HOSEA 2:13 - AMÜSÜH HÜM CL Bible (BSI)

¹³ Inü Baal thünio nimungbo thsungkheak alibe thsümüchibah, küdüki alibenü arü kheak rhümthüneabe jihkhea tüsho yingkhüm le mürelungnü anihbe züt thsükhea, tüsho anihbe muzhorü dunglim yü, tüsho I mihkhea, Atungpuhnü thachoh.

HOSEA 2:13 Iomraidhean Croise

2 KIULONG THSÜRÜ 1:2

Ahazia ju Samaria ching api yam achangbe khiungshak yamkhuh kheaknü ayokhi, tüsho yuria yap; jumonü apinü yunithsürü ki thaa yüshih, “Yüang, I yurikhi chingnü anguba shi yungnü Ekron thrünpuh, Baal-zebub ki keoang.”

2 KIULONG THSÜRÜ 10:28

Hanangde Jehunü Baal Israel chingnü dükheakshih.

2 KIULONG THSÜRÜ 21:3

Tümüde apinü abuh Hezekianü luka bahkhi achang dangpungbo thsülo; kiulongthsüpuh Ahabnü athsükhi nangde apinü Baal kingaün sadam, Ashera sangthsü thsü, chiningbo alala kingaün tüsho arübo tankih.

JOB HU H T ANYU 8:13

Harü ha Thrünpuh mihabahrü limrobo ah; Thrünpuh mümükheahrü mulonglam ju adükheakbah.

MUNGSHIKHÜN 106:13

Arünü nahde api rhimobo mih; arünü api lümthiyan maleang,

MUNGSHIKHÜN 106:21

Arünü arü khümkhitrü Thrünpuh mih, shepünü Ijip ching ato rhimokhea,

MUNGSHIKHÜN 78:11

tüsho arünü apinü arü ki huhkhi amüyinsahbe rhimokhibo mihabah.

ABEKHIT 32:34

Kheakü inü athakhi dangpung ching mihtsürübo bede yüang, tüsho I yunirü nü müngüh yübah. Judüalalashe, küyimki thsümüchipü kim arübanü, inü arü neak dünkheak arübo thsümüchibah.”

ISAIA 17:10

Tümüde nüsanü nüsa khümkhitbuh Thrünpuh mihabahdo, tüsho nüsa tsoyukpung Lung mülümkhit; jumonü, nüsanü sangdung atsü khimkhim she tüsho khiungke lim yo kurungasobo khimkhim she,

ISAIA 65:7

arü mülimkhibo tüsho arü jipürü mülimkhibo rukhühnü, Atungpuhnü thachoh; tümütüsho arünü awungbo kheak rhümthüneabe tak, tüsho awung mujukbo kheak I azhihde tha, jumonü ahokhi rhimobo thülünde inü arü thsümüchibah.

JEREMIA 11:13

Tümüde nü kiutobo hihkhi nangde nü thrünpuhbo hihde kamdo, O Juda; tüsho Jirusalem kiudunglimrobo hihkhi nangde achihbe Baal kingaünpü kingaün sadambo thsüa lah.

JEREMIA 18:15

Tüshe I mihtsürübonü I mihabahdo, arünü sangthsübo ki rhümthüneabe takchoh; arü jipü limrobo ching arü jing mükhedo, tüsho arübo limto ching yungde limkeanganu ching tsodo,

JEREMIA 2:32

Anünürü khülangnü anihbe zülu yungsho arhangrü khülangnü anihbe thüniokhimmih mihba de? Tütüshe I mihtsürünü mükhebinbe nimungbo I mihabahdo.

JEREMIA 23:2

Jumonü Atungpuh Israel Thrünpuhnü, I mihtsürü kümrü yakzanshuhrübo dünkheak ha thachoh: Nüsanü I mihtsürübo müküm; nüsanü arübo yanmüzüt tüsho yana tsoshihdo. Jumonü nüsa rhimo amütsü thsungkheak inü nüsa thsümüchibah. Atungpuhnü thachoh.

JEREMIA 7:34

Tüsho inü asühachih tüsho asühara düsheak, yamkhün kamkhi thünio düsheak, Juda kiutobo tüsho Jirusalem kiudunglimrobo ching akheam thsüshihbah; tümüde alo thsümünimbah.

JEREMIA 7:9

Nüsanü ahühba de, alaksahba de, müzammüramba de, akeangyu thade thiyuchihchimba de, Baal kilim kingaünba de, tüsho nüsanü mümükheahkhi thrünpuhbo kilim yüba de,

TÜZHOKHI 1:4

Zion limrobo tüzhochoh tümüde thünio ching shenü marü; anihbe chipiripit alala zhika lah, anihbe amükeamrübo ashechoh; anünürübonü mulong rozhakchoh tüsho anihbe thsünü akhüh ching lah.

TÜZHOKHI 5:14

Azobuhrübonü kiuto chipiripit bahbah tsodo, athrününgtsüngbonü khün müthsüdebahdo.

EZEKIEL 16:12

tüsho inü nü nupung kheak nupung-nüpü tüsho nü nukubo kheak nüpü yukjih tüsho akheahakham kuthran nü ku kheak thranjih.

