HOSEA 2:19 - AMÜSÜH HÜM CL Bible (BSI)

¹⁹ Tüsho inü nü lünnü I niube thsüpü lubah; inü nü thiyuro-lungki, thiyuro, muzhodakkhi, tüsho mihmüthsüm chingnü I niube thsüpü lubah.

HOSEA 2:19 Iomraidhean Croise

MUNGSHIKHÜN 85:10

Mihmüthsüm tüsho thiyuro rukhüh shoruachihdo; thiyuro-lungki tüsho mungtsü müthsüpachihdo.

ISAIA 1:27

Zion ju thiyuronü rhokhitbah, tüsho ju ching larü thiyuro lakhinü müthrirübo rhokhitbah.

ISAIA 54:14

Thiyuro-lungki ching nü rünkihbah; nü junopü chingnü limshude alabah, tümüde nü mütrede alabah, tüsho atrebe müla, tümüde ju nü phünide marü.

ISAIA 54:5

Tümüde nü Thrünrü ju nü yamkhünbuh lah, Wuto Atungpuh ju api mung lah; Israel Amüsüh Thrünpuh ju nü Rhokhitrü, api alomi athrünkhi Thrünpuh de jichoh.

ISAIA 54:6

Tümüde Atungpuhnü nü abahyukkhi tüsho me ching tüzhokhi liberü nangde jikheah, athunu mihtsürü niuberü bahyukkhi nangde, nü Thrünpuhnü thachoh.

JEREMIA 4:2

tüsho nüsanü, “Atungpuh lale!” de thiyuro ching, jakmükheahkhi ching, alungki chingnü thiyuchihchimsho, apinü trükshihbo müngühjihbah, tüsho api lung arü müretahbah.

EZEKIEL 16:8

Ju dunglim I hode yü, tüsho nü kheak kheah; nü ju muzhoachihpü kim lakheah. Inü I khim münkheam nü kheak züngkihjih tüsho nü bünkeang lakhi lüpdojih. Inü nü ki thiyuchihchim jih tüsho nü kheak tangzüngpü ching yüzah, Wuto Atungpuhnü thachoh, tüsho nü I yo kam.

EZEKIEL 39:29

tüsho inü Israel yamkhün kheak I me dungkihchoki, inü arü kheaknü I miro müjiklo, Atungpuh Thrünpuhnü thachoh.

HOSEA 14:4

“ Inü arü akin-mülakhi thsüngubah; inü akeangnü arü muzhobah, tümüde I bukakhiukkhi arü kheaknü tsodo.

JOEL 3:20

Tüshe Juda a lünnü alabah, tüsho Jirusalem a lün alala ching labah.

ZEKARIA 13:2

Wuto Atungpuhnü thachoh, ju nimung inü lomi chingnü sangthsübo mung dükheakshihbah, junangde kheaküa arü mülümkhit; tüsho inü lomi chingnü wukihrübo le mümüsühkhi me yihkhitbah.

JOHAN 3:29

Yamkhün-kambe ju yamkhünkambuh yo ah; tüshe yamkhünkambuh müyamrü, shepünü zhipbah api ki anichonü yamkhün-kambuh düsheak hode tode asühachihchoh. Jumonü ha I asühkhi dünjido.

ROMRÜ KILIM PAULNÜ ATHRÜTKHI KIHÜM HUHTANYU 7:4

Junangde, I keoniorübo, Khrista pang hode nüsa yakzan ching she, jude athsükhinü isanü Thrünpuh thsungkheak aso asopü thsüde ashekhi chingnü asürübuh kilim nüsa khülangnü khülang yo labah.

2 KORINT 11:2

Inü nüsa kheak amüsüh mükthsülah, tümüde inü nüsa ju atsangkhit arhangberü nangde yamkhünbuh khülang, Khrista ki rhangshihpü alokhido.

AMIKHEAKAKHIUKKHI 21:2

Tüsho amüsüh kiuto, Jirusalem aso, ayamkhünbuh thsungkheak züt thsükhi yamkhünbe nangde Thrünpuh kilimnü yinmi chingnü akide inü ngü;