HOSEA 4:14 - AMÜSÜH HÜM CL Bible (BSI)

¹⁴ Inü nü tsührübebonü jilihjikhün ahorichoki, yungsho nü tsühmeakbebonü müzammüramchoki arü müthsümüchi; tümüde athrürübonü jilihjikhünrü lung zangrünü yüchoh, tüsho arüngyam beyaprü lung shuhmülanga jihchoh; hanangde anikhitkhi mülarü mihtsürü athsümünim kamchoh.

HOSEA 4:14 Iomraidhean Croise

1 KIULONG THSÜRÜ 15:12

Apinü lomi ching arüngyam ching athrürü müzammüramkhi yihkhita bah, tüsho api jipürübonü sangthsü thsükhibo yihkhita bah.

2 KIULONG THSÜRÜ 23:7

Apinü Atungpuh yam ching lakhi athrürü müzammüramrü yambo, aliberübonü Ashera khilim keaklahpungbo luka bahjih.

MÜCHITMUDU 28:5

Amütsü mihtsürünü thiyuro mümükheah, tüshe sherünü A TUN GPU H yimchonü alala anikhitlah.

ISAIA 1:5

Tümüde nüsanü kheaküshe laka lupü yimcho? Tümüde nüsanü mutuklode azhihcho? Ku abümnü tukthsülah, tüsho mulong abümnü keahkhichoh.

ISAIA 27:11

Küyimki akhahbo muwubanü azoberübonü arübah atakpü yihchoh. Tümüde ha anikhitkhi mülakhi mihtsürü ah; jumonü arü Thrünrünü arü kheak amuzho müla, yungsho arü ki mihmüthsüm muhuh.

ISAIA 56:11

Arübo bukmükhüt yihnubo ah; arü küyimkishe suhdahdo de müla. Mihnu neakrübo she anikhitkhi müla; arü alala nihbuh limro ching arü nihbuh alü thsüpü, alala tsodo.

DANIEL 12:10

Ahihkhüh tsangkhitbah, müsühkhitbah, tüsho changkhitbah, tüshe mihbukmuyuknü mutukzhakde mihbukmuyuk rhimobah. Mihbukmuyuk shenü she manikhit, tüshe lümlung larünü anikhitbah.

HOSEA 14:9

Sherü lümlung lanü harü anikhitchoh; sherünü kheahkhitlanü jurü mükheahlah. Tümüde Atungpuh limrobo ju alungki, tüsho thiyurolungkirünü jurü ching tsahchoh, tüshe alakmihrünü jurü ching jing mükhechoh.

HOSEA 4:1

Atungpuh yu soang, O Israel mihtsürü; tümüde Atungpuhnü lomi ching larü thürühpü lah. Lomi ching athülünkhi yungsho mihmuzho, tüsho Thrünpuh mükheahkhi müla.

HOSEA 4:17

Ephraimnü sangthsübo lung arihdo; api langzü zojang.

HOSEA 5:4

Arü rhimobonü arü Thrünpuh kilim rholode ayüpü mümülü. Tümüde yüliyüra me arü kheak lah, tüsho arünü Atungpuh mümükheah.

AMOS 2:7

arünü zhochihrü ku asungthulung ching juyuk, tüsho juyuka larü limro chingnü nimkhita bah; abuh tüsho tsührünü rukhüh aliberü ahorichoh, junangde I mung amüsüh müneanjih;

AMOS 7:17

Jumonü Atungpuhnü ha thachoh: ‘ Nü niube a kiuto ching müzammüramrü kambah, tüsho nü tsührübo le tsührübebo nukshangnü akeambah, tüsho nü lomi ju akea chamabahbah; nü a amüneanrü lomi ching shebah, tüsho tsükjide Israel nihbuh lomi chingnü ramtso ching yübah.’ ”

WÜHKHE 25:3

Jumonü Israelrünü nihbuh zangrü Peor ching Baal kheak arihabah, tüsho Israel azhihde Atungpuhnü bukakhiuk.

JOHAN 8:43

Tümü thsükhi nüsanü I yu manikhitcho? Tümütüsho nüsanü I yu anipü marümkheam.

ROMRÜ KILIM PAULNÜ ATHRÜTKHI KIHÜM HUHTANYU 3:11

Shenü she manikhit, shenü Thrünpuh müyim.

1 KORINT 6:16

Shepünü müzammüramrü lung arihchonü alibe lung pang khülang kamchoh de nüsanü mümükheah de? Tümüde ha thrüta lah, “Mahne ju shihphü khülang kambah.”

EFISIA 4:18

arü mulong müküpde arü kheak yakli mümükheahkhi lakhi hode arü lümkhi mitingde, Thrünpuhnü ajihkhi rhangdung chingnü chamkhibah lah;

YUZÜNGTHALO 23:17

“Israelrü athrürü yungsho aliberü shenü she arüngyam ching müzammüramrü kampü mukuk.

IBRI 12:8

Shihcham lukhi alala ching nüsa müdanyuka lasho, nüsa ju tsührü tsütsü yungde aleangkheak tsührübo ah.