HOSEA 14:3 - AMÜSÜH HÜM CL Bible (BSI)

³ Asirianü isa mükhümkhit; isanü khorabo kheak mübin; isa khahnü athsükhi ki kheaküa, ‘ Isa thrünpuhbo,’ de mütha. Nü kheak mürerünü mihmüthsüm ngüchoh.”

HOSEA 14:3 Iomraidhean Croise

2 KIUTHSÜYUKHEAN 16:7

Ju kim ching wukihbuh Hananinü Juda kiulongthsüpuh Asa kilim arü, tüsho api ki tha, “Tümütüsho nünü Siria kiulongthsüpuh kheak düthsün angü, tüsho Atungpuh nü Thrünpuh kheak düthsün mangü, Siria kiulongthsüpuh yo bonungrü nü kheaknü tsokhido.

MUNGSHIKHÜN 10:14

Tüshe nünü ju ngüdo, tümüde nünü nü khahnü ajihlopü küpkhuk tüsho mulong rozhak kheahyukchoh. Müthsümülarünü anihbuh nü kilim shuhmülanga jihchoh; nü a mürerü rungrü ah.

MUNGSHIKHÜN 146:3

Nünü yakzanshuhrübo yungsho arungpü mülakhi mihtsürü tsührü kheak dükin.

MUNGSHIKHÜN 146:9

Atungpuhnü jaksorübo kheak kheahchoh; apinü buhrü mülarü tüsho khimoberü shukheamjihchoh; tüshe apinü mihbukmuyuk limro thsümünimjihchoh.

MUNGSHIKHÜN 33:17

Thirithsü khora ju akuk ngüpü mulonglam akeangkeang, tüsho ha sühmüh atonü mükhümkhitkhuk.

MUNGSHIKHÜN 68:5

Mürerü abuh tüsho khimoberü tsungdojihrü Thrünpuh ju api amüsüh lapung ching lah.

ISAIA 1:29

Tümüde nünü kingaünkhi thülamdung dünkheak nü achih ngübah; tüsho nünü amokhitkhi ayündo dünkheak mi zhinbah.

ISAIA 2:20

Ju nimung mihtsürübonü arü shotoyinchi le suna sangthsübo ju udungbo le phihnubo kilim jipa bahbah, küpü arünü kingaünpü thsungkheak thsükhea,

ISAIA 27:9

Jumonü hanü Jakob amülim dün shaklobah tüsho ha api neak yihkhita bahkhi sangaso labah: Küyimki apinü lung kingaün sadambo alala athrütbe-lung nangde adütre kamde züthünakbanü, Ashera sangthsü yungsho rhümthüneabe kingaün sadambo tümü aninga müzhip.

ISAIA 30:16

tüsho tha, “ Yung! Isa khorabo kheaknü shande atsobah”– jumonü nüsa ashanbah! tüsho, “ Isa athrikhi khorabo kheak binbah”– jumonü nüsa müshamrü athribah!

ISAIA 30:2

shepünü I ki mükeokhide Pharaonü akümkhi ching tsoyukpü, tüsho Ijip alamme ching kurampung yimde ayükipü tsahmusukhea;

ISAIA 31:1

Aha, sherünü arung thsungkheak Ijip ching yükicho tüsho shenü khorabo kheak düthsün angücho, shenü khora-lolungbe kheak kincho tümütüsho arü ahihdo lah tüsho khoraberü kheak kincho tümütüsho arü khide sühmüh lah, tüshe Israel Amüsüh Thrünpuh kheak mükheah yungsho Atungpuh ki mükeokhi!

ISAIA 31:3

Ijiprübo ju mihtsürü ah tüsho Thrünpuh yung; arü khorabo shih, tüsho me yung. Küyimki Atungpuhnü api khah chungkihbanü, arungrü jing mükhebah, tüsho arungbuh alungbah, tüsho ane chido rukhüh dükheakbah.

ISAIA 36:8

Kheakü arang, I putungrü Asiria kiulongthsüpuh ki thiyuchihchimang: Inü nü kilim khora 2000, nünü jurü bepü yimkhuksho ajihbah.

