HOSEA 13:2 - AMÜSÜH HÜM CL Bible (BSI)

² Tüsho kheakü arünü alü neak yihbeakchoh tüsho arü anikhitkhi yande shotoyinchinü sangthsübo thsüchoh, arü alala rhimorünü athsükhi rhimobo lah, “Harü ki laksah-a kingaünang,” arünü tha. Mihtsürübonü moshi nunubo müthsüpchoh.

HOSEA 13:2 Iomraidhean Croise

1 KIULONG THSÜRÜ 19:18

Judüalalashe Baal ki mukhukningrü alala tüsho api kheak mümüthsüprü aban, inü Israel ching 7000 lashihbah.”

2 KIUTHSÜYUKHEAN 28:13

tüsho arü ki tha, “Nüsanü aramrü ha ching bede marübeah, tümüde kheakü isa kheak neakbo tüsho amülim lakhi kheak khiode Atungpuh azhihde isa kheak amülim hande arüpü lümlah. Tümüde isa amülim lakhi ato kamdo, tüsho Israel azhihde bukakhiukkhi amüshak lah.”

2 KIUTHSÜYUKHEAN 33:23

Abuh Manasenü azhihayihkhi nangde apinü Atungpuh miki mazhihayih tüshe ha buh Amonnü amülim alü thsüde rhimo.

MUNGSHIKHÜN 2:12

Ajanang tüsho api ki khukningang; jude yungsho nahde abukakhiukbah tüsho nüsa zukleangnü limro ching dükheakbah. Sherübo api kheak tsoyukchonü asühpü.

ISAIA 1:5

Tümüde nüsanü kheaküshe laka lupü yimcho? Tümüde nüsanü mutuklode azhihcho? Ku abümnü tukthsülah, tüsho mulong abümnü keahkhichoh.

ISAIA 30:1

O, azhihrü tsührübo, Atungpuhnü thachoh, shepünü lümkhi thsücho, tüshe I yo yung; shepünü arihcho, tüshe I lümkhi azhihkhi la, neak ching neak yukajakcho;

ISAIA 44:11

Kheahang, ha kingaünrü alala achih ngüshihbah; keaklahrü she mihtsürü lang ah. Arü alala mukhungshang, arü zhipshang; arü treabahbah, arü achih ngüshihbah.

ISAIA 45:20

Nüsa shomukhungang tüsho rukhüh arang, phünide arang, nüsa trükshih chingnü tsokhita larübo! Arübo mükheahmudu müla– sherünü arü sangthsübo hancho, tüsho mükhümkhitkhukbe thrünpuh ki tamkhüntamnücho.

ISAIA 46:6

Sherünü qiuqiununu chingnü suna yihkhita jihcho, tüsho wuhzhin kheaknü shotoyinchi adüncho– arünü thrünpuh thsürü sunakingrü mulochoh; jushu arünü khukningchoh tüsho kingaünchoh!

ISAIA 46:8

Ha lümkhitang tüsho lümakheahang, lüm ching lümloa kheahang, nüsa alakmihrübo.

JEREMIA 10:4

mihtsürübonü ju kheak shotoyinchi tüsho sunanü züt thsüchoh; arünü yümlung tüsho yümru-yinchinü yümkihchoh, junangde ju maphap.

JEREMIA 10:8

Arü chido keakeashahshah-a tüsho makhaa lah; mümokhi sangthsübo kheaknü arünü tümü anikhitpü?

JEREMIA 8:5

Dale küde ha mihtsürünü murholo tsantsande tsoa la? Arünü akeangyu kheak düküngde ramrihdo, arünü arholopü reanglodo.

HOSEA 10:1

Israel a aso hihkhi kurungaso nangde lah. Api aso hih yande, apinü kingaün sadam alü thsü; api lomi lakhit yande, api dungjingbo alü thsü.

HOSEA 10:5

Samaria ching larü ju Beth-aven moshi nunu dünkheaknü ajanchoh. Mihtsürübonü ha dünkheak tüzhobah, tüsho ha kheaknü müretah tsokhi dünkheak ju kingaünrü amükeamrübonü mitripbah.

HOSEA 11:2

Inü küdükhüh api jikheanü judükhüh api I kheaknü tso; arünü Baalbo kilim laksah-a kingaün, tüsho rhümthüneabe sangthsübo kilim jih.

HOSEA 11:6

Nukshangbo arü kiutobo ching phürapbah, arü chipiripit rihbebo thsümünimbah tüsho arü lümkhi akheam thsüshihbah.

HOSEA 14:3

Asirianü isa mükhümkhit; isanü khorabo kheak mübin; isa khahnü athsükhi ki kheaküa, ‘ Isa thrünpuhbo,’ de mütha. Nü kheak mürerünü mihmüthsüm ngüchoh.”

HOSEA 2:8

Inü anihbe ki hi, yukhu tüsho müdangke tüsho anihbenü Baal kingaünkhi ching ahorikhi suna jihkheah de alibenü mümükheah.

HOSEA 4:17

Ephraimnü sangthsübo lung arihdo; api langzü zojang.

HOSEA 8:4

Arünü kiulongthsürübo modo, tüshe I hode yung; arünü yakzanshuhrü modo, tüshe inü mükheahde yung. Arünü arü nihbuh thsümünimpü shotoyinchi tüsho sunanü sangthsübo thsüdo.

HOSEA 8:5

Nü moshinunusangthsü bahang, O Samaria! Arü kheak I bukakhiukchoh. Külokhüh arü mütsangkhitde alaba?

HOSEA 8:6

Tümüde ha Israel chingnü, rhimorü khülangnü thsü; ha Thrünpuh yung. Samariarü moshi nunu ju adütre kamde ayihthünakbah.

WÜHKHE 32:14

Tüsho kheahang! Nüsanü nüsa buhrübo müthride, lün aso aneak mihtsürübonü Israelrü kheak Atungpuh buk alü akhiukshihpü lah.

ROMRÜ KILIM PAULNÜ ATHRÜTKHI KIHÜM HUHTANYU 11:4

Tüshe Thrünpuhnü api ki alokhi tümü a? “Inü I thsungkheak Baal ki mukhukningrü mihtsürü 7000 zodo.”

ROMRÜ KILIM PAULNÜ ATHRÜTKHI KIHÜM HUHTANYU 2:5

Tüshe nü nihnihkhi tüsho nü mulong müküpkhinü Thrünpuh bukakhiukkhi, api thiyuro-lungki mahkhap amikheak akhiuk nimung thsungkheak nü azhihde bukakhiukkhi zomukhungchoh.

2 TIMOTHI 3:13

mihtsürü amütsü tüsho rükmütsürü a mülapyukde tüsho mülapyukabahde amütsü chingnü amütsübe kambah.

1 SAMUEL 10:1

Judüki Samuelnü oliv müdangke lubah aku kheak dungkihjih, tüsho api kheak müthsüpbah tha: “Atungpuhnü api yamrüplurüp Israel mihtsürü kurungkheak yakzan shuhpü nü mujude-mokhitdo yung de?