HOSEA 13:16 - AMÜSÜH HÜM CL Bible (BSI)

¹⁶ Samarianü anihbe mülimkhi hanbah, tümütüsho anihbenü Atungpuh azhihdo; arü nukshangnü akeambah, arü tsührü aninibo adütre kamde khapthünakbah tüsho arü mihlakhi liberübo chakphukbah.

HOSEA 13:16 Iomraidhean Croise

2 KIULONG THSÜRÜ 15:16

Ju kim ching Menahemnü Tiphsa ching lakhi tüsho lomi, Tirza kheaknü rünbah thsümünim; tümütüsho apinü api bukkhüp mazah, apinü ju thsümünim. Apinü mihlakhi azoberü alala chakashung.

2 KIULONG THSÜRÜ 17:18

Jumonü Atungpuhnü Israel kheak khide bukakhiuk tüsho api mikinü arü yihkhita bah; Juda trük kheak hode sheshe maning.

2 KIULONG THSÜRÜ 17:5

Judüki Asiria kiulongthsüpuhnü lomi alala yande arü tüsho Samaria ching arü; kam mahsam apinü ju yan.

2 KIULONG THSÜRÜ 17:6

Hoshea kam tukupü ching Asiria kiulongthsüpuhnü Samaria yankhit; apinü Israelrü bebah Asiria ching yü. Apinü arübo Hala, Gozan ching lakhi Habor ayung, tüsho Midia kiutobo ching binshih.

2 KIULONG THSÜRÜ 8:12

Hazaelnü keokhi, “Tümüde I tungpuh tripcho?” Apinü alo, “Tümütüsho nünü Israel mihtsürü kheak amütsü rhimo lakhi inü mükheahlah; nünü arü chipi monü atakbah, nünü arü athrününgtsüng mihtsürübo nukshangnü alaksahbah, khungarü aninibo ajip kamde jipa bahbah, tüsho mihlakhi azoberübo chakashungbah.”

ISAIA 13:16

Arü tsührü aninibo arü mük kinü adütre kamde yihthünakbah; arü khorabo yankhia lubah, tüsho arü niuberübo thsümünimbah.

ISAIA 17:3

Ephraim chingnü chipi dükheakbah tüsho Damaska chingnü kiulongthsü dükheakbah; tüsho Siria aningkhi ju Israel tsührü müretahkhi nangde alabah, Wuto Atungpuhnü thachoh.

ISAIA 8:4

tümüde khungarünü “Abuh” yungsho “Aba” de ajipü mümükheahyide Damaska lakhit tüsho Samaria ching yankhikhi kukrukbo Asiria kiulongthsüpuhnü lude atsobah.

HOSEA 10:2

Arü mulong amülim lah; kheakü arünü mülimkhi hanbeah. Atungpuhnü arü kingaün sadambo lukkheambah, tüsho arü dungjingbo thsümünimbah.

HOSEA 11:6

Nukshangbo arü kiutobo ching phürapbah, arü chipiripit rihbebo thsümünimbah tüsho arü lümkhi akheam thsüshihbah.

HOSEA 7:14

Arünü mulong chingnü I ki müzhi, tüshe arünü yapkiu kheak tüzhochoh; arünü hi tüsho yukhu thsungkheak nihbuh zangrü tsütchoh; arünü I azhihchoh.

AMOS 1:13

Atungpuhnü ha thachoh: Amonrünü alochode neak yihbeakkhi dünkheak, inü thsümüchi mululo; tümütüsho arünü arü lomi mükahshihpü Gilead ching mübünkeangrübo kiuashungjih.

AMOS 3:9

Ashdod tüsho Ijip chipibo ching zhiyukang, “ Nüsabo Samaria wungbo kheak mukhungang, tüsho ju ching tümü neamneamruru la, tüsho tümü ajunokhi lanü kheahang.”

AMOS 9:1

Inü Atungpuh ju kingaün sadam ki zhipde ngü, tüsho apinü tha: Akhimtan muniukniukyi khiungde dungjing ku kheak lakang, tüsho jurübo mihtsürü alala ku kheak aniukkhiang; tüsho sherü aninga lanü inü nukshangnü alaksahbah; arü she lang she shande mutso, arü she lang she mutsokhi.

MIKA 1:4

Judüki mo phünide thürip lakhi nangde, kebonü awung zünkheamkhi nangde api khüp müzüngbo niubah tüsho jindükhünbo zhibeakbah.

MIKA 6:16

Nünü Omri yakzan thsükhibo tüsho Ahab yamkhün rhimobo zodo, tüsho nünü arü lalimlakobo yando. Jumonü inü nü ju athsümünim, tüsho nü kheak larübo ish thsüpü kamshihkheah; jumonü I mihtsürünü abahyukkhi nünü ahanbah.

NAHUM 3:10

Tütüshe anihbe rama lubah ramtso ching yü; anihbe khungarübo she kiudunglimro yean aban ching adütre kamde kingthünak; anihbe mükheahmudurü dünkheaknü azanbo thsü, tüsho anihbe torü alala wuhrünliubo yuk.