JEREMIA 49:11

Nüsa yo mürerübo zojang, inü arü rhangdung kümbah tüsho nüsa yo khimoberübo I kheak kinshang.

EZEKIEL 36:25

Inü nü kheak ke amüsüh rhakkihbah, tüsho mümüsühkhibo chingnü nü müsühbah, tüsho nü sangthsübo alala chingnü inü nü müsühbah.

EZEKIEL 37:23

Arünü küyimkishe nihbuh zangrü arü sangthsübo tüsho athraneanbebo yungsho alakmihkhi khürü hode müneana mulu. Arü rholode atsokhi neakbo alala chingnü inü arü khümkhitbah, tüsho inü arü müsühkhitbah. Arü I mihtsürü thsübah, tüsho I arü Thrünpuh thsübah.

HOSEA 12:1

Ephraimnü apung yimtsühchoh, tüsho nimung amuyung aniakhiuklim pung müshamchoh; arünü akeangyu tüsho athsümünim alü kamshihchoh; arünü Asiria kheak binthrüm thsüchoh, tüsho Ijip lim müdangke hande yüchoh.

HOSEA 13:2

Tüsho kheakü arünü alü neak yihbeakchoh tüsho arü anikhitkhi yande shotoyinchinü sangthsübo thsüchoh, arü alala rhimorünü athsükhi rhimobo lah, “Harü ki laksah-a kingaünang,” arünü tha. Mihtsürübonü moshi nunubo müthsüpchoh.

HOSEA 14:8

O Ephraim, inü nü sangthsübo kheak tümü thsüba? Nü ki alorü tüsho nü kümrü ju I ah. I a lünnü aphüyak sang nangde lah; nü thülünde alapü I kilimnü arüchoh.”

HOSEA 2:17

Tümüde Baal mungbo amün chingnü yihkhita bahjihbah, tüsho arübo mungnü müjilo.

HOSEA 4:12

I mihtsürübonü sang ki keokhichoh, tüsho arü müchit-tsonü arü ki müchita jihchoh. Tümüde jilihjikhün menü arü bephülapdo, tüsho arü Thrünpuh mihabahde arünü jilihjikhün ahorido.

HOSEA 5:13

Küyimki Ephraimnü anihbuh tukthsükhi, tüsho Judanü anihbuh mü ngükhea, judüki Ephraimnü Asiria kilim yü tüsho ato kiulongthsüpuh kilim yüshih, tüshe apinü nü müthsüngukhuk yungsho nü mü mungushih.

HOSEA 7:11

Ephraim a müthrithrümpü nangde kamdo, makhalah tüsho sulüm müla; arünü Ijip ki jichoh, arünü Asiria lim yüchoh.

HOSEA 8:6

Tümüde ha Israel chingnü, rhimorü khülangnü thsü; ha Thrünpuh yung. Samariarü moshi nunu ju adütre kamde ayihthünakbah.

HOSEA 8:9

Tümüde arünü mütüm donki alangzü tsahkhi nangde Asiria lim wutudo; Ephraimnü amuzhorü mulodo.

JONA 2:10

Judüki Atungpuhnü thüngüh ki asuk, tüsho alo akung khea Jona mülümkhita bah.

ZEKARIA 13:2

Wuto Atungpuhnü thachoh, ju nimung inü lomi chingnü sangthsübo mung dükheakshihbah, junangde kheaküa arü mülümkhit; tüsho inü lomi chingnü wukihrübo le mümüsühkhi me yihkhitbah.

JOHAN 14:18

“Inü nüsa mürerübo nangde mübahjih; I nüsa kilim arübah.

YUZÜNGTHALO 17:16

tüshe kiulongthsüpuhnü anihbuh bonungrü thsungkheak khora hihde mubushihbeah, tüsho apinü mihtsürübo khora thulopü Ijip ching müyüshihbeah, tümütüsho api mihtsürü küyimkishe ju ching alode müyüshihpü Atungpuhnü thado.