HOSEA 4:3 - AMÜSÜH HÜM CL Bible (BSI)

³ Jumonü lomi tüzhochoh, tüsho ju ching larü alala thsünülah; mütüm shiwühbo tüsho apung wuhnubo lung rukhüh, keto ching thüngühbo she dükheakchoh.

HOSEA 4:3 Iomraidhean Croise

ISAIA 33:9

Alonü mitripchoh tüsho thsünüde lah; Lebanon achihdo tüsho yiuhabahchoh; Sharon ju loshelo nangde lah; tüsho Bashan le Karmel kheak sangyübo aniungkhichoh.

JEREMIA 12:4

Külokhüh alonü tüzhoba tüsho thulu sangrungbo mukuhba? Ju ching larü mihbukmuyuk lakhinü shiwüh tüsho wuhnubo shekhamdo, tümütüsho mihtsürübonü tha, “ Isanü arhimokhi Thrünpuhnü müngü.”

JEREMIA 23:10

Tümüde alomi ju müzammüramnü milah; muthrumüneankhi hode lomi tüzhochoh tüsho sunglo ching shiwüh yimtsühpung kungabahdo. Arü rhangdung limro amütsü lah tüsho arü wu-sühmüh alungki yung.

JEREMIA 4:25

Inü kheah, tüsho kheahang, ju ching shahjungde she mülakheah, tüsho thüning wuhnubo alala phinde tso.

JEREMIA 9:10

Awungbo thsungkheak trippü tankihang tüsho tüzhoang, tüsho sunglo rim thsungkheak lungriang, tümütüsho arübo thsümünima yaplah, junangde shenü mütsahho, tüsho moshi khungkhi muso; thüning wuhnubo tüsho shiwühbo chidonü alapde tsoabahdo.

JEREMIA 9:9

Hadürü thsungkheaknü inü arü müthsümüchiba de? Atungpuhnü thachoh; tüsho hadürü dünkheak inü trükshih kheak royimkhi hande marüba de?

EZEKIEL 38:20

keto ngüh, thüning wuhnubo, mütüm shiwühbo, alo kheak abüde atsahbe lorilokobo alala, tüsho alomi kheak lakhi mihtsürü alala I miki ajanbah, tüsho müzüngbo le awung mujukbo keamkhibah, tüsho chipi alala alo kheak keama yapbah.

JOEL 1:18

Küdükhüh shiwühbonü khungcho! Moshi boto rümde tsahchoh tümütüsho arü thsungkheak rim müla; namfimihnu boto she küpkhukchoh.

AMOS 1:2

Tüsho apinü tha: Atungpuhnü Zion chingnü arungchoh, tüsho Jirusalem chingnü adüsheak tsüngmukchoh; namfimihnu neakrü rimbo yiuhabahchoh, tüsho Karmel mujuk kungabahchoh.

AMOS 5:16

Jumonü Atungpuh , Wuto Thrünpuhnü ha thachoh: Kiudunglimrobo alala ching atüzhokhi labah; tüsho limtobo alala ching arünü athabah: “Ayokhe! ayokhe!” Arünü thulu thsürübo ki atüzhopü tüsho atüzhosorü ki mitrippü jibah;

AMOS 8:8

Ha dünkheaknü lominü majanba de, tüsho ju ching larü abannü mütüzhoba de, tüsho alala Nile nangde makihba de, tüsho Ijip ching mükeamyukba de?

NAHUM 1:4

Apinü keto thürühchoh tüsho ngahshihchoh, tüsho apinü ayungbo alala ngahshihchoh; Bashan tüsho Karmel mukuhabahchoh tüsho Lebanon pungkhi yiuhabahchoh.

ZEPHANIA 1:3

Inü mihtsürübo tüsho shiwühbo phüta bahbah; inü thüning wuhnubo tüsho keto ngühbo phüta bahbah. Inü mihbukmuyuk jing mükheshihbah. Inü mihtsürübo alomi chingnü akheamshihbah, Atungpuhnü thachoh.

ZEKARIA 5:4

Inü yüshihdo, Wuto Atungpuhnü thachoh, tüsho ju ahührü yam ching tüsho I mung müshide akeangyu thiyuchihchimrü yam ching yüzahbah; tüsho ha ju yam ching labah tüsho sanglung le lungbo chido tsühabahbah.”