HOSEA 3:5 - AMÜSÜH HÜM CL Bible (BSI)

⁵ Ju dunglim Israelrünü rholobah tüsho Atungpuh arü Thrünpuh, tüsho arü kiulongthsüpuh David yimbah; akheam nimungbo ching arünü Atungpuh trede api müngühmühi lim arübah.

HOSEA 3:5 Iomraidhean Croise

1 KIULONG THSÜRÜ 12:16

Küyimki kiulongthsüpuhnü arü ki mani de Israel alalanü angükhea, mihtsürübonü kiulongthsüpuh ki alo, “David lung isa tümü shihcham la? Jesse tsührü lung isa tümü yamrüplurüp müla. Nüsa khimyambo lim yüang, O Israel! Kheakü nüsa nihbuh yam lim kheahang, O David.” Jumonü Israelnü arü khimyam lim yüabah.

ISAIA 17:7

Ju nimung mihtsürübonü arü Thrünrü akinashu jihbah, tüsho arü müknü Israel yo Amüsühbuh Khülang kilim kheahbah;

ISAIA 2:2

Arübe nimung ching Atungpuh yam wung ju awungbo lung achangbe thsüa labah tüsho awungbo kumung shuhkihbah; trükshih alalanü ju kheak shobah,

ISAIA 2:3

mihtsürü ahihdo arübah tüsho athabah. “Arang, isanü Atungpuh wung lim, Jakob Thrünpuh yam ching wutuanü; junangde apinü api limrobo isa ki thsangyubah tüsho isanü api jingshubo ching tsahbah.” Tümüde Zion chingnü yakzan, tüsho Jirusalem chingnü Atungpuh yu wukhiukbah.

ISAIA 60:5

Judüki nünü akheahbah, tüsho zhingzhingde alabah; nü mulong ajanbah tüsho asühachihbah, tümütüsho müthangmüsünkhi keto nü kheak handarübah, trükshihbo lakhit nü kilim arübah.

ISAIA 9:13

Mihtsürübonü arü shikbuh api kilim manguh, yungsho Wuto Atungpuh müyim.

JEREMIA 23:5

Atungpuhnü thachoh, David thsungkheaknü inü thiyuro-lungki sangkhah asürüshihpü nimungbo tsükjide arado, tüsho kiulongthsürü nangde kiulongthsübah tüsho lümlung lade rhimobah, tüsho lomi ching thiyuro tüsho thiyuro-lungki rhimobah.

JEREMIA 30:24

Api lüm ching lümkhi mürhimoyiki tüsho mukukyiki Atungpuh buk mükede akhiukkhi mutuklo. Arübe nimungbo ching nüsanü ha anikhitbah.

JEREMIA 30:9

Tüshe arünü A TU N GPU H arü Thrünpuh tankihbah tüsho inü arü thsungkheak asürüshihkhi David kiulongthsüpuh tankihbah.

JEREMIA 33:17

Tümüde Atungpuhnü ha thachoh: David thsungkheak Israel yamkhün kiulongthsü-binkiu kheak binpü mihtsürü müladüa müla,

JEREMIA 33:9

Tüsho inü arü thsungkheak atsü rhimokhi alala sopü larü lomi trükshihbo alala miki ha kiuto I ki asühkhi mung, mungshi tüsho müretahkhi labah; inü ha thsungkheak atsü tüsho lalim atsü alala jihkhi dünkheak arünü atrebah tüsho ajanbah.

EZEKIEL 16:63

Judüki inü küyimki nünü arhimokhi alala dünthsükhibanü, nünü alümkhitbah tüsho achihbah tüsho nü junokhi dünkheaknü küyimkishe nünü nü mün mükhimshuh, Wuto Atungpuhnü thachoh.

EZEKIEL 38:16

amonü alomi liudokhi nangde nünü I mihtsürü Israel azhihde atubah. Ashube nimungbo ching I lomi azhihde inü nü bedarübah, O Gog, nü hode arü mükbo ki I amüsühkhitkhi huhchoki, trükshihbonü I mükheahbah.

