; I trekhi nü kheak müla, Atungpuh Wuto Thrünpuhnü thachoh.

HOSEA 14:1

O Israel, Atungpuh nü Thrünpuh kilim rholoang, tümütüsho nü mülimkhinü nü angakdo.

HOSEA 14:2

Amushukhi lubahle Atungpuh kilim rholode yüang; api ki thaang, “Amülim alala lude tsoang; atsü küpüanü leangkhiang tüsho isanü alokhikhi nangde isanü nü shianü.

HOSEA 4:5

Nü animuro jing mükhebah; wukihbuh she nü kheaknü azhing ching jing mükhebah, tüsho inü nü be dükheakshihbah.

HOSEA 5:14

Tümüde I ju Ephraim ki kekhüzü nangde, tüsho Juda yamkhün ki kekhüzü nunu nangde alabah. Inü achakthünakbah tüsho tsoabahbah; inü arü hande atsobah, tüsho shenü she arü mükhümkhit.

HOSEA 7:10

Israel bukmükekhinü api azhihkhi huhchoh; tütüshe arünü ha alala thsungkheak Atungpuh arü Thrünpuh kilim murholo, yungsho api müyim.

HOSEA 8:14

Israelnü api Thrünrü mihdo, tüsho kiulongthsürü-yambo thsüa lah; tüsho Judanü kiuto ahihdo chipi ayündo; tüshe inü arü kiutobo kheak mo thsahkihbah, tüsho hanü api chipibo takabahbah.

AMOS 5:2

Anünübe Israel masürülopü thsüde lunga lah; anihbe lo kheak bahyuka lah, shenü anihbe mülahmusu.

MATHI 23:31

Jumonü nüsa ju wukihrübo laksahrü tsührübo ah de nüsa azhihde nüsa thiyumütsanbo lah.

LUKNÜ ATHRÜTKHI THIYUSHEAK-ATSÜ HUHTANYU 19:22

Tüsho apinü anihbuh ki tha, ‘Nü mihbukmuyuk yamlarü, nü yunü nü mahkhapbah.