HOSEA 13:13 - AMÜSÜH HÜM CL Bible (BSI)

¹³ Khungarü zübekhi thsünü api kheak arüchoh, tüshe api lümlung mülakhi tsührü ah; tümüde kim dükdü ching apinü nuyam mün ki marü.

HOSEA 13:13 Iomraidhean Croise

2 KIULONG THSÜRÜ 19:3

Arünü api ki tha, “Hezekianü ha tha, Ha nimung ha lümthsünü, athürühkhi, tüsho mihmüthsüm mülakhi nimung khülang ah; khungarübo zübedo, tüsho arü mütrümusupü sühmüh müla.

MUNGSHIKHÜN 48:6

Ju ching arü azoberü thsünükhi nangde atrekhinü tholo,

MÜCHITMUDU 22:3

Rük larünü atrebe ngübah jikchoh; tüshe lümlangrünü judü lang yüchoh tüsho thsünüa luchoh.

ISAIA 13:8

tüsho arübo trede akambah, thsünü tüsho thsümütsünü arü tholobah; arübo aliberü khülang zübepü thsünü ching lakhi nangde thsünükhi ching labah. Arünü khülangnü khülang kheak trede akheahbah; arü mirobo motru nangde alabah.

ISAIA 21:3

Jumonü I chimbo atukkhinü mido; athsükhinü I tholodo, aliberü zübechoki thsünükhi nangde; inü asochoki I lümthsünüdo, inü ju ngüchoki I mulong keahkhiabahdo.

ISAIA 26:17

Pang makeangkhi azoberü kim khiungchoki, anihbe thsünü ching chinphülapde akhungkhi nangde nü miki isa she alakheah O Atungpuh ;

ISAIA 37:3

Arünü api ki tha, “Hezekia nü ha thachoh, ha nimung lümthsünü, athürühkhi tüsho mümuzhokhi nimung khülang; tsührübo zübedo, tüsho arü mütrümusupü sühmüh müla.

ISAIA 66:9

Inü nuyam yeahshungbah müzübeba de? Atungpuhnü thachoh; I, angüshihbuhnü nuyam yihdoba de? Nü Thrünpuhnü thachoh.

JEREMIA 13:21

Nünü nü müyamrü thsüpü lümkhi nü kurungkheak lachoki nünü tümü thaba? Azoberü thsünükhi nangde, thsününü nü müramloba de?

JEREMIA 22:23

O Lebanon ching larübo, cedarbo ching sap shurübo, nüsa kheak aliberü thsünükhi nangde thsünü arüchoki nüsa küdükhüh amuzhobe laba!

JEREMIA 30:6

Kheakü keokhiang, tüsho kheahang, athrürünü tsührü zübekhukba de? Dale tümüde aliberü thsünüchoki nangde athrürü abannü chim kheak khah nimbah inü ngücho? Tümüde mihbüm abannü pheakmulukdo kama la?

JEREMIA 4:31

Tümüde azoberü thsünüchoki nangde azhikhi khülang inü sodo, anihbe tsührü atuzuk zübechoki nangde, Zion azhikhinü sheak dükipchoh, anihbe khah chungkihchoh, “ I ayokhe! I mihkhukrü miki sheshihchoh!”

JEREMIA 49:24

Damaska süh mülade kamdo, anihbe ashanpü rholodo, tüsho thsününü anihbe khiungdo; aliberü thsünüchoki nangde thsünü tüsho mulong rozhaknü anihbe tholoa lah.

HOSEA 5:4

Arü rhimobonü arü Thrünpuh kilim rholode ayüpü mümülü. Tümüde yüliyüra me arü kheak lah, tüsho arünü Atungpuh mümükheah.

JOHAN 16:21

Aliberü küyimki thsünü ching labanü mulong rozhak lachoh tümütüsho anihbe kim arüdo; tüshe alibenü khungarü zübe müleangnü thsünü mülümkhitde kamchoh, tümüde mihtsürü asühkhi alomi ching zübedo.

JOHAN 5:4

Tümüde kim kim ching yunirü khülang kedükim ching yüki tüsho ke ju abükshih; tüsho ke abük dunglim shepü akhuh yüzahbanü api tukthsü tümü lanü thsüngude la.

YUNIRÜBO RHIMO 24:25

Tüsho apinü thiyuro le zangrü danyukkhi tüsho arübe mahkhap atsangachihchoki Felix trede kam tüsho tha, “Kheakü thsungkheak tsoang; küyimki I kim labanü inü nü jibah.”

2 KORINT 6:2

Tümüde apinü thachoh, “Aleangkhipü kim ching inü nüsa ki anido, tüsho akhümkhit nimung ching nüsa rungdo.” Kheahang, kheakü aleangkhipü kim ah; kheahang, kheakü akhümkhitpü nimung ah.

YUZÜNGTHALO 32:6

Nüsanü Atungpuh kheak hade rhimocho de, nüsa abünrü tüsho azhazha mihtsürü? Api ju nü thrünrü nü buh yung de, shepünü nü thrün tüsho trük kamshih?

1 TESALONIKA 5:3

Küyimki mihtsürünü, “Mungtsü tüsho akhümkhit” de athabanü mübünkeangkhi liberü kheak zübethsünükhi nangde zukleangnü arü kheak athsümünim arübah, tüsho arü mutsokhide alabah.