EZEKIEL 38:8

Nimung ahihkhüh dunglim nüsa mukhungbah; ashulim kambo ching nüsanü, ashangkhüh thsümünima lakhi, thirithsü kheamkhi lomi khülang, trükshih ahihdo chingnü mukhungde arüpung Israel müzüng azhihde ayübah; ha mihtsürübo trükshihbo chingnü bekhit tüsho kheakü arü alala akhümkhitkhi ching lah.

DANIEL 10:14

tüsho akheam nimungbo ching nü mihtsürübo kheak tümü dünjibanü nü anikhitshihpü rungpü arükheah. Ha arübe thsungkheak michih khülang lah.”

DANIEL 2:28

tüshe aramyu akhiuka huhbuh Thrünpuh khülang yinmi ching lah, tüsho Apinü akheam nimungbo ching tümü dünjibanü kiulongthsüpuh Nebukednezar ki huhdo. Nü yapkiu ching yapshea lachoki nü milim tüsho michih harü lakheah:

HOSEA 1:11

Juda mihtsürü tüsho Israel mihtsürü rukhüh mukhungbah, tüsho arünü arü thsungkheak limberü khülang mokhitbah; tüsho arünü alo müküh-a lubah, tümüde Jezreel nimung ju ato labah.

HOSEA 11:10

Arünü kekhüzü nangde arungkhi Atungpuh dunglim yübah; küyimki apinü arungbanü, api tsührübo aniyüzahlimnü ajande arübah.

HOSEA 5:15

Arünü arü mülimkhi muhuhyi khiungde, inü I mihtsürü bahyukbah. Tüsho arünü I miro yimbah; arü thsünükhi ching arünü mushude I yimbah.

HOSEA 5:6

Arü mihnu tüsho moshi boto lung arünü arü Thrünpuh yimde ayübah, tüshe arünü api müyimkhit; arü kheaknü api tsoabahdo.

HOSEA 6:1

Arang, isanü Atungpuh kilim rholoanü; tümüde apinü isa thonak, tüshe apinü isa thsüngubah; apinü isa yurijih, tüshe apinü isa mü rümjihbah.

AMOS 9:11

Ju nimung David khimyam keama lakhi inü alahmusubah, tüsho azhakkhibo thsülobah, tüsho athsümünimkhibo lahmusubah, tüsho awün nimungbo nangde athsülobah;

MIKA 4:1

Arübe nimung ching Atungpuh yam wung ju müzüng bolung achangbe labah, tüsho awungbo kumung shuhkihbah. Mihtsürübonü ju kheak shobah,

WÜHKHE 24:14

Balaamnü Balak ki tha, “ I kheakü I mihtsürü kilim yüchoh, arang, arübe nimung ching harü mihtsürünü nü mihtsürübo kheak tümü rhimopü lanü nü ki huhanü.”

ROMRÜ KILIM PAULNÜ ATHRÜTKHI KIHÜM HUHTANYU 11:25

I keoniorübo, nüsa küdahnü shia mulushihpü thsüde rama lakhi thiyuro nüsanü mükheahshihnelah. Israel mihtsürü mulong müküpkhi lün thsungkheak yung, tüshe khiungkerü khekhi alala Thrünpuh ki arükhi khiungdü lang ah.

ROMRÜ KILIM PAULNÜ ATHRÜTKHI KIHÜM HUHTANYU 2:4

Yungsho Thrünpuh tsükhinü nü mulong müthripü lim bechoh de mümükheahde api tsükhi, arümkheam tüsho arorikhi mükhemükimcho de?

YUZÜNGTHALO 4:30

Nimung ho dunglim hadürü nüsa kheak arübah nüsa lümthsünüsho, küyimki nüsanü Atungpuh nüsa Thrünpuh kilim rholode api düsheak anibanü,