HOSEA 4:2 - AMÜSÜH HÜM CL Bible (BSI)

² Thiyuchihchim, akeangyu, mihlaksah, ahühkhi tüsho müzammüram akhiukdo; thiyih bukkhinü thiyih bukkhi yankihlah.

HOSEA 4:2 Iomraidhean Croise

THRÜNTAN 4:8

Kheakü Kainnü aniurü Abel ki tha, “Ike thulu ching yüanü.” Tüsho ane thulu ching lachoki Kainnü aniurü Abel azhihde wusu tüsho api laksah.

ISAIA 24:5

Mihtsürübonü alomi müneando; tümüde arünü yakzanbo lakmihdo, thiyuzüngbo thsümünimdo, akheam mülakhi tangzüng yihshakdo.

ISAIA 48:1

Ha aniang, O Jakob yamkhün, sherü Israel mungnü jia la, tüsho shepü Juda tsühsoniuso chingnü arükhea; shepünü Atungpuh tamde thiyuchihchimkhea, tüsho Israel Thrünpuh jikhea, tüshe thiyuro yungsho alungki ching yung.

JEREMIA 51:5

Israel Amüsühbuh miki arü lomi amülimnü mide lalashe, Israel tüsho Juda arü Thrünpuh Wuto Atungpuhnü mübahyuk.

JEREMIA 6:7

Kekhipnü ke bukkhitkhi nangde, anihbenü mihbukmuyuk bukkhitchoh; thiyih bukkhi tüsho athsümünim anihbe kheaknü sochoh; tukthsü tüsho mübo I miki judü lang lah.

TÜZHOKHI 4:13

Ha anihbe wukihrü neakbo tüsho anihbe amükeamrü mülimkhibo, thiyuro-lungkirü thiyih bukshihkhi hode alakheah.

EZEKIEL 7:23

Yinchiliubo tsanglungang, tümütüsho alomi ju thiyih bukkhinü milah tüsho kiuto athsümünimnü milah.

HOSEA 10:13

Nünü mihbukmuyuk khimdo, nünü amütsü yimludo, nünü akeangyu sangaso tsühdo. Tümütüsho nünü nü wu tüsho thirithsü hihkhi ching kindo,

HOSEA 10:4

Arünü yancho yubo thachoh; akeangkeang thiyuchihchimnü arünü tangzüngbo thsüchoh; jumonü thiyuro mülakhi ju thulu wochakkhi ching müzümrim nangde mukhuhchoh.

HOSEA 11:12

Ephraimnü akeangyu thade tüsho Israelnü mülapmüjinü I mükamdolah; tüshe Juda a Thrünpuhnü mükheahdü lang lah, tüsho Amüsühbuh Khülang ki thiyuro lah.

HOSEA 12:14

Ephraimnü khühde bukakhiukshihdo; jumonü api TU N GPU H NÜ amülim thiyih api kheak zojihbah, tüsho api mükhemükimkhi jihlobah.

HOSEA 5:2

tüsho Shittim ching shingkung kiukhi asük lakheah; tüshe inü arü alala thsümüchibah.

HOSEA 6:8

Gilead ju amütsü-rhimorü kiuto khülang, mihlaksahrünü milah.

HOSEA 6:9

Jangkhijangrarünü khürü jimde aleangkhi nangde, amükeamrü boto lah; arünü Shekem limro kheak laksahchoh, arünü mütsüdakkhi athsümünim rhimochoh.

HOSEA 7:1

Küyimki inü Israel thsüngupü lümbanü, Ephraimnü athsümünimkhi, tüsho Samarianü mihbukmuyuk rhimokhi akhiuka huhchoh; tümüde arünü mülimde rhimochoh, ahührünü chakashungde yüzahchoh, tüsho khukshikrünü wungdo ahühchoh.

HOSEA 7:3

Arü mihbukmuyuknü arü kiulongthsüpuh, tüsho rük-thsükhinü atorübo asühshihchoh.

HOSEA 7:4

Arü alala müzammüramrü ah; arü ju mokin lamlamkhi, yikhap damrünü anungchokinü akhap khiungde mo tsamukpü yihnüpü mülakhi nangde lah.

MIKA 3:2

nüsa sherünü atsü thraneancho tüsho amütsü muzhocho, sherünü I mihtsürü küp tüsho arü robo kheaknü shihtsü khukkhicho;

MIKA 3:9

Ha aniang, nüsa Jakob yamkhün limberübo tüsho Israel yamkhün yakzanshuhrübo, sherünü thiyuro thraneancho tüsho alim alala bephülapcho,

MIKA 6:10

Mihbukmuyukrü yambo ching, arünü thiyuronü müngükhi rahpungbo lah. Arünü inü athraneankhi mukhiukdahkhi akesang ahorichoh.

MIKA 7:2

Athülünkhi alomi chingnü kheamabahdo tüsho alungki larü sheshe müla; arü alalanü thiyih bukpü aleangde binchoh, tüsho arünü keang lubah jimachihchoh.

ZEPHANIA 3:1

Ayokhe, athsümünimkhi, amüneankhi, junokhi kiuto!

ZEKARIA 5:3

Jushu apinü I ki tha, “Ha alomi athrünkhi kheak muthrumünean wukhiukkhi lah; tümüde sherünü ahühbanü thripkhüh lakhi yande adükheakshihbah tüsho sherünü akeangyu thiyuchihchimbanü püpü thrip lakhi yande adükheakshihbah.

ZEKARIA 7:9

Wuto Atungpuh ha thachoh: Thiyuro mahkhap rhimoang, khülangnü khülang ki amuzho tüsho mihmüthsüm huhang;

MATHI 23:35

junangde thiyuro-lungkirü Abel thiyih kheaknü nüsanü arüngyam le kingaün sadam dükeak laksahkhi Berekia tsührü Zekaria thiyih khiungde, alomi ching thiyuro-lungkirü thiyih bukkhi alala nüsa kheak arübah.

YUNIRÜBO RHIMO 7:52

Nüsa jipürübonü müthsümüchikhi wukihrübo sherü a? Arünü thiyuro-lungki Khülang arüpü zhiyukbuh she laksah. Tüsho kheakü nüsanü api mülapyukde laksah–

YUZÜNGTHALO 5:11

“Nünü Atungpuh nü Thrünpuh mung akeangkeang ching dütha, tümüde Atungpuhnü api mung akeangkeang ching tharü amülim müjihde müla.

YUZÜNGTHALO 5:18

“Nünü müzammüram düthsü.

YUZÜNGTHALO 5:19

“Nünü dahüh.

1 TESALONIKA 2:15

arünü Atungpuh Jisu tüsho wukihrübo chido laksah, isa yankhita bah, tüsho Thrünpuh masühshihde kam tüsho mihtsürü alala azhih,

AMIKHEAKAKHIUKKHI 17:6

Tüsho alibe ju amüsührü thiyih tüsho Jisu dünkheaknü alaksahrü thiyihnü müshanga inü ngü. Küyimki inü alibe ngükheanü I khide müyinsah.