HOSEA 13:3 - AMÜSÜH HÜM CL Bible (BSI)

³ Jumonü arübo ju yapsu shumuliu nangde yungsho mükikde kheamabahkhi ayinke nangde, rhimopung chingnü hitsüt yüna tsoshihkhi nangde yungsho ayinripit ching mokhüh nangde alabah.

HOSEA 13:3 Iomraidhean Croise

JOB HU H T ANYU 21:18

Küdükhüh ki lang arü apung müngüh müneang ruk laba, tüsho tsüngpungtsüngpungnü zünde atsokhi hitsüt ruk laba?

JOB HU H T ANYU 30:15

Atrebebo I kheak akihdo; I wüntrepü apungnü ayünkhi nangde tüsho I lakhit amo nangde tsoabahdo.

MUNGSHIKHÜN 1:4

Mihbukmuyukbo jude yung, tüshe apungnü yünde atsokhi hirüp ruk ah.

MUNGSHIKHÜN 68:2

Mokhüh kita tsoshihkhi nangde, arü yana tsoshang; thürip mo miki niuabahkhi nangde, mihbukmuyuk ju Thrünpuh miki dükheakshang.

ISAIA 17:13

Trükshihbonü ke ahihdo ahukkhi nangde ahukchoh, tüshe apinü arü müdanbah, tüsho arü awungbo kheak müneang apung müngüh yünkhi nangde tüsho chinthrüm müheankhi asungthulung nangde limshude atsobah.

DANIEL 2:35

Judüki yinchi, alo, müwayinchi, shotoyinchi, tüsho suna alala ju adütre kamde yihthünak tüsho muzhu rhimopung yo hitsüt nangde kam; tüsho apungnü jurü yünde tsoabah, junangde arü ru müngükhukde kam. Tüshe sangthsü kingkhi lung junü müzüng ato khülang kam tüsho alomi athrünkhi mi.

HOSEA 6:4

Inü nü ki tümü thsüba, O Ephraim? Inü nü ki tümü thsüba, O Juda? Nü muzho a yapsu shumuliu nangde, yapsu ayinke nahde dükheakabahkhi nangde lah.

ZEPHANIA 2:2

hitsüt nangde nü yüna mutsoshihyikinü, Atungpuh mulong zhipzhip nü kheak marüyichokinü, Atungpuh bukakhiukkhi nimung nü kheak marüyichokinü!

ZEKARIA 8:12

Tümütüsho judüki mungtsü yangkhi labah; kurungasonü aso asobah, alonü amukhuhshihbah, tüsho thüningbonü ayinke jihbah; tüsho inü ha mihtsürü aningkhi ki harü alala yamrüplurüp lushihbah.