HOSEA 12:9 - AMÜSÜH HÜM CL Bible (BSI)

⁹ I Ijip chingnü nü bekhitbuh Atungpuh nü Thrünpuh; akhukhitkhi thünio nimungbo ching nangde, inü nü khimyambo ching laloshihbah.

HOSEA 12:9 Iomraidhean Croise

THRÜNTAN 25:27

Azüne ju zode arü, tüsho Esau ju shihyanrü, rimshih mihtsürü lakheah, tüshe Jakob a azhihayih mihtsürü, khimyam ching larü lakheah.

2 SAMUEL 7:2

kiulongthsüpuhnü Nathan wukihrü ki tha, “ Kheakü kheahang, I cedar sang yam ching lachoh, tüshe Thrünpuh sangdan a khimyam ching lah.”

EZRA 3:4

Thrüta lakhi yande arünü thüyam arüngde nio; nimung abande yihnüpü lakhi kingaün jih.

MUNGSHIKHÜN 49:7

Mihtsürü khülangnü nihbuh küdah thsüde mürhokhitkhuk; apinü anihbuh rhangdung dün Thrünpuh kilim amo müjihkhuk,

MUNGSHIKHÜN 81:10

I nüsa Ijip chingnü bekhitbuh, Atungpuh nüsa Thrünpuh; nüsa mün atonü kaang tüsho inü amishihbah.

ABEKHIT 20:2

“I nüsa Ijip lomi, azhorü yamkhün chingnü abekhitbuh Atungpuh nüsa Thrünpuh ah.

MÜCHITMUDU 30:12

Mihtsürü khürü arü nihbuh tsangkhitlah de alümrü lah tüshe arü müneankhi müsüh-a mübah.

JEREMIA 35:7

yungsho nüsanü thüyam müthsü, yungsho müjih müyang; yungsho nüsanü kurungasolu müthsü, yungsho müla; tüshe nüsa nimungbo alala ching nüsabo khimyambo ching labah, junangde nüsa lakhi lo ching nüsa nimung hihde alabah.’

JEREMIA 5:27

Wuhnubonü amikhi truji nangde, arü yambo mulomülapnü milah; jumonü arübo ato tüsho alarü kamkheah,

HOSEA 11:1

Küyimki Israel azürü lakhea, inü api muzhokheah, tüsho I tsührü nangde Ijip chingnü jikhit.

HOSEA 13:4

Tütüshe Ijip lomi chingnü I Atungpuh nü Thrünpuh thsüde arüchoh; nünü tümü Thrünpuh mümükheah tüshe I ah, tüsho I hobah akhümkhitrü she müla.

HOSEA 2:15

Ju chingnü inü alibe ki anihbe kurungasolubo jihbah tüsho Akor Jindükhün ju mulonglam ripit khülang kamshihbah. Ju ching alibenü anihbe athunu kim ching nangde, anihbe Ijip lomi chingnü akhiukchoki kim nangde alabah.

LEVI 19:36

Sangkhik dükde, wuh-a adünbe dükde, keluh tüsho adünarabebo nüsanü dükde ahoribeah: I nüsa Ijip lomi chingnü bede akhiukbuh Atungpuh nüsa Thrünpuh ah.

LEVI 26:13

I Atungpuh nüsa Thrünpuh hode nüsa arü azhorü müthsüshihpü Ijip lomi chingnü bekhit; inü nüsa sangkaplak yihshakjih tüsho langakindo tsahshih.

MIKA 6:4

Tümüde inü nüsa Ijip lomi chingnü bekhit, tüsho azhorü yamkhün chingnü nüsa rhokhit; tüsho inü nüsa müngüh Mosa, Aron, tüsho Miriam yüshih.

ZEKARIA 11:5

Sherünü arü thulochonü arü laksahchoh tüsho amülim müla de lümchoh; tüsho sherünü arü yinchonü thachoh, “Atungpuh müngühmühi thsang, tümüde I alarü kamdo”; tüsho arü namfimihnu neakrübonü arü kheak amuzho müla.

WÜHKHE 15:41

I Atungpuh nüsa Thrünpuhnü, nüsa Thrünpuh thsüpü nüsa Ijip lo chingnü bekhit; I Atungpuh nüsa Thrünpuh.”

JOHAN 7:2

Kheakü Jihudarü Arüngkhimyam Thünio thüninde alakheah.