HOSEA 4:12 - AMÜSÜH HÜM CL Bible (BSI)

¹² I mihtsürübonü sang ki keokhichoh, tüsho arü müchit-tsonü arü ki müchita jihchoh. Tümüde jilihjikhün menü arü bephülapdo, tüsho arü Thrünpuh mihabahde arünü jilihjikhün ahorido.

HOSEA 4:12 Iomraidhean Croise

2 KIULONG THSÜRÜ 17:7

Ha dünji tümütüsho Israel mihtsürünü arü Ijip kiulongthsüpuh khah ching Ijip lomi chingnü bekhitbuh arü Thrünpuh Atungpuh azhihde neak yihbeak. Arünü püpürü thrünpuhbo kingaün

2 KIUTHSÜYUKHEAN 21:13

tüshe Israel kiulongthsürübo limro ching tsah, tüsho Ahab yamkhünnü Israel müthülünde kamshihkhi nangde Juda tüsho Jirusalem ching larü müthülünde kamshih, tüsho nünü nü keoniorübo, nü buh yamkhün ching akheyukkhibo, nü kheaknü atsübe lakhibo laksah,

MUNGSHIKHÜN 106:39

Hanangde arü nihbuh rhimobo hode arü müneanabah, tüsho arü nihbuh rhimobo hode müzammüram thsü.

MUNGSHIKHÜN 73:27

Atsütsü, sherü nü kheaknü limshude lanü adükheakbah; sherü müzammüram thsungkheaknü nü bahkhidünü nünü alala dükheakshihdo.

JEREMIA 10:8

Arü chido keakeashahshah-a tüsho makhaa lah; mümokhi sangthsübo kheaknü arünü tümü anikhitpü?

JEREMIA 2:27

shepünü sangdung ki tha, “ Nü a I buh,” tüsho lung ki tha, “ Nünü I zübe.” Tümüde arünü arü düthsün I kilim anguh. Tüshe arü küpkhuk kim ching arünü thachoh, “Arang tüsho isa khümkhitang!”

JEREMIA 23:13

Samaria ching wukihrü bolung inü amukhiukbe ngüdo: Arünü Baal hode müchit tüsho I mihtsürü Israel bephülapde tso.

EZEKIEL 20:32

Nüsanü thachoh, “ Isanü trükshihbo nangde, sang tüsho lung tankihrü lomi mihtsürübo nangde lanelah.” Tüshe nüsa lüm ching tümü lanü müdünji.

EZEKIEL 21:21

Tümüde Babilon kiulongthsüpuhnü kuhi kheahpü limdübeak ching, limro mahne dübeakkhi kheak tuklobah: Apinü hühzo mahnenü azan thsübah, apinü anihbuh sangthsübo keobah, apinü shihmüsan kheak kheahbah.

HOSEA 14:3

Asirianü isa mükhümkhit; isanü khorabo kheak mübin; isa khahnü athsükhi ki kheaküa, ‘ Isa thrünpuhbo,’ de mütha. Nü kheak mürerünü mihmüthsüm ngüchoh.”

HOSEA 5:4

Arü rhimobonü arü Thrünpuh kilim rholode ayüpü mümülü. Tümüde yüliyüra me arü kheak lah, tüsho arünü Atungpuh mümükheah.

HOSEA 6:10

Israel yamkhün ching inü mihtrebe khülang ngüdo; Ephraim yüliyürakhi ju ching lah, Israel müneana lah.

HOSEA 9:1

Dasühachih, O Israel! Püpürü trükshihbo nangde dasühako; tümüde nünü nü Thrünpuh kheaknü chamkhide yüliyürado. Nünü hinitpung alala kheak müzammüram mulomüthsüpü muzhodo.

LEVI 17:7

Junangde arünü müzammüramkhi arimri ki laksah-a mükingaün. Ha arü lün lün ching arü thsungkheaknü kamruhroro yakzan thsükhi labah.

LEVI 20:5

inü ju buh mihtsürü le api yamkhün kheak azhihbah; tüsho arü le arü yande Molek kheak müzammüramrü alala arü mihtsürü bolungnü khekhita bahbah.

MIKA 2:11

Khürünü akeangyu thade arüsho, “ Inü nüsa ki suhdahkhi yukhu tüsho ayungbe dünkheak müchitbah,” api ju ha mihtsürü thsungkheak wukihrü lakhi labah!

HABAKKUK 2:19

Nüsa sherünü sang ki, “Asürang!” de thacho, malankhi lung ki, “ Wusuang” de thachonü are. Hanü thsangyukhukla de? Kheahang, ha suna tüsho shotoyinchi mujukihkhi lah, tüsho ju ching sheak müla.

WÜHKHE 15:39

Tüsho nüsa kheak hingmüngam müchekhi ju alabah, tüsho ju kheak kheahbahle Atungpuh yukhümbo lümkhitbah, tüsho jurübo rhimobah, tüsho jude athsükhinü nüsa mulong tüsho nüsa müknü abekhi lim müzammüramde nüsanü müyü,

YUZÜNGTHALO 31:16

Tüsho Atungpuhnü Mosa ki tha, “Kheahang, nü nü buh pürü lung sühakhimbah; tüsho ha mihtsürübonü asürübah tüsho khiungkerü lo thrünpuhbo kheak müzammüram ahoribah, küching arü yübanü jurü bolung labah, tüsho arünü I bahyukbah tüsho inü arü kheak tangzüngkhi thsümünimbah.

MAHKHAPRÜ 18:5

Jumonü arünü api ki tha, “ Muzhobah Thrünpuh ki keojang, junangde isa akuk ngüde hantsahba shi yungnü amükheahbah.”