HOSEA 5:3 - AMÜSÜH HÜM CL Bible (BSI)

³ Inü Ephraim mükheahlah, tüsho Israel I kheaknü jika müla; tümüde kheakü, O Ephraim, nünü yüliyüra ahorido; Israel müneana lah.

HOSEA 5:3 Iomraidhean Croise

ISAIA 7:16

Tümüde azübuhnü amütsü reanglopü tüsho atsü mokhitpü mümükheahyide, nünü kiulongthsürü mahne trede alakhi lomi zhikrangkhündo akambah.

ISAIA 7:17

Asiria kiulongthsüpuh Ephraim, Juda chingnü chamachihkhi nimungnü ründe marükhi hadürü nimungbo nü tüsho nü mihtsürü tüsho nüsa jipürü yamkhün kheak Atungpuhnü handarübah.”

ISAIA 7:5

Tümütüsho Siria lung Ephraim tüsho Remalia tsührünü nü azhihde amütsü tha,

HOSEA 1:2

Küyimki akhuhde Atungpuhnü Hosea hode asukkhea, Atungpuhnü Hosea ki tha, “ Yüang, müzammüramberü nü niube thsüpü luang tüsho müzammüramrü tsührübo lashang, tümüde lominü Atungpuh bahyukde müzammüram ato yihbeakdo.”

HOSEA 12:1

Ephraimnü apung yimtsühchoh, tüsho nimung amuyung aniakhiuklim pung müshamchoh; arünü akeangyu tüsho athsümünim alü kamshihchoh; arünü Asiria kheak binthrüm thsüchoh, tüsho Ijip lim müdangke hande yüchoh.

HOSEA 13:1

Küyimki Ephraimnü asukkhea, mihtsürünü ajan; api Israel ching shuhkih; tüshe apinü Baal hode mülimkhi alü kam tüsho sheabah.

HOSEA 13:5

Akung lo, sunglo ching nü kümbuh ju I lakheah.

HOSEA 5:11

Ephraim junoa lah, mahkhapkhi ching zünaka lah, tümütüsho apinü akeangkeang dunglim yüpü lümkih.

HOSEA 5:13

Küyimki Ephraimnü anihbuh tukthsükhi, tüsho Judanü anihbuh mü ngükhea, judüki Ephraimnü Asiria kilim yü tüsho ato kiulongthsüpuh kilim yüshih, tüshe apinü nü müthsüngukhuk yungsho nü mü mungushih.

HOSEA 5:9

Ephraim ju thsümüchi nimung ching azhik khülang labah; Israel trük bolung ching tümü tsükjide lanü inü khipkhitchoh.

HOSEA 6:10

Israel yamkhün ching inü mihtrebe khülang ngüdo; Ephraim yüliyürakhi ju ching lah, Israel müneana lah.

HOSEA 6:4

Inü nü ki tümü thsüba, O Ephraim? Inü nü ki tümü thsüba, O Juda? Nü muzho a yapsu shumuliu nangde, yapsu ayinke nahde dükheakabahkhi nangde lah.

HOSEA 8:11

Ephraimnü neak kingaün thsungkheak kingaün sadam ahihdo thsüthsü she, harübo api ki neak yihbeakpung kingaün sadambo kamdo.

AMOS 3:2

Alomi ching yamkhün alala lung inü nü lang mükheahlah; jumonü nü neak alala dünkheak inü nü thsümüchibah.

AMOS 5:12

Tümüde nüsanü alakmihkhi küdükhühanü, tüsho nüsa neakbo küdükhüh atoanü inü mükheahlah–nüsa shepünü thiyuro-lungkirü thsünüshihcho, shenü buknim lucho, tüsho chipimurung ching müthsümülarü nimhuh-a bahcho.

YUZÜNGTHALO 33:17

Api müretahkhi ju akhuh adrekhi moshipung kiphahlah, api juh ju mütüm moshipung kiphahlah; jurünü alomi akheam alala khiungde apinü trükshihbo khubah; Ephraimrü chithürü thürübo tüsho Manaserü chithürübo.” @SP ACE=

IBRI 4:13

Tüsho api miki thrüna lakhi tümü she rama müla, tüshe isanü api ki rhimopü thsüde alala api mükbo ki khimshuh-a tüsho aleangkheak lah.

AMIKHEAKAKHIUKKHI 3:15

“ ‘Inü nü rhimobo mükheahlah: nü arüng yungsho atak she yung. Nü arüng yungsho atak thsüshihnelah!