HOSEA 4:1 - AMÜSÜH HÜM CL Bible (BSI)

¹ Atungpuh yu soang, O Israel mihtsürü; tümüde Atungpuhnü lomi ching larü thürühpü lah. Lomi ching athülünkhi yungsho mihmuzho, tüsho Thrünpuh mükheahkhi müla.

HOSEA 4:1 Iomraidhean Croise

1 KIULONG THSÜRÜ 22:19

Judüki Mikaianü tha, “Jumonü Atungpuh yu aniang: Inü Atungpuh api kiulongthsü-binkiu kheak, tsülim tüsho huzulim yinmi aputungrü alala zhipbah abinkhi ngü.

MUNGSHIKHÜN 81:9

Nüsa bolung khiungkerü thrünpuh mülade alabah; yungsho nüsanü khiungkerü thrünpuh mükingaün.

ISAIA 1:10

Atungpuh yu aniang, nüsa Sodom yakzanshuhrübo! Isa Thrünpuhnü thsangyukhi aniang, nüsa Gomorra mihtsürübo!

ISAIA 1:18

Kheakü arang, isa rukhühnü lümakheahanü, Atungpuhnü thachoh: nüsa neakbo mürümdo lalashe, jurübo phürüm nangde alabah; jurübo neakrümde mürümrüm she, shihnam nangde akambah.

ISAIA 28:14

Jumonü nüsa lülüshishirübo, sherü Jirusalem ching ha mihtsürü yakzan shuhchonü, Atungpuh yu aniang.

ISAIA 34:1

Phünide arang, O trükshihbo, tüsho aniang; O mihtsürübo, nükhün muphoang! Alomi tüsho ju ching lakhi alalanü soshang; alomiküp tüsho ju chingnü arükhi alala.

ISAIA 34:8

Tümüde Atungpuhnü royimpü nimung khülang lah, Zion dünkheaknü thsümüchipü kam khülang lah.

ISAIA 5:3

Tüsho kheakü, Jirusalem ching larübo tüsho Juda mihtsürübo I tüsho I yo kurungasolu dükeak mahkhapang.

ISAIA 59:4

Shenü she thiyuro thsungkheak müji, yungsho thiyuro thsungkheak mumushu; arünü akeangkeang atsangachihkhi kheak düthsün angüchoh, arünü akeangyu thachoh, küpkhuk mihlashihchoh tüsho amülim zübechoh.

ISAIA 59:8

Arünü mungtsü limro mümükheah, tüsho arü limro ching thiyuro müla. Arünü akiukhi limrobo khürangdo lah; ju ching tsahrü shenü she mungtsü mümükheah.

ISAIA 66:5

Atungpuh yu aniang, nüsa sherü api yu sobah ajancho: Nüsa thraneanrü nüsa mihtsürü tüsho I mung chingnü nüsa bahyukrünü tha, “Atungpuh müretahshang, junangde isanü nüsa asühkhi ngüanü”; tüshe arübo achih ngübah.

JEREMIA 11:7

Tümüde inü nüsa jipürü Ijip chingnü bede akhiukchoki düshihde arü ki thado, khihni khiungde arü ki kim aban, I yu aniang de thade lah.

JEREMIA 19:3

Nünü athabah: Atungpuh yu aniang, O Juda kiulongthsürübo tüsho Jirusalem ching larübo. Wuto Atungpuh , Israel Thrünpuhnü ha thachoh: Inü ha dangpung kheak thsümütsü handarübah, junangde sherübonü ha sobanü nükhün peangbah,

JEREMIA 2:4

Atungpuh yu aniang, O Jakob yamkhün, tüsho Israel trük yamkhün alala.

JEREMIA 2:9

Jumonü khülang ki inü nü thürühlochoh, Atungpuhnü thachoh, tüsho inü nü tsührü tsührübo thürühchoh.

JEREMIA 25:31

Achangnü azhikhi düsheak alomi akheam ching alankihbah, tümüde Atungpuhnü trükshihbo azhihde amüneahkhibo handarübah; apinü mihtsürü alala kheak mahkhap handarübah tüsho mihbukmuyuk ju nukshang kheak yihkihbah, Atungpuhnü thachoh.

JEREMIA 34:4

Tütüshe Atungpuh yu aniang, O Juda kiulongthsüpuh Zedekia! Atungpuhnü nü dünkheak ha thachoh: Nü a nukshangnü müshe;

JEREMIA 4:22

“Tümüde I mihtsürübo makhaa lah, arünü I mümükheah; arü azhazha tsührübo ah, arü anikhitkhi müla. Amütsü rhimopü ching arü yuklah, tüshe atsü rhimopü mümükheah.”

JEREMIA 4:28

Ha dünkheaknü alominü mitripbah tüsho dukulim thüningbo mitingdo akambah; tümüde inü asukdo, inü lümkhi thsüdo; inü mulong mümüthri yungsho inü murholo.

