HOSEA 14:6 - AMÜSÜH HÜM CL Bible (BSI)

⁶ Api dübitbo akhiukbah; Oliv sangdung nangde api akhamde alabah, tüsho Lebanon nangde arhümthüneabah.

HOSEA 14:6 Iomraidhean Croise

THRÜNTAN 27:27

Apinü thüninde arü tüsho api müthsüp; Isaknü api khimmih münimakheah, tüsho api müngühjihde tha: “Tsükjide I tsührü rhüm a Atungpuhnü müngühjihkhi mütüm rhüm ruk ah.

MUNGSHIKHÜN 128:3

Nü niube ju nü yam ching aso asokhi kurungaso nangde alabah, tüsho nü tsührübo ju nü dükhüm mükamde oliv sangdungbo nangde alabah.

MUNGSHIKHÜN 52:8

Tüshe I a Thrünpuh yam ching oliv sangdung phüyak nangde lah; inü Thrünpuh mihmüthsüm ching lünnü lün kinchoh.

MUNGSHIKHÜN 92:12

Thiyuro-lungkirü ju ashidung nangde bükbük atobah, api a Lebanon ching cedar nangde azokihbah.

ISAIA 27:6

Arübe nimung ching Jakobnü aying chinbah, Israelnü adübit chinde abün pungbah tüsho alomiküp athrünkhi sangasonü amibah.

ISAIA 35:2

suhdahde apungbah tüsho asühde khün thsüde asühachihbah. Lebanon müretahkhi ju kheak jihbah, Karmel tüsho Sharon wüntre-müretah labah. Arünü Atungpuh müretahkhi, isa Thrünpuh wüntre-müretah ngübah.

ISAIA 66:14

Nüsanü angübah tüsho nüsa mulong asühbah; nüsa robo rimkiu nangde shih kihbah; tüsho Atungpuh khah api yamlarübo kheak lah de mükheahbah, tüsho abukakhiukkhi api riribo azhihde lah.

JEREMIA 11:16

Atungpuhnü khülang ki nüsa ki, “Aphüyak oliv sangdung aso tsüde asokhi” de jido tüshe tsüngmuk nangde arungde apinü mo thsahkihbah, tüsho akhahbo aniuabahbah.

HOSEA 6:3

Isanü Atungpuh mükheahpü müranganü. Tsükjide ani akhiukchoki api akhiukbah; api isa kilim tsüngkam tsüng nangde, mükheankim tsüngnü alo pangkhi nangde arübah.

MATHI 13:31

Apinü arü ki shihdanglimyu püpü tha: “Yinmi kiulongthsü ju mihtsürü khülangnü api lu ching woninji hiukhi kiphahlah,

JOHAN 15:1

“I kurungasoliu tsütsü, tüsho I Buh ju kurungasolu thsürü.

FILIPI 4:18

Inü khiukde tüsho alü she leangkhido; nüsanü amühahkhi thsambahbo rhümthünea kingaün aleangkhikhukbe, shuhmülanga jihbe tüsho Thrünpuh asühshihbe Epaphrodita kilimnü leangkhibah I suhdahde lah.