HOSEA 2:9 - AMÜSÜH HÜM CL Bible (BSI)

⁹ Jumonü akim ching inü I hi tüsho akheahmünchi ching I yukhu lulobah; tüsho anihbe pang yihdokhi I khimlamlam, khimthünak luabahbah.

HOSEA 2:9 Iomraidhean Croise

EZEKIEL 16:27

Jumonü nü azhihde I khah chungkih tüsho nü lomi nükde kamshih; inü nü rhimo-yakli kheahbah achih ngürü, Filistiarü, nü riri kilim jih.

EZEKIEL 16:39

Judüki inü nü muzhorü khah ching nü jihbah, tüsho arünü nü müzammürampung tüsho sangthsü kingaünpungbo alala thsümünimbah. Arünü nü khimmih züngkhia lubah tüsho atsüdak shoto zülu lubah nü bünkeang tüsho aleangkheak zojihbah.

EZEKIEL 23:26

Arünü nü khimmihbo she züngkhia lubah tüsho nü yo mürelung atsübo lude atsobah.

DANIEL 11:13

Tümüde dukulim kiulongthsüpuhnü atan kheaknü kheaküshe ahihbe boto bemukhungbah, tüsho kam anükhüh dunglim apinü bonungrü ato tüsho kukruk suhdahde lubah arübah.

HOSEA 2:3

Jude yungsho inü anihbe pang khukjihbah tüsho anihbe zübe nimung nangde bünkeang kamshihbah; tüsho anihbe sunglo tüsho akunglo nangde kamshihbah tüsho kethürinü asheshihbah.

HOSEA 8:7

Tümüde arünü apung yangchoh, tüsho arünü chitmühean yimlubah. Hidung ju munoyuk, hanü jim makhiuk; khükikhüh akhiuka lasho, khiungkerünü tsühabahbah.

HOSEA 9:2

Hinitpung tüsho yukhu nitpungnü arü mükipduh, tüsho yukhu aso mülade akambah.

JOEL 2:14

Khükia Atungpuh nüsa Thrünpuhnü api lümkhi müthribah tüsho suhdahde nüsa ki hi müngühjihbah. Junangde nüsanü hi tüsho yukhu api ki jihbah.

ZEPHANIA 1:13

Arü lakhit yankhia lubah, tüsho arü yambo thsümünimbah. Arünü thüyambo thsüthsü she, arünü jurü ching müla; arünü kurungasolu thsüthsü she, arünü jurü chingnü yukhu muyung.

MALAKI 1:4

Edomnü, “ Isa niukmüzüta lah tüshe isanü athsümünimkhi thsülobah” de thasho, Wuto Atungpuhnü thachoh: Arünü mihbukmuyuk lomi de müjiyi khiungde, Atungpuhnü lünnü abukakhiukkhi mihtsürü inü athokheambah.

MALAKI 3:18

Judüki nüsanü kheaküshe thiyuro-lungkirü tüsho mihbukmuyuk dükeak, Thrünpuh tankihrü tüsho api mütankihrü dükeak büthsükhi ngübah.