HOSEA 2:18 - AMÜSÜH HÜM CL Bible (BSI)

¹⁸ Ju nimung nü thsungkheaknü inü mütüm shiwühbo, apung wuhnubo, tüsho alo kheak abüde atsahbe kheak tangzüng khülang thsübah; tüsho inü sanglüh, nukshang, tüsho thirithsü lomi chingnü akheamshihbah; tüsho inü nü mungtsü tüsho atsokhitkhi ching lashihbah.

HOSEA 2:18 Iomraidhean Croise

JOB HU H T ANYU 5:22

Athsümünim tüsho khümzung lachoki nü amünebah, tüsho nünü alomi mütüm shiwüh mütre.

JOB HU H T ANYU 5:23

Tümüde thulu ching lungbo kheak nünü tangzüng labah, tüsho mütüm shiwühbonü nü kheak mungtsü labah.

MUNGSHIKHÜN 148:10

mütüm shiwühbo tüsho moshibo; loriloko aninibo tüsho aphinkhi wuhnubo;

MUNGSHIKHÜN 23:2

Apinü I rimlopungbo aphüyak ching yapshihchoh; apinü I maphapkhi ke yean bechoh.

MUNGSHIKHÜN 46:9

Apinü alomiküp alala ching thirithsü tukloshihchoh; apinü sanglüh yihshakchoh, thsühbo thsümünimchoh tüsho monü tsungbo takchoh.

ISAIA 2:11

Mük müzhingrü mihtsürü thokheambah, tüsho kükheangküyangrü aban aninibe kamshihbah; tüsho ju nimung ching Atungpuh lang ashuhkihbah.

ISAIA 2:17

Changdealümrü mihtsürü aninibe kamshihbah, tüsho mihbüm aban kükheangkhi thokheambah; tüsho ju nimung Atungpuh lang ashuhkihbah.

ISAIA 2:4

Apinü trükshihbo dükeak mahkhapbah, tüsho mihtsürü ahihdo thsungkheak khikzhakjihbah; arünü arü nukshangbonü thuwuh kingbah, tüsho arü thsühbonü arhebe nukjipbo kingbah; trükshihnü trükshih azhihde nukshang mushuhkih, yungsho arünü kheaküa thirithsüpü mümükheahde akambah.

ISAIA 26:1

Ju nimung ha khün Juda lomi ching thsübah: Isa kiuto amüküp lah; apinü rhü tüsho chipi tsunglochoh.

ISAIA 32:18

I mihtsürübo mungtsü lapung ching kurampung tüsho keamramde sühakhimpung ching labah.

ISAIA 54:5

Tümüde nü Thrünrü ju nü yamkhünbuh lah, Wuto Atungpuh ju api mung lah; Israel Amüsüh Thrünpuh ju nü Rhokhitrü, api alomi athrünkhi Thrünpuh de jichoh.

ISAIA 65:25

Rimre tüsho namfimihnunu rukhühnü yimtsühbah, kekhüzünü moshipung nangde hineang tsühbah; tüshe phuruto jim a asungthulung labah! Arübo I wung amüsüh alala kheak muyuri yungsho müthsümünim, Atungpuhnü thachoh.

JEREMIA 23:6

Api nimungbo ching Juda khümkhitbah tüsho Israel akhümkhitkhi ching labah. Tüsho apinü ajipü mung ha labah: “Atungpuh ju isa thiyuro-lungki.”

JEREMIA 30:10

Tüshe nü thsungkheak a, dütre, I yamlarü Jakob, Atungpuhnü thachoh, tüsho mulong dübah, O Israel; tümüde inü nü limshu chingnü akhümkhitbah, tüsho nü tsührübo arübo ramde ayükhi lomi chingnü akhümkhitbah. Jakob alodarübah tüsho mungtsü le keamramkhi labah, tüshe shenü api mümüyinsahshih.

JEREMIA 33:16

Ju nimungbo ching Juda khümkhitbah tüsho Jirusalem sühakhim ching labah. Tüsho arünü tamde ajipü mung ha: “Atungpuh ju isa thiyuro-lungki.”

EZEKIEL 34:25

Inü arü kheak mungtsü tangzüng khülang thsübah tüsho mütüm shiwühbo lomi chingnü ayankhitbah, junangde arünü mütüm tüsho sang-lünkhi ching kuramde alabah.

EZEKIEL 39:1

Tüsho mihtsürü tsührü, Gog azhihde müchitang, tüsho thaang: Atungpuh Thrünpuhnü ha thachoh: Inü nü azhihlah, O Gog, Meshek tüsho Tubal akubeato yakzanshuhrü!

ZEKARIA 14:4

Ju nimung api jing Jirusalem miki aniakhiuklim kheak lakhi Oliv Müzüng kheak zhipbah; tüsho Oliv Müzüng ju aniakhiuklimnü aniyüzahlim jindükhün khide mülihde mahne kamde achambah; junangde müzüng chamkhüh ju dukulim tüsho püpü chamkhüh ju düjinglim anguhbah.

ZEKARIA 14:9

Tüsho Atungpuh ju lomi alala kurungkheak kiulongthsüpuh kambah; ju nimung Atungpuh khülang tüsho api mung khülang labah.

ZEKARIA 2:11

Trükshih ahihdonü ju nimung Atungpuh lung bebah, tüsho I mihtsürü thsübah; tüsho I nüsa bolung labah. Tüsho Wuto Atungpuhnü I nüsa kilim thiyido de nüsanü mükheahbah.

ZEKARIA 3:10

Wuto Atungpuhnü thachoh, ju nimung nüsanü nüsa kurungaso tüsho khubasodung khüp khülangnü khülang jiyukachihbah.”

ZEKARIA 9:10

Apinü Ephraim chingnü khora-lolungbe tüsho Jirusalem chingnü thirithsü khora dükheakshihbah; tüsho keochihbe sanglühbo thsümünimbah, tüsho apinü trükshihbo ki mungtsü yukhüm jihbah; api yakzan shuhkhi ketonü keto khiungde alabah, tüsho Euphra Ayung chingnü alomi akheambo khiungde alabah.