HOSEA 2:12 - AMÜSÜH HÜM CL Bible (BSI)

¹² Inü anihbe kurungasobo tüsho khubasodungbo thsümünimjihbah, küpü dünkheak alibenü tha, “ I kilim jihkhi I mihkhahmo ah.” Inü jurü murung kamshihbah tüsho mütüm shiwühbonü atsühbah.

HOSEA 2:12 Iomraidhean Croise

MUNGSHIKHÜN 80:12

Tümüde atsahhorü alalanü kurungaso rhoa lupü thsüde nünü ha chipi ayünkhi lukkheamkhea?

ISAIA 29:17

Anükhüh kheaknü Lebanon ju aso-asokhi lu mükamba de, tüsho aso asokhi lu ju murung mükamba de?

ISAIA 5:5

Tüsho kheakü I yo kurungaso kheak tümü rhimobanü inü nü ki thaanü. Inü sangrung sündokhi yihkhita bahbah tüsho thsümünimbah; inü rhü lukkheambah, tüsho jungkheambah.

ISAIA 7:23

Ju nimung kurungaso 1000 lapung, shotoyinchi 1000 dünkhi ju, khingphu tüsho ayangrungnü chakdoabahbah.

JEREMIA 13:26

Inü nü rungthsün nü miro kheak lahkihbah, tüsho nü achih ngübah.

JEREMIA 26:18

“Juda kiulongthsüpuh Hezekia nimungbo ching müchitbuh Moreshethrü Mikanü Juda mihtsürü alala ki tha: ‘ Wuto Atungpuhnü ha thachoh, Zion ju thulu nangde wochakbah; Jirusalem athsümünim mujung kambah, tüsho thüyam wung ju murung kambah.’

JEREMIA 5:17

Arünü nüsa yimlukhi tüsho tsühyungbe tsühabahbah; arünü nüsa tsührübo le tsührübebo tsühabahbah; arünü nüsa mihnu boto tüsho moshibo tsühabahbah; arünü nüsa kurungasobo le khubaso tsühabahbah; arü nukshangnü nüsanü mulonglamde chipi ayünkhi kiutobo thsümünimbah.

JEREMIA 8:13

Atungpuhnü thachoh, inü arü bemukhungpü lümchoki, kurungasoliu kheak kurungaso müla, yungsho khubasodung kheak khubaso müla; ayübo she yiuh-a lah, tüsho inü tümü arü ki jihkheanü arü kheaknü luakhindo.

HOSEA 13:8

Anunu dükheakkhi kuto nangde inü arü kheak keamkihbah, tüsho arü khüh chakashungbah; mütüm shiwühnü arü chakthünakkhi nangde, kekhüzü nangde ju ching inü arü tsühbah.

HOSEA 2:5

Tümüde arü abenü jilihjikhün ahorido; alibe shepünü arü zübekheanü achihbe rhimodo. Tümüde anihbenü tha, “ Inü I muzhorübo dunglim yübah; arünü I kilim yikhap tüsho ke jihchoh, khimlamlam, khimthünak, müdangke tüsho yukhu jihchoh.”

HOSEA 5:14

Tümüde I ju Ephraim ki kekhüzü nangde, tüsho Juda yamkhün ki kekhüzü nunu nangde alabah. Inü achakthünakbah tüsho tsoabahbah; inü arü hande atsobah, tüsho shenü she arü mükhümkhit.

HOSEA 9:1

Dasühachih, O Israel! Püpürü trükshihbo nangde dasühako; tümüde nünü nü Thrünpuh kheaknü chamkhide yüliyürado. Nünü hinitpung alala kheak müzammüram mulomüthsüpü muzhodo.

MIKA 3:12

Jumonü nüsa dünkheaknü thulu nangde Zion wochakbah; Jirusalem ju athsümünim mujung kambah, tüsho arüngyam wung ju murung kambah.