HOSEA 5:1 - AMÜSÜH HÜM CL Bible (BSI)

¹ Ha soang, O amükeamrübo! Aniang, O Israel yamkhün! Aniang, O kiulongthsüpuh yamkhün! Tümüde mahkhappü ju nü yo lah; tümüde nü ju Mizpa ching qimürip khülang lakheah, tüsho Tabor kheak jipkihkhi keang khülang lakheah,

HOSEA 5:1 Iomraidhean Croise

JEREMIA 11:7

Tümüde inü nüsa jipürü Ijip chingnü bede akhiukchoki düshihde arü ki thado, khihni khiungde arü ki kim aban, I yu aniang de thade lah.

JEREMIA 13:18

Kiulongthsüpuh tüsho kiulongthsüberü ki thaang, “Abobe binkiu luang, tümüde nü ku kheaknü akheahakhamkhi kuthran ayokhido.”

JEREMIA 46:18

Atsütsü I lah, kiulongthsüpuhnü thachoh, shepü mung Wuto Atungpuh la, awungbo lung Tabor nangde tüsho keto yean Karmel nangde khülang arüchoh.

HOSEA 10:15

Hanangde nü mihbukmuyuk dünkheak nü ki rhimobah, O Bethel. Yapsu mükikde Israel kiulongthsüpuh ju shahde adükheakbah.

HOSEA 13:8

Anunu dükheakkhi kuto nangde inü arü kheak keamkihbah, tüsho arü khüh chakashungbah; mütüm shiwühnü arü chakthünakkhi nangde, kekhüzü nangde ju ching inü arü tsühbah.

HOSEA 4:1

Atungpuh yu soang, O Israel mihtsürü; tümüde Atungpuhnü lomi ching larü thürühpü lah. Lomi ching athülünkhi yungsho mihmuzho, tüsho Thrünpuh mükheahkhi müla.

HOSEA 6:9

Jangkhijangrarünü khürü jimde aleangkhi nangde, amükeamrü boto lah; arünü Shekem limro kheak laksahchoh, arünü mütsüdakkhi athsümünim rhimochoh.

HOSEA 9:8

Wukihrü ju Ephraim aheangrü I Thrünpuh lung lah, tütüshe wukihrü limrobo alala ching qimürip lah, tüsho api Thrünpuh yam ching mükthsü lah.

JOEL 1:2

Ha aniang, O azothsürübo, nükhün muphoang, lomi ching larü alala! Hadürü nüsa nimungbo, yungsho nüsa jipürü nimung ching dünjidü de?

AMOS 3:1

O Israel mihtsürü, Atungpuhnü Ijip lomi chingnü bekhitkhi yamkhün alala azhihde asukkhi yu ha aniang:

AMOS 7:9

Isak achang dangpungbo zhikabahshihbah, tüsho Israel arüngakopungbo thsümünima yapshihbah, tüsho inü Jeroboam yamkhün azhihde nukshang shuhkihbah.”

MIKA 3:1

Tüsho inü tha: Aniang, nüsa Jakob akuthsürübo tüsho Israel yamkhün yakzanshuhrübo! Nüsanü thiyuro mümükheahbea de?–

MIKA 3:9

Ha aniang, nüsa Jakob yamkhün limberübo tüsho Israel yamkhün yakzanshuhrübo, sherünü thiyuro thraneancho tüsho alim alala bephülapcho,

MIKA 7:2

Athülünkhi alomi chingnü kheamabahdo tüsho alungki larü sheshe müla; arü alalanü thiyih bukpü aleangde binchoh, tüsho arünü keang lubah jimachihchoh.

MALAKI 1:6

Tsührü khülangnü abuh, tüsho yamlarübonü arü putungrü wüntrechoh. Dale I abuh a sho, I ki wüntre jihkhi küching la? I aputungrü a sho, I akin jihkhi küching la? Wuto Atungpuhnü nüsa ki thachoh, O I mung mükhemürangkhi amükeamrübo. Nüsanü thachoh, “ Küde thsah isanü nü mung mükhemürangkhea?”

MALAKI 2:1

Tüsho kheakü, O amükeamrübo, ha yukhüm nüsa thsungkheak lah.

MAHKHAPRÜ 4:12

Tüsho Abinoam tsührü Barak ju Tabor wung ching wutudo de arünü Sisera ki thiyusheak jih.

MAHKHAPRÜ 4:6

Alibenü Naphtali ching lakhi Kadesh ching Abinoam tsührü Barak kilim yüshihde tha, “Atungpuh Israel Thrünpuhnü nü ki thiyukhüm jihchoh: Yüang tüsho Naphtali le Zebulun mihtsürü 10,000 bebah Tabor wung lim yüang.

1 SAMUEL 7:16

Apinü kam atukde Bethel, Gilgal, tüsho Mizpa ching mühide yü; tüsho apinü harü dangpung alala ching Israel mahkhap.

1 SAMUEL 7:5

Judüki Samuelnü tha, “Israel alala Mizpa ching bemukhungang, tüsho inü nüsa thsungkheak Atungpuh ki tamkhüntamnüjihbah.”

1 SAMUEL 7:6

Jumonü arünü Mizpa ching bemukhung, tüsho ke khipbah Atungpuh miki buka bah. Arünü ju nimung khümkeak thsü, tüsho tha, “Isanü Atungpuh azhihde neak yihbeakdo.” Tüsho Samuelnü Mizpa ching Israel mihtsürü mahkhap.