HOSEA 3:4 - AMÜSÜH HÜM CL Bible (BSI)

⁴ Hanangde Israel mihtsürünü kim ashang kiulongthsürü yungsho limberü mülade, shuhmülanga kingaünkhi yungsho amüsüh lung dungjingbo mülade, sangthsübo yungsho müchitpü mejakbo mülade alabah.

HOSEA 3:4 Iomraidhean Croise

THRÜNTAN 31:19

Kheakü Laban anihbuh yo namfimihnu nam rhippü yüa lakheah, tüsho Rachelnü abuh yo yambuk thrünpuhbo ahüh-a lu.

THRÜNTAN 31:34

Kheakü Rachelnü yambuk thrünpuhbo lubah kemel düthsün kheak binpung khüp yuk tüsho jurü kheak bin. Labannü khimyam alala ching kheah tüshe jurü müyimkhit.

THRÜNTAN 49:10

Judanü kiulongthsü tso zhimbah, tüsho api tsühsoniusobonü kamruhroro yakzan shuhbah. Trükshihbonü api kilim ruk hande arübah tüsho api miki wüntre jihde khukningbah.

2 SAMUEL 6:14

Davidnü achim kheak amükeamrü khimnü rümbah A TUN GPU H miki asühmüh alalanü tsün.

2 KIULONG THSÜRÜ 23:24

Kheaküshe Josianü akhasherü, thümürü, yambuk thrünpuhbo, sangthsübo, tüsho Juda le Jirusalem lomi ching ngükhi athraneanbe alala yihkhita bah, junangde Hilkia amükeambuhnü Atungpuh yam chingnü angükhi hüm ching thrüta lakhi yubo apinü düküngde zo.

2 KIUTHSÜYUKHEAN 15:2

Apinü Asa shorupü wukhiuk, tüsho api ki tha, “I ki aniang, Asa, tüsho Juda alala tüsho Benjamin: Atungpuh nüsa lung lah, nüsa api lung lah. Nüsanü api yimsho, nüsanü api ngübah, tüshe nüsanü api bahyuksho, apinü nüsa bahyukbah.

ABEKHIT 28:4

Arünü athsüpü khimmihbo ju harü labah: treangkhümbe, amükeamrü khim, shulünkhim, tsüde akeakkhi pangkhümpü, kuhingbe, tüsho chimrümbe. Junangde arünü nü khiung Aron tüsho api tsührübo thsungkheak amüsüh khimmihbo thsübah, junangde apinü amükeamrü thsüde I tankihbah.

ABEKHIT 28:6

tüsho arünü suna amükeamrü khim ju biyi, mürümmuchu, aneakrüm hing tüsho khimthünak atsüdak, thsüsonungnürünü akeakkhinü athsübah.

TÜZHOKHI 2:9

Anihbe chipiripitbo alo ching keamyukdo; apinü akhrihbebo yihshak tüsho thsümünimdo; anihbe kiulongthsürü tüsho yakzanshuhrü trükshih bolung lah; kheaküa yakzan müla, tüsho anihbe wukihrübo Atungpuh kilimnü michih müngü.

EZEKIEL 19:14

Akhah dungto khülang chingnü mo akhiuk tüsho aso aniuabah. Jumonü akhah adüküng yakzanshuhrü tso thsüpü khiukde ju kheak maning. Ha tüzhokhi khülang tüsho tüzhopü kamabah.

EZEKIEL 20:32

Nüsanü thachoh, “ Isanü trükshihbo nangde, sang tüsho lung tankihrü lomi mihtsürübo nangde lanelah.” Tüshe nüsa lüm ching tümü lanü müdünji.

EZEKIEL 21:21

Tümüde Babilon kiulongthsüpuhnü kuhi kheahpü limdübeak ching, limro mahne dübeakkhi kheak tuklobah: Apinü hühzo mahnenü azan thsübah, apinü anihbuh sangthsübo keobah, apinü shihmüsan kheak kheahbah.

EZEKIEL 21:31

Inü I mulong zhipzhip nüsa kheak dungkihbah tüsho nüsa azhihde I bukakhiukkhi mo mütkihbah; inü nüsa bukmüke mihtsürü, athsümünimpü ching athsükhit mihtsürü khah ching jihbah.

DANIEL 11:31

Apinü bonungrübo bemukhungkhinü arüngyam le chipi müneanjihbah. Arünü mutukzhakde taka kingaünkhi tukloshihbah tüsho athraneanbe mihtrebe zhipshihbah.

DANIEL 12:11

Mutukzhakde athraneanbe mihtrebe lakhi kimnü rünbah nimung 1290 labah.

DANIEL 9:27

Apinü mihtsürübo ahihdo kheak kam thüne düküngde thiyuchihchimkhi khülang labah, tüsho küyimki ha kim thripkhüh hobanü, apinü laksah-a kingaünkhi tüsho kingaünbo kheamshihbah. Athsümünimbe mihtrebe ju arüngyam ku kheak labah tüsho ha ju kheak akheam marüchoki khiungde alabah.”

HOSEA 13:10

Kheakü nü khümkhitpü thsüde nü kiulongthsürü küching la? Nü kiutobo kürü ching nü yakzanshuhrü la, shepü ki nünü tha, “ I kilim kiulongthsürü tüsho yakzanshuhrü jihang?”

