HOSEA 13:5 - AMÜSÜH HÜM CL Bible (BSI)

⁵ Akung lo, sunglo ching nü kümbuh ju I lakheah.

HOSEA 13:5 Iomraidhean Croise

THRÜNTAN 31:40

I ha ruk lakheah: animung alamkhinü takbeak, azhing ching athsakkhinü dükhan, tüsho I yapshede müyükhukde alakheah.

MUNGSHIKHÜN 1:6

tümüde Atungpuhnü thiyuro-lungkirü limro mükheahlah, tüshe mihbukmuyuk limro adükheakbah.

MUNGSHIKHÜN 142:3

Küyimki I me zhidoa lakhea, judüki nünü I tsahpung mükheah. I tsahpung limro ching arünü ramde I thsungkheak müthrim zo.

MUNGSHIKHÜN 31:7

Nü muzhodakkhi thsungkheak inü asühachihbah tüsho asühbah, tümütüsho nünü I thsünü ngü, nünü I me thsünükhi mükheah,

MUNGSHIKHÜN 63:1

O Thrünpuh, nü I Thrünpuh ah; nahde inü nü yimbah; I menü nü thsungkheak kethürilah; ke mülapung akung lo tüsho asüksük lo ching I shihnü nü mürheangchoh.

ABEKHIT 2:25

Thrünpuhnü Israelrübo azhorü kuhi ching lakhi ngübah arü thsungkheak lümrhihjih.

JEREMIA 2:2

Yüang tüsho Jirusalemnü sode zhiyukang, Atungpuhnü ha thachoh: Inü nü athunuchoki shuhmülanga jihkhi lümkhitchoh, akhuh yamkhün thsüchoki mümükheankhi lomi sunglo ching nünü I yankhi lümkhitchoh.

JEREMIA 2:6

“Atungpuh küching la, shepünü isa Ijip chingnü bede atukhea, shepünü isa sunglo ching bede yükhea, loshelo tüsho alokhünbo lakhi lomi ching, akung tüsho khide amiting lomi ching, shenü mütsahhokhi lomi ching, küching sheshe mülakhea?” de arünü mütha.

HOSEA 5:3

Inü Ephraim mükheahlah, tüsho Israel I kheaknü jika müla; tümüde kheakü, O Ephraim, nünü yüliyüra ahorido; Israel müneana lah.

HOSEA 9:10

Sunglo ching kurungasobo nangde, inü Israel ngüdo. Akheahmünchi ching khubaso akhuh asokhi nangde, inü nüsa jipürübo ngüdo. Tüshe arünü Baal-peor ching arü, tüsho achihbe kukruk ki arü nihbuh müsühkhit, tüsho arünü muzhokhi kukruk nangde arübo athraneanbe kam.

NAHUM 1:7

Atungpuh tsülah, küpkhuk nimung ching chipi khülang lah; api kheak tsoyukrü apinü kümchoh.

1 KORINT 8:3

Tüshe khürünü Thrünpuh muzhosho, apinü anihbuh mükheahlah.

GALATIA 4:9

tüshe kheakü, nüsanü Thrünpuh mükheahdo, yungsho Thrünpuhnü mükheahdo, küde thsah nüsanü jurü bukkhüp azhorü kamlopü reangmüzahkhi tüsho achimudo yuzüngbo lim rholoba?

YUZÜNGTHALO 2:7

“Tümüde Atungpuh nüsa Thrünpuhnü nüsa khah rhimokhi alala ching müngühjihdo. Apinü nüsa ha sunglo ato hode keaksahde atsahkhi mükheahlah. Ha kam yirü Atungpuh nüsa Thrünpuh nüsa lung lado; tüsho nüsa tümü she müngüde müla.

YUZÜNGTHALO 32:10

Apinü api sunglo ching tüsho tümü mülakhi sunglo ching ngü; apinü anihbuh mükamdode, api küm, apinü anihbuh api mükji mukhiuk nangde neakde la.

YUZÜNGTHALO 8:15

Apinü nüsa mükheahbinkhi tüsho atrebe sunglo, kethürikhi tüsho akung lo, müzüm phuruto tüsho lungthsühri lakhi hode bebah arü. Apinü nüsa kilim lungmüzhak chingnü ke handarü.