HOSEA 2:21 - AMÜSÜH HÜM CL Bible (BSI)

²¹ Ju nimung inü alobah, Atungpuhnü thachoh, inü thüningbo ki alobah tüsho arünü alo ki alobah;

HOSEA 2:21 Iomraidhean Croise

ISAIA 55:10

Tümüde tsüng tüsho phürüm thüning chingnü akichoh, tüsho alo müpangyi khiungde ju ching müyükihlo, bemusushihde tüsho mukhuhshihde, müjih-hiurü kilim müjih jihde tüsho atsührü kilim yikhap jihde,

ISAIA 62:4

Kheaküa nü Amihkhi de müji tüsho nü lomi Azhikkhi de müji; tüshe I Asühkhi Anihbe kheak lah de nü ki jibah, tüsho nü lomi rhangdo de ajibah; tümüde Atungpuhnü nü kheak asühchoh tüsho nü lomi arhangbah.

ISAIA 62:5

Athrününgtsüng khülangnü anünürü kheak yamkhün kamkhi nangde nü thrünrünü nü ki rhangbah, tüsho yamkhün-kambuhnü yamkhün-kambe kheak asühachihkhi nangde, nü Thrünpuhnü nü kheak asühachihbah.

ISAIA 65:24

Arünü müjiyide inü alobah, arü asukachihde lachoki inü asobah.

EZEKIEL 36:29

Inü nü mümüsühkhibo alala chingnü nü khümkhitbah, tüsho inü hi jihbah tüsho muzhomopungde akamshihbah tüsho nü kheak khümzung mülashih.

HOSEA 14:7

Kheaküshe I alamme khüp arü labah, arübo hi nangde achinbah; kurungaso nangde arü apungbah, arü rhümthüneakhi ju Lebanon yukhu nangde alabah.

JOEL 2:19

Api mihtsürü ki alojihde Atungpuhnü tha: Inü nüsa kilim hi, yukhu tüsho müdangke arüshihchoh, tüsho nüsa reangkeambah; tüsho kheaküa inü nüsa trükshih bolung mükhemükim mükamshih.

ZEKARIA 13:9

Tüsho ha shihchamkhüh ju inü mo ching yukbah, khürünü shotoyinchi changkhitkhi nangde arü changkhitbah, tüsho suna taka kheahkhi nangde arü taka kheahbah. Arünü I mung jibah, tüsho inü arü ki alobah. Inü athabah, “Arü I mihtsürü ah;” tüsho arünü athabah, “Atungpuh ju isa Thrünpuh.”

ZEKARIA 8:12

Tümütüsho judüki mungtsü yangkhi labah; kurungasonü aso asobah, alonü amukhuhshihbah, tüsho thüningbonü ayinke jihbah; tüsho inü ha mihtsürü aningkhi ki harü alala yamrüplurüp lushihbah.

ZEKARIA 8:8

tüsho inü arübo Jirusalem ching lashihpü bede arübah. Athülünkhi tüsho thiyuro-lungki ching arübo I mihtsürü thsübah tüsho I arü Thrünpuh thsübah.

MALAKI 3:10

Thürü shihcham alala zowupung ching hande arang, junangde I yam ching tsühyungbe labah, tüsho hanü I rükakiang, Wuto Atungpuhnü thachoh; inü nüsa thsungkheak thüning ripitbo khimshuhbah müngühmühi mikhiukde bukkhishihnahnü kheahang.

MALAKI 3:11

Inü nüsa thsungkheak tangkhobo thürühbah, junangde nüsa lo chingnü amukhuhkhi müthsümünim; tüsho nüsa lu ching kurungaso aniungyüh müla, Wuto Atungpuhnü thachoh.

MATHI 6:33

Tüshe nünü akhuhde api kiulongthsü tüsho api thiyuro-lungki yimang, tüsho harü alala nü kilim jihbah.

ROMRÜ KILIM PAULNÜ ATHRÜTKHI KIHÜM HUHTANYU 8:32

Shepünü nihbuh tsührü müsühmühde isa alala dünkheak jihabahkheanü, apinü lüpdükhi isa kilim müjihba de?