HOSEA 14:4 - AMÜSÜH HÜM CL Bible (BSI)

⁴ “ Inü arü akin-mülakhi thsüngubah; inü akeangnü arü muzhobah, tümüde I bukakhiukkhi arü kheaknü tsodo.

HOSEA 14:4 Iomraidhean Croise

MUNGSHIKHÜN 10:14

Tüshe nünü ju ngüdo, tümüde nünü nü khahnü ajihlopü küpkhuk tüsho mulong rozhak kheahyukchoh. Müthsümülarünü anihbuh nü kilim shuhmülanga jihchoh; nü a mürerü rungrü ah.

MUNGSHIKHÜN 20:8

Arübo khukning tüsho keamdo; tüshe isa asürü tüsho langde zhiplah.

MUNGSHIKHÜN 78:38

Tüshe api amüthsümnü mide arü mülimkhibo neak bahjih, tüsho arü müdükheakshih. Kim aban api bukakhiukkhi tuklo, tüsho api mulong müzhipzhip.

ABEKHIT 15:26

tüsho tha, “Nüsanü Atungpuh nüsa Thrünpuh yu anide api miki alungki rhimode api yukhümbo anide tüsho api yakzan alala zosho, inü Ijiprü kheak hande arükhi tukthsübo tümü she nüsa kheak müyükihshih. Tümüde I nüsa thsüngurü Atungpuh ah.”

ISAIA 12:1

Ju nimung nünü athabah: Inü nü ki makshe jihbah, O Atungpuh , tümüde nünü I kheak bukakhiukkhiuk she, nü bukakhiukkhi rholode tso tüsho nünü I mulong shukheam.

ISAIA 55:1

He, sherü kethürila, ke ching arang; tüsho nüsa sho mülarübo, arang, luang tüsho tsühang! Arang, yukhu tüsho niuhke adün müjihde luang.

ISAIA 57:18

Inü arü limrobo ngüdo, tüshe inü arü thsüngubah; inü arü bebah tüsho mulong shukheam jihlobah, Israel ching mihtsürü mün kheak mungshi lashihbah:

JEREMIA 14:7

Isa mülimkhibonü isa azhihde thiyumütsan thsüthsü she, O Atungpuh , nü mung chingnü rhimoang; tümüde isa ashitlokhi tode lah tüsho isanü nü azhihde neak yihbeakdo.

JEREMIA 17:14

I thsüngujang, thsüngujang, O Atungpuh , tüsho I athsüngubah; I khümkhitang, tümüde nü a inü mungshipü lah.

JEREMIA 3:22

Rholoang, O akin mülakhi tsührübo, inü nüsa akin mülakhi chingnü thsüngujihbah. “He, isa nü kilim arüchoh; tümüde nü a Atungpuh isa Thrünpuh.

JEREMIA 31:20

Ephraim a inü amuzhokhi tsührü a de? Api ju inü asühkhi tsührü a de? Alochode inü api azhihde asuksuk she, judü lang inü api lümkhitchoh. Jumonü api thsungkheak I mulong niuthünaka lah; tsükjide inü api kheak mihmüthsüm labah, Atungpuhnü thachoh.

JEREMIA 33:6

Tütüshe inü shihphü jihlobah tüsho thsüngubah; inü arü thsüngubah tüsho lalim atsü tüsho kurampung suhdahde inü arü ki huhbah.

JEREMIA 5:6

Jumonü murung ching yo kekhüzünü arü nguhsahbah, loshelo ching yo rimrenü arü thsümünimbah. Sangtsungnü arü kiutobo azhihde kheahchoh; sherübo wukhiukbanü adütre kamde thonakbah– tümütüsho arünü alakmihkhibo hihlah, arü mulong murholokhi tolah.

JEREMIA 8:22

Gilead ching moli müla de? Ju ching thümürü müla de? Dale tümüde amuzhobe I mihtsürü shihphü müthsüngukhea?

EZEKIEL 33:14

Kheaküshe, inü mihbukmuyuk ki, “ Nüsa tsükjide ashebah” de thatha she, mürangkhüh arünü arü neak chingnü rholosho tüsho yakzan lungki tüsho alim tümüanü rhimosho–

EZEKIEL 36:36

Judüki nü mühide alakhi trükshihbo alalanü I Atungpuhnü , athsümünim dangpungbo thsüloa lah tüsho abahkhi khimloa lah de mükheahbah; I Atungpuhnü asukdo, tüsho inü ju rhimobah.

HOSEA 11:7

I mihtsürü ju I kheaknü rholode atsopü lümkihlah. Arünü Khide Achangbuh ki jiji she apinü arü mushuhmusu.

HOSEA 2:19

Tüsho inü nü lünnü I niube thsüpü lubah; inü nü thiyuro-lungki, thiyuro, muzhodakkhi, tüsho mihmüthsüm chingnü I niube thsüpü lubah.

HOSEA 6:1

Arang, isanü Atungpuh kilim rholoanü; tümüde apinü isa thonak, tüshe apinü isa thsüngubah; apinü isa yurijih, tüshe apinü isa mü rümjihbah.

ZEPHANIA 3:17

Atungpuh , nü Thrünpuh, nüsa bolung lah, Wuto Khülangnü nü khümkhitbah; apinü nü kurungkheak asühbah, apinü api muzho ching nü aso kamshihbah; apinü nü kurungkheak asühde khün thsübah,

WÜHKHE 25:11

“ Amükeambuh Aron kheak yo, Eleazar tsührü Phinehasnü I bukakhiukkhi Israelrü kheaknü tsoloshihdo; tümütüsho inü arü bolung mulongkhi kheak apinü mulongkhit, junangde inü I mükthsükhi ching Israelrübo müdükheakshih.

WÜHKHE 25:4

Tüsho Atungpuhnü Mosa ki tha, “ Mihtsürü limberübo alala bea lung, tüsho Atungpuh miki anidüchi ching zhinang, ju hode Atungpuh bukakhiukkhi Israel kheaknü rholode atsobah.”

ROMRÜ KILIM PAULNÜ ATHRÜTKHI KIHÜM HUHTANYU 3:24

tüshe Jisu Khrista hode arükhi api amüthsüm hode akeangnü alim kamshih.

EFISIA 1:6

ju apinü muzhodakbuh lung isa kheak akeangnü ajihkhi api müretahkhi amüthsüm shijihpü lakheah.

2 TIMOTHI 1:9

shepünü isa khümkhit, tüsho amüsüh jikhi ching isa jikhea, isa rhimobo dünkheaknü yung, tüshe api lümkhi tüsho adüso kambo ching Jisu Khrista hode apinü isa kilim jihkhi amüthsüm dünkheaknü,

TITA 3:4

tüshe küyimki isa khümkhitrü Thrünpuh tsükhi tüsho amuzho amikheak akhiukkhea,