HOSEA 2:3 - AMÜSÜH HÜM CL Bible (BSI)

³ Jude yungsho inü anihbe pang khukjihbah tüsho anihbe zübe nimung nangde bünkeang kamshihbah; tüsho anihbe sunglo tüsho akunglo nangde kamshihbah tüsho kethürinü asheshihbah.

HOSEA 2:3 Iomraidhean Croise

ABEKHIT 17:3

Ju ching mihtsürübo kethüri tüsho Mosa azhihde dapdapneangneangde tha, “Tümüde isa le isa tsührübo tüsho akam-shiwühbo kethürinü asheshihpü Ijip chingnü abekhitkhea?”

ISAIA 33:9

Alonü mitripchoh tüsho thsünüde lah; Lebanon achihdo tüsho yiuhabahchoh; Sharon ju loshelo nangde lah; tüsho Bashan le Karmel kheak sangyübo aniungkhichoh.

ISAIA 47:3

Nü bünkeang labah, tüsho achih ngübah. Inü royimbah, tüsho inü she maningshih.

ISAIA 64:10

Nü amüsüh kiutobo sunglo kamdo, Zion ju sunglo kamdo, Jirusalem zhikrangkhündo lah.

JEREMIA 12:10

Namfimihnu neakrü ahihdonü I yo kurungasolu thsümünimdo, arünü I shihcham junakdo, arünü inü asühkhi shihcham azhikkhi sunglo kamshihdo.

JEREMIA 13:22

Tüsho nü mulong ching, “Tümüde hadürü I kheak arücho?” de thasho, ha nü mülimkhi ato hode nü rungthsün lahkih, tüsho nü thsümünim.

JEREMIA 13:26

Inü nü rungthsün nü miro kheak lahkihbah, tüsho nü achih ngübah.

JEREMIA 14:3

Atorübonü arü yamlarübo ke thsungkheak yüshihchoh, arübo kekhip ching arüchoh, arünü ke müngü, arübo kesopung akeangkeang tsolochoh. Arübo achih ngüdo tüsho mulong thsümünimdo tüsho arü ku muhiuchoh,

JEREMIA 17:6

Api ju loshelo ching rim nangde lah tüsho atsü arükhi müngü, tüshe tümü masürüpung thimi lo ching she mülapung labah. Api kheak atsü tümü müdünjichoh.

JEREMIA 2:31

Tüsho nü, O ha lün, Atungpuh yu aniang! Israel kilim I sunglo yungsho khide amiting lakhea de? Dale, “ Isa zuzu lah, kheaküa isa nü kilim marü” de küde thsah I mihtsürünü thacho?

JEREMIA 2:6

“Atungpuh küching la, shepünü isa Ijip chingnü bede atukhea, shepünü isa sunglo ching bede yükhea, loshelo tüsho alokhünbo lakhi lomi ching, akung tüsho khide amiting lomi ching, shenü mütsahhokhi lomi ching, küching sheshe mülakhea?” de arünü mütha.

JEREMIA 22:6

Tümüde Juda kiulongthsüpuh dünkheak Atungpuhnü ha thachoh: Nü a I ki Gilead nangde Lebanon wung nangde lah; tüshe nü sunglo, mihtsürü mülakhi kiuto kamshihpü inü thiyuchihchimchoh.

JEREMIA 4:26

Inü kheah, tüsho kheahang, Atungpuh bukakhiukkhinü amüdang lo ju loshelo kamabah tüsho kiuto alala thsümünimabah.

JEREMIA 51:43

Anihbe kiutobo zhikrangkhündo, akung lomi, tüsho loshelo, she mülakhi lomi, tüsho mihtsürünü muhokhi kamdo.

JEREMIA 51:5

Israel Amüsühbuh miki arü lomi amülimnü mide lalashe, Israel tüsho Juda arü Thrünpuh Wuto Atungpuhnü mübahyuk.

EZEKIEL 16:22

Nünü athraneanbe rhimokhibo alala tüsho müzammüramkhi ching nünü nü bünkeang nü thiyih ching mürhede alakhi athunu nimungbo mülümkhit.

EZEKIEL 19:13

Kheakü ha sunglo ching, akunglo tüsho anikio lo ching khim.

HOSEA 13:15

Api keoniorü bolung lakhitde kamkam she, aniakhiuklim pung Atungpuh kilimnü arübah, sunglo chingnü ayükihbah; tüsho api kenü ngahabahbah, api yungzü kungabahbah. Junü api rahpung, shoto kukruk alala luabahbah.

HOSEA 2:10

Kheakü inü alibe muzhorübo mük ki anihbe achihbe mülüpdojih, tüsho shenü she I khah chingnü alibe mükhümkhit.

AMIKHEAKAKHIUKKHI 17:16

Tüsho nünü angükhi ajuh thürü ju, arü le shiwühnü müzammürambe thraneanbah; arünü anihbe khukshikbah, tüsho bünkeang kamshihbah, anihbe shih tsühbah tüsho monü takabahbah,

MAHKHAPRÜ 15:18

Judüki api khide kethüride kam; jumonü apinü Atungpuh ki zhi tüsho tha, “Nü yamlarü khah hode nünü ha abekhitkhi ato jihdo; tüsho kheakü kethürinü I asheba de tüsho tsütamübahrü khah ching I keamba de?”