EZEKIEL 16:17

Inü nü jihkhi atsüdak mürelungbo she lu, I yo suna tüsho shotoyinchinü athsükhi mürelung, tüsho nü thsungkheak athrürü sangthsübo thsü tüsho jurü kheak müzammüram thsü.

EZEKIEL 22:12

Nüsa mihtsürü khürünü thiyih bukkhi buknim luchoh; nünü sholü alü luchoh tüsho nü yamhingrü kheaknü jangkhijangrakhinü alarü kamchoh. Tüsho nünü I mihabahdo, Wuto Atungpuhnü thachoh.

EZEKIEL 23:35

Jumonü Atungpuh Thrünpuhnü ha thachoh: Tümütüsho nünü I mihdo tüsho I nü dunglim nima bah, jumonü nü makhamaleak rhimo tüsho müzammüram dün thsünübah.

HOSEA 11:2

Inü küdükhüh api jikheanü judükhüh api I kheaknü tso; arünü Baalbo kilim laksah-a kingaün, tüsho rhümthüneabe sangthsübo kilim jih.

HOSEA 13:1

Küyimki Ephraimnü asukkhea, mihtsürünü ajan; api Israel ching shuhkih; tüshe apinü Baal hode mülimkhi alü kam tüsho sheabah.

HOSEA 13:6

Küyimki inü arü yimkipkheanü, arü reangkeam tüsho arü mulong kükheangde kam; jumonü arünü I mihabah.

HOSEA 2:5

Tümüde arü abenü jilihjikhün ahorido; alibe shepünü arü zübekheanü achihbe rhimodo. Tümüde anihbenü tha, “ Inü I muzhorübo dunglim yübah; arünü I kilim yikhap tüsho ke jihchoh, khimlamlam, khimthünak, müdangke tüsho yukhu jihchoh.”

HOSEA 2:7

Alibenü anihbe muzhorü müshambah; tüshe arü müyanphuh; tüsho alibenü arü yimbah, tüshe arü müyimkhit. Jushu alibenü athabah, “ Inü ayübah tüsho atan I niubuh kilim rholobah, tümüde kheakü kheaknü I atsübe lakheah.”

HOSEA 4:13

Arünü müzüng mujukbo kheak laksah-a kingaünchoh, tüsho awungbo kheak, thülamsang, müyüh-kibe, tüsho mudungsang khüp kingaün jihchoh, tümütüsho arü alampung tsülah. Jumonü arü tsührübonü jilihjikhün ahorichoh, tüsho nü tsühmeakbebonü müzammüramchoh.

HOSEA 4:6

I mihtsürübo mükheahmudu mülakhinü dükheaka lah; tümütüsho nünü mükheahmudu bahyuk, inü nü I ki amükeamrü thsüpü chingnü bahyukchoh. Tüsho nünü nü Thrünpuh yakzan mihkhinü, inü she nü tsührübo mihbah.

HOSEA 8:14

Israelnü api Thrünrü mihdo, tüsho kiulongthsürü-yambo thsüa lah; tüsho Judanü kiuto ahihdo chipi ayündo; tüshe inü arü kiutobo kheak mo thsahkihbah, tüsho hanü api chipibo takabahbah.

HOSEA 9:7

Thsümüchi nimungbo arüdo, royimpü nimungbo arüdo; Israelnü zhichoh, “ Wukihrü amülim ah, me lakhi mihtsürü makharü ah!” Tümütüsho nü mülimkhi tokhinü, nü mükthsü tode lah.

AMOS 8:10

Inü nüsa aniojikhibo atüzhokhi kamshihbah, tüsho nüsa khün alala atüzhokhi kamshihbah; inü alala chim kheak shungliukhim hande arübah, tüsho mihbüm aban ku hütshihbah; inü ju tsührü khülang lang alakhi thsungkheak tüzhokhi ruk kamshihbah, tüsho akheam ching ju akhüh nimung nangde akamshihbah.

YUZÜNGTHALO 32:18

Nüsanü nüsa mütrübuh lung bahyuk; nüsanü nüsa zübebuh Thrünpuh mihabah.

YUZÜNGTHALO 6:12

nüsa Ijip lo, azhorü kuhi chingnü abekhitbuh Atungpuh mümihpü kümkangang.

MAHKHAPRÜ 10:6

Judüki Israelrünü kheaküshe Atungpuh miki amütsü rhimo, tüsho Baalbo, Astarbo, Siria thrünpuhbo, Sidon thrünpuhbo, Moab thrünpuhbo, Amon thrünpuhbo tüsho Filistia thrünpuhbo tankih; arünü Atungpuh bahyuk tüsho api mütankih.

MAHKHAPRÜ 3:7

Jumonü Israelrünü Atungpuh arü Thrünpuh mihabahbah, A TUN GPU H miki amütsü rhimo, tüsho Baal le Ashera sangthsü kingaün.

1 SAMUEL 12:9

Tüshe arünü Atungpuh arü Thrünpuh mihabah; tüsho apinü arübo Hazor kiulongthsüpuh Jabin bonungrü limthobuh Sisera, Filistiarü, tüsho Moab kiulongthsüpuh khah ching yinabah; tüsho arünü arü azhihde keochih.