HOSEA 2:20 - AMÜSÜH HÜM CL Bible (BSI)

²⁰ Inü nü athülünkhi chingnü I niube thsüpü lubah; tüsho nünü Atungpuh mükheahbah.

HOSEA 2:20 Iomraidhean Croise

THRÜNTAN 9:10

tüsho nü lung lakhi loriloko aban kheak: wuhnubo, akam-shiwüh tüsho nü lung sangkung chingnü wukhiukkhi alomi shiwüh alala.

ISAIA 2:4

Apinü trükshihbo dükeak mahkhapbah, tüsho mihtsürü ahihdo thsungkheak khikzhakjihbah; arünü arü nukshangbonü thuwuh kingbah, tüsho arü thsühbonü arhebe nukjipbo kingbah; trükshihnü trükshih azhihde nukshang mushuhkih, yungsho arünü kheaküa thirithsüpü mümükheahde akambah.

ISAIA 62:4

Kheaküa nü Amihkhi de müji tüsho nü lomi Azhikkhi de müji; tüshe I Asühkhi Anihbe kheak lah de nü ki jibah, tüsho nü lomi rhangdo de ajibah; tümüde Atungpuhnü nü kheak asühchoh tüsho nü lomi arhangbah.

JEREMIA 24:7

Inü arü kilim I Atungpuh de mükheahpü mulong jihbah; tüsho arübo I mihtsürü thsübah tüsho I arü Thrünpuh thsübah, tümüde arü mulong athrünkhinü arübo I kilim rholobah.

JEREMIA 30:10

Tüshe nü thsungkheak a, dütre, I yamlarü Jakob, Atungpuhnü thachoh, tüsho mulong dübah, O Israel; tümüde inü nü limshu chingnü akhümkhitbah, tüsho nü tsührübo arübo ramde ayükhi lomi chingnü akhümkhitbah. Jakob alodarübah tüsho mungtsü le keamramkhi labah, tüshe shenü api mümüyinsahshih.

JEREMIA 32:41

Inü arü kheak atsü rhimokhinü asühbah, tüsho thülünde, I mulong alala tüsho I me alalanü inü arü ha lomi ching lashihbah.

JEREMIA 9:24

tüshe arünü I Atungpuh de anikhitkhi tüsho mükheahkhi ching kükheangshang; inü muzhodakde, thiyuro tüsho alomi ching thiyurolungkinü rhimochoh, tümüde hadürü ching inü asühlah, Atungpuhnü thachoh.

EZEKIEL 16:62

Junangde inü nü kheak I tangzüng zobah, tüsho I Atungpuh de nünü mükheahbah.

EZEKIEL 16:8

Ju dunglim I hode yü, tüsho nü kheak kheah; nü ju muzhoachihpü kim lakheah. Inü I khim münkheam nü kheak züngkihjih tüsho nü bünkeang lakhi lüpdojih. Inü nü ki thiyuchihchim jih tüsho nü kheak tangzüngpü ching yüzah, Wuto Atungpuhnü thachoh, tüsho nü I yo kam.

EZEKIEL 34:25

Inü arü kheak mungtsü tangzüng khülang thsübah tüsho mütüm shiwühbo lomi chingnü ayankhitbah, junangde arünü mütüm tüsho sang-lünkhi ching kuramde alabah.

EZEKIEL 34:27

Thulu sangdungbonü aso asobah, tüsho alonü hibo akhiukshihbah; mihtsürübo arü lomi ching kuramde alabah. Inü arü hung kheaknü sangkap yihshakchoki tüsho arü azhorü kamshihrü khah chingnü arü khümkhitchoki, I Atungpuh de arünü mükheahbah.

EZEKIEL 38:23

Junangde inü I tokhi tüsho I müsühkhitkhi huhbah tüsho trükshih ahihdo miki I mükheahshihbah. Judüki I Atungpuh de arünü mükheahbah.

HOSEA 13:4

Tütüshe Ijip lomi chingnü I Atungpuh nü Thrünpuh thsüde arüchoh; nünü tümü Thrünpuh mümükheah tüshe I ah, tüsho I hobah akhümkhitrü she müla.

HOSEA 2:19

Tüsho inü nü lünnü I niube thsüpü lubah; inü nü thiyuro-lungki, thiyuro, muzhodakkhi, tüsho mihmüthsüm chingnü I niube thsüpü lubah.

HOSEA 6:6

Tümüde inü mihmüthsüm lunelah tüsho laksah-a kingaünkhi yung, taka kingaünkhi kheaknü Thrünpuh mükheahkhi lunelah.

