HOSEA 2:15 - AMÜSÜH HÜM CL Bible (BSI)

¹⁵ Ju chingnü inü alibe ki anihbe kurungasolubo jihbah tüsho Akor Jindükhün ju mulonglam ripit khülang kamshihbah. Ju ching alibenü anihbe athunu kim ching nangde, anihbe Ijip lomi chingnü akhiukchoki kim nangde alabah.

HOSEA 2:15 Iomraidhean Croise

1 KIULONG THSÜRÜ 16:31

Nebat tsührü Jeroboam neakbo ching tsahpü ju api thsungkheaknü athülih müdam, apinü Sidonrü kiulongthsüpuh Ethbaal tsührü Jezebel aniube thsüpü lu, tüsho yübah Baal tankih tüsho api kingaün.

MUNGSHIKHÜN 106:12

Judüki arünü api yubo kin; arünü api mungshi khün thsü.

MUNGSHIKHÜN 129:1

“Arünü I athunu kim chingnü thsümüchido,” Israelnü kheakü thashang–

ISAIA 65:10

I yimrü I mihtsürübo thsungkheak Sharon ju mihnu boto yimtsühpung kambah, tüsho Akor jindükhün ju moshibo yappung kambah.

ISAIA 65:21

Arünü thüyambo thsübah tüsho ju ching labah; arünü kurungasolubo thsübah tüsho asobo tsühbah.

JEREMIA 2:1

Atungpuhnü I ki tha:

JEREMIA 2:2

Yüang tüsho Jirusalemnü sode zhiyukang, Atungpuhnü ha thachoh: Inü nü athunuchoki shuhmülanga jihkhi lümkhitchoh, akhuh yamkhün thsüchoki mümükheankhi lomi sunglo ching nünü I yankhi lümkhitchoh.

JEREMIA 29:11

Tümüde inü nüsa thsungkheak lümkhi thsükhi inü mükheahlah, Atungpuhnü thachoh, nüsa arung thsungkheak lümkhibo tüsho athsümünimpü yung, nüsa kilim arübe mulonglam jihpü lah.

JEREMIA 3:4

Nünü kheakü, “Abuh, nü a I athunu müyambuh de I ki müji de,

JEREMIA 32:15

Tümüde Wuto Atungpuh , Israel Thrünpuhnü ha thachoh: Thüyambo, thulubo tüsho kurungasolubo kheaküshe ha lomi ching thulobah.

TÜZHOKHI 3:21

Tüshe ha I lüm ching inü lümkhitchoh, jumonü I mulonglam lah.

EZEKIEL 16:22

Nünü athraneanbe rhimokhibo alala tüsho müzammüramkhi ching nünü nü bünkeang nü thiyih ching mürhede alakhi athunu nimungbo mülümkhit.

EZEKIEL 16:60

Tütüshe inü nü athunu nimungbo ching nü ki tangzüngkhi lümkhitbah, tüsho inü akheam müla tangzüng nü kheak zobah.

EZEKIEL 16:8

Ju dunglim I hode yü, tüsho nü kheak kheah; nü ju muzhoachihpü kim lakheah. Inü I khim münkheam nü kheak züngkihjih tüsho nü bünkeang lakhi lüpdojih. Inü nü ki thiyuchihchim jih tüsho nü kheak tangzüngpü ching yüzah, Wuto Atungpuhnü thachoh, tüsho nü I yo kam.

EZEKIEL 28:25

Atungpuh Thrünpuhnü ha thachoh: Küyimki inü arü hiumüzütpung mihtsürü bolungnü Israel yamkhün bemukhungba, tüsho trükshihbo miki I amüsüh arü kheak akhiukba, judüki inü I yamlarü Jakob kilim jihkhi arü nihbuh lo kheak arünü alabah.

EZEKIEL 28:26

Arünü ju ching tsüde alabah, tüsho thüyambo thsübah tüsho kurungasolubo thsübah. Arü bahyukde arhimorü arü yamhingrü alala kheak inü mahkhapchoki, arü tsüde alabah. Tüsho I Atungpuh arü Thrünpuh de arünü mükheahbah.

HOSEA 11:1

Küyimki Israel azürü lakhea, inü api muzhokheah, tüsho I tsührü nangde Ijip chingnü jikhit.

HOSEA 12:13

Wukihrü hode Atungpuhnü Israel Ijip chingnü bede atu, tüsho wukihrünü api aheang.

HOSEA 12:9

I Ijip chingnü nü bekhitbuh Atungpuh nü Thrünpuh; akhukhitkhi thünio nimungbo ching nangde, inü nü khimyambo ching laloshihbah.

HOSEA 13:4

Tütüshe Ijip lomi chingnü I Atungpuh nü Thrünpuh thsüde arüchoh; nünü tümü Thrünpuh mümükheah tüshe I ah, tüsho I hobah akhümkhitrü she müla.

HOSEA 2:12

Inü anihbe kurungasobo tüsho khubasodungbo thsümünimjihbah, küpü dünkheak alibenü tha, “ I kilim jihkhi I mihkhahmo ah.” Inü jurü murung kamshihbah tüsho mütüm shiwühbonü atsühbah.

AMOS 9:14

Inü I mihtsürü Israel kuhi jihlobah, tüsho arünü athsümünim kiutobo thsülobah tüsho jurü ching labah; arünü kurungasobo yangbah tüsho jurü yukhu yungbah, tüsho arünü awündobo thsübah tüsho sangaso tsühbah.

ZEKARIA 9:12

Nüsa chipi lim rholoang, O mulonglamkhi aramrübo; khihni nüsa alü thsüde laloshihpü inü khipkhitchoh.

WÜHKHE 21:17

Judüki Israelrünü ha khün thsü: “O kekhipbo, ke bukkhitang; Tüsho isanü khün thsübah–

JOHAN 10:9

I ripit ah. Khürünü I hode yüzahsho, api khümkhitbah, tüsho yüzahla akhiukla de rimlopung ngübah.

YUNIRÜBO RHIMO 14:27

Küyimki arübo akhiungkhea, arünü borü rukhüh bemukhung tüsho Thrünpuhnü arü ki rhimokhi tüsho apinü khiungkerü kilim akin ripit khimshuhkhi alala kheana huh.

JIHUSUA 7:26

Arünü api kheak lung ashang rhungkih, ju khihni khiungde lah. Judüki Atungpuhnü api bukakhiukkhi chingnü rholo. Jumonü ju dangpung ki Akor Dükhün de jichoh.

MAHKHAPRÜ 8:34

Junangde Israelrünü amühi aban arü riri khah chingnü arü bekhitbuh arü Thrünpuh, Atungpuh mülümkhit;