HOSEA 5:4 - AMÜSÜH HÜM CL Bible (BSI)

⁴ Arü rhimobonü arü Thrünpuh kilim rholode ayüpü mümülü. Tümüde yüliyüra me arü kheak lah, tüsho arünü Atungpuh mümükheah.

HOSEA 5:4 Iomraidhean Croise

MUNGSHIKHÜN 78:8

Arübo arü jipürü anihnih tüsho azhihkhi lün arü mulong tüsho me Thrünpuh ki thiyuro mülakhi nangde mülade alabah.

MUNGSHIKHÜN 9:10

Tüsho sherünü nü mung mükheahlanü arünü nü kheak kinbah, tümüde, O Atungpuh , nü yimrü nünü mübahyuk.

JEREMIA 24:7

Inü arü kilim I Atungpuh de mükheahpü mulong jihbah; tüsho arübo I mihtsürü thsübah tüsho I arü Thrünpuh thsübah, tümüde arü mulong athrünkhinü arübo I kilim rholobah.

JEREMIA 50:38

Kebo azhihde akung lah, junangde jurübo angahbah! Tümüde ha mejakbo lomi khülang tüsho arünü sangthsübo dunglim bünde yüchoh.

JEREMIA 9:24

tüshe arünü I Atungpuh de anikhitkhi tüsho mükheahkhi ching kükheangshang; inü muzhodakde, thiyuro tüsho alomi ching thiyurolungkinü rhimochoh, tümüde hadürü ching inü asühlah, Atungpuhnü thachoh.

JEREMIA 9:6

Junokhi kheak junokhi, mülapmüji kheak mülapmüji! Arünü I mükheahpü thsunglochoh, Atungpuhnü thachoh.

HOSEA 13:13

Khungarü zübekhi thsünü api kheak arüchoh, tüshe api lümlung mülakhi tsührü ah; tümüde kim dükdü ching apinü nuyam mün ki marü.

HOSEA 4:1

Atungpuh yu soang, O Israel mihtsürü; tümüde Atungpuhnü lomi ching larü thürühpü lah. Lomi ching athülünkhi yungsho mihmuzho, tüsho Thrünpuh mükheahkhi müla.

HOSEA 4:11

Müzammüram, yukhu, tüsho yukhu asonü anikhitkhi lude tsodo.

HOSEA 4:12

I mihtsürübonü sang ki keokhichoh, tüsho arü müchit-tsonü arü ki müchita jihchoh. Tümüde jilihjikhün menü arü bephülapdo, tüsho arü Thrünpuh mihabahde arünü jilihjikhün ahorido.

HOSEA 4:14

Inü nü tsührübebonü jilihjikhün ahorichoki, yungsho nü tsühmeakbebonü müzammüramchoki arü müthsümüchi; tümüde athrürübonü jilihjikhünrü lung zangrünü yüchoh, tüsho arüngyam beyaprü lung shuhmülanga jihchoh; hanangde anikhitkhi mülarü mihtsürü athsümünim kamchoh.

HOSEA 4:6

I mihtsürübo mükheahmudu mülakhinü dükheaka lah; tümütüsho nünü mükheahmudu bahyuk, inü nü I ki amükeamrü thsüpü chingnü bahyukchoh. Tüsho nünü nü Thrünpuh yakzan mihkhinü, inü she nü tsührübo mihbah.

HOSEA 7:11

Ephraim a müthrithrümpü nangde kamdo, makhalah tüsho sulüm müla; arünü Ijip ki jichoh, arünü Asiria lim yüchoh.

HOSEA 8:11

Ephraimnü neak kingaün thsungkheak kingaün sadam ahihdo thsüthsü she, harübo api ki neak yihbeakpung kingaün sadambo kamdo.

JOHAN 16:3

Tüsho arünü harü nüsa ki rhimobah, tümütüsho arünü I Buh yungsho l mümükheah.

JOHAN 8:55

Tütüshe nüsanü api mümükheah, tüshe inü api mükheahlah. Tüsho inü, ‘Inü api mümükheah,’ de thasho nüsa nangde I ju akeangyu tharü thsübah; inü api mükheahlah tüsho api yu zochoh.

1 SAMUEL 2:12

Kheakü Eli tsührübo mihyuchi ching mülarü lakheah; arünü Atungpuh mümükheah.