HOSEA 5:14 - AMÜSÜH HÜM CL Bible (BSI)

¹⁴ Tümüde I ju Ephraim ki kekhüzü nangde, tüsho Juda yamkhün ki kekhüzü nunu nangde alabah. Inü achakthünakbah tüsho tsoabahbah; inü arü hande atsobah, tüsho shenü she arü mükhümkhit.

HOSEA 5:14 Iomraidhean Croise

JOB HU H T ANYU 10:16

Inü I ku dukosho mulong zahkhi kekhüzü nangde nünü I jim, tüsho I azhihde nünü mihmüyinsahbe rhimolo.

JOB HU H T ANYU 10:7

I amülim mülakhi tüsho nü khah chingnü abekhitpü she müla de nünü mükheahkheah she?

MUNGSHIKHÜN 50:22

Kheakü ha lümakheahang, nüsa Thrünpuh mihrü, jude yungsho inü nüsa adütre kamde ayihthünakbah, tüsho nüsa bekhitrü she mülade alabah:

MUNGSHIKHÜN 7:2

jude yungsho kekhüzünü nangde arünü I zamthünakbah, tüsho shenü müyankhide adütre kamde thomüzütbah.

ISAIA 5:29

Arü arungkhi kekhüzü nangde arungchoh; arünü ahukchoh tüsho shih ramchoh, arünü lude tsochoh, tüsho shenü müyankhikhuk.

JEREMIA 25:38

Kekhüzü nangde apinü lapung bahbah tsodo; tümütüsho bukmüke nukshang tüsho api bukmükede akhiukkhinü arü lomi thsümünima lah.

TÜZHOKHI 3:10

Api I aleangde ayapkhi kuto khülang nangde, kekhüzü khülang nangde jika lah;

HOSEA 13:6

Küyimki inü arü yimkipkheanü, arü reangkeam tüsho arü mulong kükheangde kam; jumonü arünü I mihabah.

HOSEA 2:12

Inü anihbe kurungasobo tüsho khubasodungbo thsümünimjihbah, küpü dünkheak alibenü tha, “ I kilim jihkhi I mihkhahmo ah.” Inü jurü murung kamshihbah tüsho mütüm shiwühbonü atsühbah.

HOSEA 6:1

Arang, isanü Atungpuh kilim rholoanü; tümüde apinü isa thonak, tüshe apinü isa thsüngubah; apinü isa yurijih, tüshe apinü isa mü rümjihbah.

AMOS 2:14

Athride ashanrü she mütsokhi, tüsho sühmüh larü sühmüh mülade akambah, yungsho wutonü arü rhangdung mükhümkhit;

MIKA 5:8

Tüsho trükshih bolung ching aningkhi Jakob, mihtsürü ahihdonü zündoa lakhi ju, mütüm shiwüh bolung kekhüzü khülang nangde, namfimihnu boto lung hode yüchoki junakkhi, abekhitrü she mülade adütre kamde thonakkhi kekhüzü nunu khülang nangde alabah.

YUZÜNGTHALO 28:31

Nü moshipung nü mük kinü alaksahbah, tüshe nünü ashih mütsüh; nü yo donki nü mikinü jangkhia lubah atsobah, tüsho nü kilim müjihlo; nü yo namfimihnu nü riribo kilim jihbah, tüsho jurü bekhitpü thsüde nü ki sheshe alapü yung.

YUZÜNGTHALO 32:39

Kheakü kheahang I, I lang, Thrünpuh ah, tüsho I hobah tümü thrünpuh müla; inü laksahchoh tüsho inü rhangdung lashihchoh; inü yurijihchoh tüsho inü ngushihchoh; tüsho I khah chingnü abekhitkhukpü thsüde sheshe müla.