HOSEA 5:13 - AMÜSÜH HÜM CL Bible (BSI)

¹³ Küyimki Ephraimnü anihbuh tukthsükhi, tüsho Judanü anihbuh mü ngükhea, judüki Ephraimnü Asiria kilim yü tüsho ato kiulongthsüpuh kilim yüshih, tüshe apinü nü müthsüngukhuk yungsho nü mü mungushih.

HOSEA 5:13 Iomraidhean Croise

2 KIULONG THSÜRÜ 15:19

Asiria kiulongthsüpuh Pulnü lomi azhihde arü; Menahemnü Pul kilim shotoyinchi khahngak 34,000 jih, junangde apinü anihbuh kiulongthsü wu-sühmüh düküngshihde arungpü thsü.

2 KIULONG THSÜRÜ 15:29

Israel kiulongthsüpuh Peka nimungbo ching, Asiria kiulongthsüpuh Tiglath-pileser atu tüsho Ijon, Abel-beth-naaka, Janoa, Kedesh, Hazor, Gilead, tüsho Galilee, Naphtali lomi alala yan; tüsho apinü mihtsürübo rama lubah Asiria ching yü.

2 KIULONG THSÜRÜ 16:7

Ahaznü Asiria kiulongthsüpuh Tiglath-pileser ki yunithsürübo yüshihde tha, “I nü yamlarü tüsho nü tsührü. Atung, tüsho I yanrü Siria kiulongthsüpuh tüsho Israel kiulongthsüpuh khah chingnü khümkhitang.”

ISAIA 3:7

Tüshe apinü ju nimung zhide athabah, “ I athsüngurü khülang müthsü; I yam ching yikhap yungsho khimmih she müla; nüsanü I mihtsürü limberü dükamshih.”

JEREMIA 30:12

Tümüde Atungpuhnü ha thachoh: Nü mü müthsüngukhukbe lah, nü yurikhi mungukhukbe lah.

EZEKIEL 23:5

Oholanü anihbe I yo lachoki müzammüram thsü; alibenü anihbe muzhorü Asiriarü, thirithsürübo mürüh,

HOSEA 10:6

Kukruk ju Asiria lim ato kiulongthsüpuh ki ruk nangde hande ayübah. Ephraim achih ngübah, tüsho Israelnü anihbuh sangthsü dünkheak achihbah.

HOSEA 12:1

Ephraimnü apung yimtsühchoh, tüsho nimung amuyung aniakhiuklim pung müshamchoh; arünü akeangyu tüsho athsümünim alü kamshihchoh; arünü Asiria kheak binthrüm thsüchoh, tüsho Ijip lim müdangke hande yüchoh.

HOSEA 14:3

Asirianü isa mükhümkhit; isanü khorabo kheak mübin; isa khahnü athsükhi ki kheaküa, ‘ Isa thrünpuhbo,’ de mütha. Nü kheak mürerünü mihmüthsüm ngüchoh.”

HOSEA 2:7

Alibenü anihbe muzhorü müshambah; tüshe arü müyanphuh; tüsho alibenü arü yimbah, tüshe arü müyimkhit. Jushu alibenü athabah, “ Inü ayübah tüsho atan I niubuh kilim rholobah, tümüde kheakü kheaknü I atsübe lakheah.”

HOSEA 7:11

Ephraim a müthrithrümpü nangde kamdo, makhalah tüsho sulüm müla; arünü Ijip ki jichoh, arünü Asiria lim yüchoh.

HOSEA 8:9

Tümüde arünü mütüm donki alangzü tsahkhi nangde Asiria lim wutudo; Ephraimnü amuzhorü mulodo.

MIKA 1:9

Tümüde anihbe mü müthsüngube lah. Ha Juda ching arüdo; ha I mihtsürü, Jirusalem chipiripit khiungdo.