LEVI 26:5

Nüsa lu ju khide pung-alungde kurungaso rho khiungde yimlubah, tüsho mükhean kim khiungde kurungaso rhobah; nüsanü atsühnekhi suhdahde angübah tüsho nüsa lo ching nüsa tsokhita labah.

LEVI 26:6

Inü nüsa lo ching mungtsü lashihbah, tüsho nüsa zuh-a yapbah tüsho shenü nüsa mütreshih; inü lomi ching ahürhang shiwühbo yankhita bahbah, tüsho ju ching keochih mülade akambah.

MIKA 4:3

Apinü mihtsürü ahihdo dükeak mahkhapbah, tüsho limshu ching sühmüh lakhi trükshihbo dükeak alim-amülim mokhitbah; arünü nukshangbonü thuwuhbo kingbah, tüsho arü thsühbonü hirhüpbe kingbah; trükshihnü trükshih azhihde nukshang mushuhkih, arünü kheaküa thirithsüpü mümükheahde alabah;

ZEKARIA 9:10

Apinü Ephraim chingnü khora-lolungbe tüsho Jirusalem chingnü thirithsü khora dükheakshihbah; tüsho keochihbe sanglühbo thsümünimbah, tüsho apinü trükshihbo ki mungtsü yukhüm jihbah; api yakzan shuhkhi ketonü keto khiungde alabah, tüsho Euphra Ayung chingnü alomi akheambo khiungde alabah.

MATHI 11:27

I Buhnü lüpdükhi I kilim jihdo, tüsho Abuh kheak hode shenü she atsührü mümükheah. Yungsho atsührü tüsho atsührünü api amikheak akhiukshihpü mokhitrübo kheak hobah shenü she Abuh mümükheah.

LUKNÜ ATHRÜTKHI THIYUSHEAK-ATSÜ HUHTANYU 10:22

I Buhnü lüpdükhi I kilim jihdo, tüsho Abuh kheak hode shenü atsührü mümükheah, tüsho atsührü le api amikheak akhiukshihpü mokhitrü kheak hode shenü Abuh mümükheah.”

JOHAN 17:3

Tüsho ha lün rhangdung ah, junangde arünü nü ju lang thiyuro, Thrünpuh, tüsho nünü athiyikhi Jisu Khrista mükheahbah.

JOHAN 8:55

Tütüshe nüsanü api mümükheah, tüshe inü api mükheahlah. Tüsho inü, ‘Inü api mümükheah,’ de thasho nüsa nangde I ju akeangyu tharü thsübah; inü api mükheahlah tüsho api yu zochoh.

2 KORINT 4:6

Tümüde Thrünpuh, shepünü “Amiting chingnü ayin tahshang,” de athakheanü, Khrista miro ki Thrünpuh müretah mükheahmudu ayin isa kilim jihpü isa mulongbo ching api ayin tah.

FILIPI 3:8

Jisu Khrista I Tungpuh de amükheahkhi ching khide athülün lakhinü inü lüpdükhi kukshahkhi khechoh. Tümüde api dünkheaknü alala kukshahkhi inü thsünü, tüsho jurü sünit khejihchoh, junangde inü Khrista alü thsübah

KOLOSI 1:10

Atungpuh ki athülün rhangdung lapü, api tsüde asühshihpü, rhimo atsü aban ching aso asoshihpü tüsho Thrünpuh mükheahkhi ching rünkihpü lah.

2 TIMOTHI 1:12

jumonü harü dünkheaknü I thsünüchoh tüshe inü machih tümüde shepü kheak inü akinkheanü inü mükheahlah, tüsho api ki thiyikhi nimung khiungde apinü aheangpü kukbah de inü mütsanlah.

IBRI 8:11

Tüsho arü mihbüm abannü müyamrü yungsho keoniorü ki, ‘Atungpuh mükheahang’ de müthsangyu, tümüde aninibenü atobe khiungde arü alalanü l mükheahbah.

1 JOHAN 4:6

Isa a Thrünpuh yo ah. Shepünü Thrünpuh mükheahlanü isa ki anichoh, tüsho shepü Thrünpuh yo yungnü isa ki manichoh. Ha hode isanü thiyuro tüsho arükchih me mükheahchoh.

1 JOHAN 5:20

Thrünpuh tsührü arüdo tüsho thiyuro lakhi api mükheahpü isa kilim anikhitkhi jihdo de isanü mükheahlah; tüsho thiyuro lakhi, api tsührü Jisu Khrista kheak isa lah. Ha thiyuro Thrünpuh tüsho lün rhangdung.