HOSEA 2:7 - AMÜSÜH HÜM CL Bible (BSI)

⁷ Alibenü anihbe muzhorü müshambah; tüshe arü müyanphuh; tüsho alibenü arü yimbah, tüshe arü müyimkhit. Jushu alibenü athabah, “ Inü ayübah tüsho atan I niubuh kilim rholobah, tümüde kheakü kheaknü I atsübe lakheah.”

HOSEA 2:7 Iomraidhean Croise

2 KIUTHSÜYUKHEAN 28:23

Tümüde apinü Damaska thrünpuhbo kilim kingaün jih, küpünü anihbuh kukkhea, tüsho tha, “Tümütüsho Asiria kiulongthsürübo thrünpuhbonü arü rung, inü arü ki kingaünbah, junangde arünü I rungbah.” Tüshe arü ju anihbuh tüsho Israel alala thsümünimrü lakheah.

MUNGSHIKHÜN 116:7

Nü sühakhim lim rholoang, O I me, tümüde Atungpuhnü nü ki tsüde rhimodo.

ISAIA 30:16

tüsho tha, “ Yung! Isa khorabo kheaknü shande atsobah”– jumonü nüsa ashanbah! tüsho, “ Isa athrikhi khorabo kheak binbah”– jumonü nüsa müshamrü athribah!

JEREMIA 14:22

Sangthsübo khürünü tsüng arüshihkhukba de? Yungsho thüningbonü wungpütsüng akishihkhukba de? O Atungpuh isa Thrünpuh, ha nü yung de? Isanü nü kheak isa mulonglam zojihchoh, tümüde ha alala nünü rhimochoh.

JEREMIA 2:2

Yüang tüsho Jirusalemnü sode zhiyukang, Atungpuhnü ha thachoh: Inü nü athunuchoki shuhmülanga jihkhi lümkhitchoh, akhuh yamkhün thsüchoki mümükheankhi lomi sunglo ching nünü I yankhi lümkhitchoh.

JEREMIA 2:28

Tüsho nünü nü thsungkheak thsükhi thrünpuhbo küching la? Nü küpkhuk kim ching arünü nü khümkhitkhukpü lasho arü arüshang; O Juda, nü kiutobo lakhi nangde nü thrünpuhbo hihde lah.

JEREMIA 2:36

Küdüküdü she shande, nü limro müthrichoh! Asirianü achih ngüshihkhi nangde Ijipnü nü achih ngüshihbah.

JEREMIA 3:1

Athrürü khülangnü aniube bahbah api kinü tsosho tüsho püpürü thrürü niuberü kamsho, apinü alibe kilim yüloba de? Hadürü lo ju tode mümüneanba de? Nünü müyamrü ahihdo kheak müzammüramdo; tüsho nü I kilim arüloba de? Atungpuhnü thachoh.

JEREMIA 31:18

Atsütsü Ephraimnü mushukhi inü sodo: “ Nünü I danyuk, tüsho inü adanyukkhi lu; I a müthsangmuyukhi moshi nunu khülang ruk lakheah. I belodarang, I alode arüshang, tümüde nü a Atungpuh I Thrünpuh.

JEREMIA 31:32

Ha inü arü jipürü Ijip lomi chingnü khah kheaknü thokhitchoki tangzüng nangde yung, tümüde I arü aputungrü thsüthsü she, arünü I tangzüng thsümünim, Atungpuhnü thachoh.

JEREMIA 44:17

Ju müthri, isa le isa jipürübo, isa kiulongthsürübo tüsho atorübonü Juda kiutobo tüsho Jirusalem kiudunglimrobo ching rhimokhi nangde, yinmi kiulongthsübe ki rhümthüneabe kingaünde tüsho anihbe ki yukhu bukkihde lüpdükhi isanü athakhi rhimobah. Junangde isa tsühyungpü suhde, tüsho lalim tsüde alakheah, tüsho kuhi amütsü tümü müngü.

EZEKIEL 16:18

Tüsho nünü jurü kheak phukihpü yakthsükhi khimbo lu, tüsho nünü I yo müdangke tüsho rhümthüneabe arü miki jih.

EZEKIEL 16:8

Ju dunglim I hode yü, tüsho nü kheak kheah; nü ju muzhoachihpü kim lakheah. Inü I khim münkheam nü kheak züngkihjih tüsho nü bünkeang lakhi lüpdojih. Inü nü ki thiyuchihchim jih tüsho nü kheak tangzüngpü ching yüzah, Wuto Atungpuhnü thachoh, tüsho nü I yo kam.