HOSEA 13:11

Inü I bukakhiukkhi ching nü kilim kiulongthsürü khülang jih, tüsho I mulong zhipzhip ching inü api lude tso.

HOSEA 2:11

Inü anihbe asühako, thüniobo, khinu asobo, amunibo tüsho akhukhitkhi thüniobo alala kheamshihbah.

LEVI 8:7

Apinü Aron kheak pangkhümpü tüsho shulünkhim khümyukjih tüsho achim yande pangrümbe rümjih, tüsho amükeamkhim phuyujihbah düshihde akeakkhi pangrümbenü achim yande rümkihjih.

ZEKARIA 10:2

Tümüde sangthsübonü akeangyu thachoh; tüsho müchitrünü akeangyu ngüchoh; milim-mirünü akeangyu michoh, tüsho akeangkeang ching mulong shukheamchoh. Jumonü mihtsürübo ju namfimihnu nangde rümde tsahchoh; arübo aneakrü mülakhinü küpkhukchoh.

ZEKARIA 13:2

Wuto Atungpuhnü thachoh, ju nimung inü lomi chingnü sangthsübo mung dükheakshihbah, junangde kheaküa arü mülümkhit; tüsho inü lomi chingnü wukihrübo le mümüsühkhi me yihkhitbah.

LUKNÜ ATHRÜTKHI THIYUSHEAK-ATSÜ HUHTANYU 21:24

Arübo nukshangnü akeambah, tüsho trükshih alala ching ramde ayübah, tüsho khiungkerü kimbo müdünjiyikia Jirusalem ju khiungkerünü ajungbah.

JOHAN 19:15

Tüshe arünü zhi, “Api sheshang, api sheshang! Api yümkihang!” Pilatnü arü ki tha, “Inü nüsa kiulongthsüpuh yümkihba shi?” Amükeam putungrübonü alo, “Kaesar kheak hode isa kiulongthsürü müla!”

IBRI 10:26

Thiyuro mükheahmudu leangkhi dunglim isanü khekhungde neak yihbeakde lasho neak dünkheak shuhmülanga jihpü aninga müla,

MAHKHAPRÜ 17:5

Mika a arüngakopung khülang lakheah, tüsho arüngako kukruk tüsho yambuk sangthsübo thsüa lakheah; tüsho apinü atsührü khülang amükeamrü thsüshih.

MAHKHAPRÜ 18:14

Judüki mihtsürü phüngü Laish lomi zütakheahrünü arü keoniorübo ki tha, “ Ha yambo ching kingaünbe kukruk, yambuk sangthsübo, asümkhi tüsho anungkhi sangthsübo lah de nüsanü mükheahnah? Kheakü jumonü nüsanü tümü thsübanü lümakheahang.”

MAHKHAPRÜ 8:27

Gideonnü sunanü sangthsü khülang thsüa api lapung kiuto, Ophra ching zo. Israel alalanü Thrünpuh bahyuk tüsho yübah sangthsü kingaün. Gideon tüsho api yamkhün thsungkheaknü ju qimürip kamabah.

1 SAMUEL 14:3

arü bolung amükeambuh Ahijanü (Ikabod akhiung Ahitub tsührü; Ahitub ju Shilo ching Atungpuh amükeambuh Eli tsührü Phinehas tsührü ah) amükeamrü khim han. Kheakü mihtsürübonü Jonathan yüabahdo de mümükheah.

1 SAMUEL 15:23

Tümüde azhihde arhimokhi ju thümüthiyi nangde neak tüsho nihnihrarakhi ju amülimkhi tüsho sangthsü kingaünkhi ruk ah. Tümütüsho nünü Atungpuh yu bahyukdo, apinü nü she kiulongthsürü chingnü bahyukdo.”

1 SAMUEL 2:18

Azübuh Samuelnü khim zhingzhing yihbah Atungpuh miki tankihde alakheah.

1 SAMUEL 21:9

Amükeambuhnü tha, “Nünü Ela jindükhün chingnü alaksahbuh Filistiarü Goliath nukshang, ha ching amükeamrü khim dunglim khim ching düma zolah; nünü lusho, ju luang, tümüde ju khüh yungsho ha ching tümü müla.” Davidnü tha, “ Ju ruk püpü müla; ju I kilim jihang.”

1 SAMUEL 22:18

Judüki kiulongthsüpuhnü Doeg ki tha, “Nü, Doeg, rholoang tüsho amükeamrübo laksahang.” Edomrü Doegnü rholobah amükeamrübo laksah; ju nimung apinü amükeamrü khim phuyurü 85 laksah.

1 SAMUEL 23:6

Küyimki Ahimelek tsührü Abiatharnü Keilah ching David kilim yükhea, api khah ching amükeamrü khim shuhbah aki.

1 SAMUEL 23:9

Küyimki Saulnü api azhihde rük amütsü rhimokhi Davidnü amükheahkhea, apinü amükeambuh Abiathar ki tha, “ Ha ching amükeamrü khim lubah arang.”

1 SAMUEL 30:7

Davidnü Ahimelek tsührü amükeambuh Abiathar ki tha, “I kilim amükeamrü khim lubah arang.” Jumonü Abiatharnü amükeamrü khim David kilim lubah arü.