JEREMIA 5:4

Judüki inü tha, “Harü lang zhochihrü ah, arübo lümduhlah; tümüde arünü Atungpuh limro, arü Thrünpuh yakzan mümükheah.

JEREMIA 51:5

Israel Amüsühbuh miki arü lomi amülimnü mide lalashe, Israel tüsho Juda arü Thrünpuh Wuto Atungpuhnü mübahyuk.

JEREMIA 6:13

Tümüde anikhühnü atobe khiungde, thiyuro mülakhi alü thsüpü bukmükhütlah; tüsho wukihrünü amükeamrü khiungde, alalanü mülimde rhimochoh.

JEREMIA 7:28

Nünü arü ki thabah: Ha Atungpuh arü Thrünpuh yu manikhi trükshih tüsho yakli danyukkhi müleangkhi; thiyuro dükheakdo; ha arünü müthadebah.

JEREMIA 9:20

O aliberübo, Atungpuh yu aniang, tüsho nüsa nükhünnü api mün yu leangkhishang; nüsa tsührübebo ki mitrip-khün thsüpü, tüsho mihbüm abannü nüsa yamhingrü ki atüzhopü thsangyuang.

JEREMIA 9:3

Arünü akeangyu thsungkheak arü mulobo sanglüh nangde hünchoh; arübo lomi ching thiyuro thsungkheak amürangrü yung; tümüde arünü amütsü chingnü amütsü ching yüdo, tüsho arünü I mümükheah, Atungpuhnü thachoh.

JEREMIA 9:7

Jumonü Wuto Atungpuhnü ha thachoh: Inü kheakü arü tsangkhitbah tüsho rükakibah, tümüde I mihtsürü neak dünkheak inü tümü thsükhukba?

EZEKIEL 16:35

Jumonü nü müzammüramrü, Atungpuh yu aniang!

HOSEA 12:2

Atungpuhnü Juda azhihde mahkhapyu lah, tüsho api limrobo yande Jakob thsümüchibah, tüsho api rhimobo yande api kilim jihlobah.

HOSEA 12:3

Nuyam ching apinü akhiung bede shochih, tüsho azoshu Thrünpuh bede shochih.

HOSEA 5:1

Ha soang, O amükeamrübo! Aniang, O Israel yamkhün! Aniang, O kiulongthsüpuh yamkhün! Tümüde mahkhappü ju nü yo lah; tümüde nü ju Mizpa ching qimürip khülang lakheah, tüsho Tabor kheak jipkihkhi keang khülang lakheah,

HOSEA 5:4

Arü rhimobonü arü Thrünpuh kilim rholode ayüpü mümülü. Tümüde yüliyüra me arü kheak lah, tüsho arünü Atungpuh mümükheah.

JOEL 1:2

Ha aniang, O azothsürübo, nükhün muphoang, lomi ching larü alala! Hadürü nüsa nimungbo, yungsho nüsa jipürü nimung ching dünjidü de?

AMOS 3:1

O Israel mihtsürü, Atungpuhnü Ijip lomi chingnü bekhitkhi yamkhün alala azhihde asukkhi yu ha aniang:

AMOS 7:16

Kheakü jumonü Atungpuh yu aniang. Nünü thachoh, ‘ Israel azhihde dümüchit, tüsho Isak yamkhün azhihde düthsangyuthsangra.’

MIKA 6:2

Nüsa müzüngbo, tüsho nüsa akheam mülakhi alomi khimtanbo, Atungpuhnü müdamkhi soang; tümüde Atungpuhnü api mihtsürü kheak müdampü lah, tüsho apinü Israel kheak müneahbah.

JOHAN 8:55

Tütüshe nüsanü api mümükheah, tüshe inü api mükheahlah. Tüsho inü, ‘Inü api mümükheah,’ de thasho nüsa nangde I ju akeangyu tharü thsübah; inü api mükheahlah tüsho api yu zochoh.

ROMRÜ KILIM PAULNÜ ATHRÜTKHI KIHÜM HUHTANYU 1:28

Kheaküshe, arünü Thrünpuh mükheahmudu zopü athülün de mülümkhi hode amülim rhimopü lümkhi lim jihabah.

1 KORINT 15:34

Nü lümkhi alungki ching arang, tüsho neak düyihbeaklo. Tümüde khürü a Thrünpuh mükheahkhi müla. Inü ha nüsa achihbe thachoh.

AMIKHEAKAKHIUKKHI 2:11

Shepü nükhün kihlanü, Menü borübo ki tümü thachonü apinü aniang. Shepü akuk ngüchonü mahne kipü ashepünü mütrünthsü.’

AMIKHEAKAKHIUKKHI 2:29

Shepü nükhün kihlanü, Menü borübo ki tümü thachonü apinü aniang.’