EZEKIEL 20:32

Nüsanü thachoh, “ Isanü trükshihbo nangde, sang tüsho lung tankihrü lomi mihtsürübo nangde lanelah.” Tüshe nüsa lüm ching tümü lanü müdünji.

EZEKIEL 23:12

Alibenü Asiriarü, kovünorbo tüsho thirithsü zülu banthsangde ayihrü wühkenorü, thirithsürü khora kheak binrü mürüh, arü alala akheahakham athrününgtsüng mihtsürübo lakheah.

EZEKIEL 23:22

Jumonü, O Oholiba, Atungpuh Thrünpuhnü ha thachoh: Nünü müküntsande rholode arükhi, nü muzhorübo nü azhihde thurumusubah, tüsho thrip aban chingnü nü azhihde inü arü bedarübah:

EZEKIEL 23:4

Azopü mung Ohola tüsho anihbe niurü mung Oholiba lakheah. Ane chido inü lu, tüsho anenü tsührübo le tsührübebo zübejih. Ane mung, Ohola ju Samaria, tüsho Oholiba ju Jirusalem.

DANIEL 4:17

Ha aheangrü, yunirü khülang yuzüng lah, junangde Khide Achangbuhnü mihtsürü kiulongthsü kurungkheak yakzan shuhchoh, tüsho apinü amulongrü ki jihchoh, tüsho akheamkhibe mihtsürü kurungkheak she zojihchoh de mihtsürü lüpdükhinü amükheahbah.’

DANIEL 4:25

Nü mihtsürü bolungnü yanabahbah, tüsho nü lapung ju mütüm shiwüh bolung labah. Moshipung nangde nü rim rhipa tsühshihbah, nü ayinke ajipbah, tüsho Khide Achangbuhnü mihtsürü kiulongthsü kurungkheak yakzan shuhchoh, tüsho apinü amulongrü kilim ju jihchoh de nünü manikhityi khiungde kam thüne rünkhitbah.

DANIEL 4:32

Mihtsürü bolungnü nü yana bahbah, tüsho mütüm shiwüh bolung nü labah. Moshipung nangde nü rim rhipa tsühshihbah, nü ayinke ajipbah, tüsho Khide Achangbuhnü mihtsürü kiulongthsü kurungkheak yakzan shuhchoh tüsho apinü amulongrü kilim ju jihchoh de nünü manikhityi khiungde kam thüne rünkhitbah.”

DANIEL 5:21

Api ju mihtsürü boto chingnü yanabah, tüsho api lümkhi ju shiwüh nangde kamshih. Api lapung mütüm donki lung lashih, moshipung nangde rim tsühshih, tüsho Khide Achang Thrünpuhnü mihtsürü kiulongthsü kurungkheak yakzan shuhchoh, tüsho apinü alümkhi kheak zojihchoh de apinü manikhityi khiungde api pang ayinkenü pangshih.

HOSEA 1:2

Küyimki akhuhde Atungpuhnü Hosea hode asukkhea, Atungpuhnü Hosea ki tha, “ Yüang, müzammüramberü nü niube thsüpü luang tüsho müzammüramrü tsührübo lashang, tümüde lominü Atungpuh bahyukde müzammüram ato yihbeakdo.”

HOSEA 13:6

Küyimki inü arü yimkipkheanü, arü reangkeam tüsho arü mulong kükheangde kam; jumonü arünü I mihabah.

HOSEA 14:1

O Israel, Atungpuh nü Thrünpuh kilim rholoang, tümütüsho nü mülimkhinü nü angakdo.

HOSEA 2:16

Atungpuhnü thachoh, ju nimung nünü I ki, “ I niubuh,” de ajibah tüsho I ki kheaküa, “ I yo Baal” de müji.

HOSEA 5:13

Küyimki Ephraimnü anihbuh tukthsükhi, tüsho Judanü anihbuh mü ngükhea, judüki Ephraimnü Asiria kilim yü tüsho ato kiulongthsüpuh kilim yüshih, tüshe apinü nü müthsüngukhuk yungsho nü mü mungushih.

HOSEA 5:15

Arünü arü mülimkhi muhuhyi khiungde, inü I mihtsürü bahyukbah. Tüsho arünü I miro yimbah; arü thsünükhi ching arünü mushude I yimbah.